Отфрлена тужбата против Хулио Иглесијас, пејачот ги тужи новинарите - Канал 5

Живот

Отфрлена тужбата против Хулио Иглесијас, пејачот ги тужи новинарите

Тужбата, која беше поднесена против легендарниот пејач и заводник, Хулио Иглесијас од две поранешни работнички за сексуално и психичко вознемирување, е отфрлена

Отфрлена тужбата против Хулио Иглесијас, пејачот ги тужи новинарите

Тужбата, која беше поднесена против легендарниот пејач и заводник, Хулио Иглесијас од две поранешни работнички за сексуално и психичко вознемирување, е отфрлена бидејќи судот во Шпанија процени дека нема надлежност да го испрашува пејачот.

Две жени кои работеле во неговите вили на Карибите го обвинија пејачот за сексуални напади и во тужбата наведоа дека биле сексуално нападнати и подложени на „несоодветно допирање, навреди и понижување, во атмосфера на контрола и постојано вознемирување“.

Судот ја отфрли тужбата, а Иглесијас сега ги тужи новинарите на порталот Диарио за „местенка“ со измислени ликови и видеа.

Иглесијас ги обвини новинарите за објавување, како што е наведено, лажни снимки и за учество во подготовката на правната постапка, и изјави дека новинарите дејствувале со „очигледен презир кон вистината“ со тоа што извршиле „местенка со професионални актерки“.Во тужбата, Иглесијас тврди дека интервјуата се „претходно монтирани видеа“ што ја наведуваат „јавноста да верува дека наводните жртви се појавиле пред камера, прикривајќи го фактот дека станува збор за реконструкции со професионални актерки“.

Уредничкиот тим на „Диарио“ одговори дека стојат зад сè што објавиле и нема да го повлечат.

„Долгиот, скап и сложен правен процес сега започнува, но убеден сум дека судовите на крајот ќе пресудат во наша корист. Апсолутно не жалам што ја објавив оваа вест, тоа беше наша должност“, рече еден од уредниците на порталот.

Тагови: Хулио Иглесијас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: И во петтата деценија нема проблем да се соблече во танга бикини

Таа е жена од соништата,  во петтата деценија од животот е вистинска секс-бомба.

Фото: И во петтата деценија нема проблем да се соблече во танга бикини

Израелската манекенка Бар Рафаели (41) ја продолжи успешната соработка со модниот бренд „Кастро“ во 2026 година.

Една од најпознатите светски манекенки е заштитно лице на новите кампањи на брендот, вклучувајќи ја пролетната колекција и линијата „High Summer“, кои таа ги претстави и на своите социјални мрежи.

Посебно внимание привлекоа фотографиите во бикини, на кои Бар повторно покажа беспрекорна фигура и завидна форма, исто како и пред неколку месеци, кога позираше во провокативна долна облека за една рекламна кампања.

Тагови: бикини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Кајли Џенер повторно воодушеви во секси бикини

Младата бизнисменка од кланот Кардашијан - Џенер, Кајли Џенер ги израдува фановите со претставување на уште еден модел на бикини, а притоа ја промовираше и својата најнова колекција

Фото: Кајли Џенер повторно воодушеви во секси бикини

Сексапилната Кајли подготви провокативно издание за своите фанови, позирајќи во мини бикини, и веднаш го сподели сето тоа на социјалните мрежи.

Покрај тоа што сакаше да ја истакне својата прекрасна фигура, таа повторно летово ја претстави и новата колекција на костими за капење.

„Навистина е жешко. А и моите бикини се жешки! Ги обожавам“, изјави убавицата

Тагови: кајли џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Видео: Гламурозно порше 911

Славната француска модна куќа  „Louis Vuitton“ и компанијата Singer Vehicle Design од Калифорнија ги здружија силите за да претстават два исклучително ексклузивни модели на Porsche 911 на настанот „Monterey Car Week“.

Видео: Гламурозно порше 911

Славниот „Louis Vuitton“ и компанијата Singer Vehicle Design од Калифорнија ги здружија силите за да претстават два исклучително ексклузивни модели на Porsche 911 на настанот „Monterey Car Week“.

Овие возила, засновани на генерацијата 964, се изработени како целосно персонализирани автомобили.

Соработката започна со барање за пренослив часовник за на контролната табла, инспириран од колекцијата Tambour на Louis Vuitton, но прерасна во проект што го опфаќа дизајнот на автомобилите, ентериерите, багажот и модните додатоци.

Првиот автомобил, „Porsche 911 Reimagined by Singer – Classic“, се одликува со комбинација на бои во нијанси на шафран, кобалт сина и жолта, каросерија од карбонски влакна и атмосферски 4,0-литарски „flat-six“ мотор со 420 КС, поврзан со шестстепен мануелен менувач.

Вториот е „Classic Turbo Cabriolet“ во светла нијанса „Calcaire Lutétien“; неговиот дизајн е дело на Николас Гескјер, уметнички директор за женски колекции во „Louis Vuitton“, а го придвижува 3,8-литарски „flat-six“ мотор со два турбополначи што испорачува приближно 510 КС.

Француската модна куќа не застана само на логата и тапацирот; автомобилите се придружени со специјално изработен багаж, облека и модни додатоци од Louis Vuitton, додека моделот „Turbo Cabriolet“ се одликува и со елегантни дрвени украсни елементи, часовник „Tambour“ и детали што ги спојуваат световите на луксузните автомобили и високата мода.

Цените за овие два примерока не се обелоденети, но станува збор за исклучително ексклузивни проекти на компанијата „Singer“, каде што секој автомобил се изработува според специфичните барања на сопственикот; самата компанија е специјализирана за реставрација и модерна реинтерпретација на класичните модели на „Porsche 911“ со воздушно ладење, пренесува „Motor1“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер