Отишол на пат и во спалната поставил камери, не можел да се соземе од шокот (фото) - Канал 5

Забава

Отишол на пат и во спалната поставил камери, не можел да се соземе од шокот (фото)

Еден Британец во очај се обратил за совет кај еден брачен психотерапевт. Како што објаснил, повторно ја фатил жената дека го изневерува, само што овој пат имал докази за нејзиното неверство. 

Отишол на пат и во спалната поставил камери, не можел да се соземе од шокот (фото)

Наводно, не знаел што да прави бидејќи не сакал да се разведе поради двата сина што ги имаат, а од друга страна, не можел да го прифати нејзиното неверство.

Во својата интимна исповед, тој вели дека се во брак 15 г., во кој имаат два сина од 14 г. и 12 г.

„Првпат ме изневери по само неколку години брак. Плачеше и се правдаше дека се чувствувала заробена во бракот со двете мали деца. На крајот, ѝ простив“, вели тој.

Неколку години по првото неверство, жената повторно го изневерила, како што вели, поради нивното несогласување, но тој повторно ѝ простил.

А, новото неверство се случило пред неколку месеци. Како што вели несреќниот маж во својата исповед, неговата жена станала ладна и отсутна, честопати се задржувала надвор, иако работела скратено работно време. Сомнежот сè повеќе го гризел, па ѝ поставил замка така што во спалната инсталирал камера што се активира на звук.

Откако се вратил од службениот пат, го преслушал снимениот материјал и за малку не се шлогирал. Таа го довела љубовникот во нивниот брачен кревет. Кога се соочил со својата сопруга, таа прво ја негирала аферата, а потоа тој ѝ ја покажал снимката.

Плачела и молела да ѝ прости, тврдејќи дека оваа авантура ништо не ѝ значи.

Еве што му одговорил брачниот терапевт: „Бракот без доверба е мртов. Заслужувате подобро и напуштањето на тој брак ќе ви даде шанса да најдете некоја што ќе умее да ве почитува, некоја што ќе ви даде љубов каква што заслужувате... Секогаш можете да им бидете добар татко на вашите деца, за нив е важно да одржувате нормален однос со бившата сопруга, затоа што таа им е мајка. Подобро е за вас и за вашите деца секој да продолжи по својот пат – заклучил брачниот терапевт.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Фото: Македонија обоена во зелено по повод Европскиот ден за донирање органи

.

Фото: Македонија обоена во зелено по повод Европскиот ден за донирање органи

По повод Европскиот ден на донирањето органи, ткива и клетки 2026, вечер, како и синоќа, повеќе објекти во државата ќе бидат осветлени во зелена боја, како симбол на надеж, солидарност и нов живот.

За таа цел речиси сите општини во повеќе градови низ Македонија и институции се приклучија кон иницијативата.

Министерството за здравство се заблагодарува за оваа симболична порака со која се дава поддршка за органодарителството и трансплантацијата. Светлината ја пренесува пораката дека хуманоста може да спаси животи.

Секој донор е надеж. Секое „да“ е нов живот.

Да ја шириме свесноста, да поттикнуваме хуманост и да даваме надеж за нов живот!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ураган од четврта категорија се движи кон брегот на Мексико

Моќниот ураган „Симон“ од четврта категорија се движи кон мексиканскиот брег со голема брзина.

Ураган од четврта категорија се движи кон брегот на Мексико

Националниот центар за урагани во Мајами утрово објави дека брзината на ветерот достигнала 225 километри на час.

Симон би можел да донесе помеѓу 25 и 50 сантиметри дожд во делови од југозападно Мексико, а на некои места и до 76 сантиметри, се вели во соопштението на центарот.

Жителите се повикуваат да се подготват.

Метеоролозите предупредија на поплави и свлечишта што претставуваат опасност по животот.

Државата халиско објави дека нема да има настава за понеделник и започна евакуација на десетици луѓе од загрозените подрачја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напади врз Запорожје загинаа осум лица, меѓу кои три деца

Најмалку осум лица, меѓу кои и три деца, загинаа, а 16 се повредени во руските воздушни напади што беа извршени рано утринава врз градот Запорожје, на југоистокот на Украина, соопштија украинските власти. Во нападите уште 12 лица се водат како исчез

Во руски напади врз Запорожје загинаа осум лица, меѓу кои три деца

Ова го потврди Иван Федоров, копретседавач на советот за одбрана на запорошкиот регион, откако претходните податоци на националната полиција и на регионалната воена управа укажуваа на седум жртви во овој регионален центар, што се наоѓа на само неколку десетици километри од линијата на фронтот.

„Рано утринава руските сили фрлија пет наведувани воздушни бомби врз станбените населби во регионалниот центар запорожје. Две од нив погодија станбени згради“, се наведува во соопштението на националната полиција.

Украинските служби за итни интервенции извлекуваа луѓе од урнатините, јави известувачот на франс прес од местото на настанот.

Русија во последните месеци ги засили нападите врз украинската територија, што доведе до зголемување на бројот на цивилните жртви.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер