Освен прозорците, демолирана целата внатрешност на планинарската кула на Титов Врв - Канал 5

Македонија

Освен прозорците, демолирана целата внатрешност на планинарската кула на Титов Врв

Членови на планинарскиот клуб „Аргентус Монт“ по понеделничката објава дека се оштетени прозорците на планинарската кула на Титов Врв, вчера биле таму за целосен увид и утврдиле дека луѓе во голема мера ја демолирале и внатрешноста.

Освен прозорците, демолирана целата внатрешност на планинарската кула на Титов Врв

Покрај членовите на клубот на увидот присуствувал и претставник на Комисијата за планинарски домови при Федерацијата за планинарски спортови. Со оглед тоа дека во изминатите неколку години членовите на овој клуб носеа материјали за опремување на кулата, се знае и висината на материјалната штета.

-Кулата е вандализирана во периодот измеѓу 8 и 18 декември 2022 година. Направена е голема штета од ванадлизирањето. Врз основа на увидот се констатираше дека вандализирањето е извршено од најмалку две лица за да би можеле на импровизиран начин да навлезат на горниот кат. Тие планирано дошле до врвот со солидна опрема за палење на шпер таблите и алати за корнење и кршење, изјави Зија Јонузовски, секретар на клубот.

Според нивниот увид, запалена е една шпер табла и потоа со кршење сторителите се качиле од првиот кат на вториот кат при што е направена штета од околу 5 000 денари. Со насилни удари од внатрешноста со чекани на десет прозорци се искршени стаклата. Од нив осум на вториот кат и два на првиот со што е направена штета од 15.000 денари.

-На вториот кат со удари од внатрешноста со чекан целосно е откорнат еден прозорец и профилите се фрлени надвор, направена е штета од 8 000 денари. На вториот кат со удари од внатре со чекан скршен е рамот од еден прозорец, направена е штета од 6 000 денари. Запален е агрегатот за струја од 3 киловати, со 10 литри бензин во него, направена е штета од 20 000 денари. Од запалениот агрегат е предизвикан пожар и изгорени се материјали и алати, кои биле зафатени во близината, дополнително ќе се утврдува штетата, потенцира Јонузовски.

Уништени се метална маса и две метални клупи планирани за приземјето во Кулата (штета од 12 000 денари), а сторителите освен демолирање украле и батериска бормашина вредна 5 000 денари.

-Со насилни удари е оштетена трпезариската маса на вториот кат направена е штета од 4 000 денари. Оштетена е опремата од соларниот панел, нахнадно ќе се утврдува штетата. Изгорени и испокршени се и други материјали и алати кои дополнително ќе се утврдат при расчистувањето на штетите, информира Јонузовски.

Планинарите со вчерашната акција привремено ги затворени сите испокршени десет прозорци со плексан и дрвени даски со цел во Кулата да не навлегува снег во зимскиов период. Целосната санација ќе се реализира наредната година во организација на Федерацијата за планинарски спортови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Славен Јутјубер изгубил милиони, па отишол да живее на село- сега работи нешто сосема друго (ВИДЕО)

Средината на 2010-тите беше златното време на мега-јутјуберите.

Славен Јутјубер изгубил милиони, па отишол да живее на село- сега работи нешто сосема друго (ВИДЕО)

Иако денес тие се предизвикани од креаторите на Инстаграм, ТикТок и други платформи, тогаш немаше начин да се заобиколат. Некои од најголемите канали во германското говорно подрачје доаѓаа и од Австрија - како на пример каналот на Марсел Денев, објави Хеуте.

32-годишниот Јутјубер го достигна својот прв милион во 2016 година под името „XFreak“, а набргу потоа достигна бројка од два милиони следбеници. Отровно зелено Audi RS7 вредно околу 115.000 евра стана негов заштитен знак - денес тоа е комбе за достава на Бофрост.

Пред пет години, имаше ненадејна тишина, а видеата беа објавувани само спорадично. Пред една година, тој беше препознаен.

„Бараме работа затоа што YouTube повеќе не работи“ - видео кое, иронично, собра само 85.000 прегледи. Сега, претходно оваа недела, „Ksfreakwhatelse“ се враќа со она што е веројатно неговото најлично видео досега: „Вака живеам денес“.

YouTube video

По стечајната постапка и долговите во висок шестцифрен опсег, тој сака да изгради нов живот. Пред неколку месеци, се пресели од Линц на село со својата свршеница и бебе, во нов стан. Таму сега работи „сосема нормално“.

Според Билд, Ksfreak доставува храна за компанијата Бофрост. Тој ја работи оваа работа четири дена во неделата, додека еден ден е резервиран за неговиот приватен бизнис - имено видео продукција и стриминг.

„Потоа секогаш можете да видите дали некој може повторно да го направи тој скок или не“, рече тој.

Тагови: јутјубер село

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американците запреа танкер во Оманскиот залив по предупредување од Британците

Британската агенција за поморска трговија (UKMTO) издаде безбедносно предупредување по инцидентот што се случи вчера во Оманскиот Залив. 

Американците запреа танкер во Оманскиот залив по предупредување од Британците

Предупредувањето е издадено врз основа на дојава дека танкер и воени сили биле вклучени во инцидентот. Речиси истовремено, Асошиејтед Прес објави дека Американската централна команда (CENTCOM) го онеспособила моторниот танкер „Лавин“, кој наводно се обидел да ја пробие американската поморска блокада на Иран.

Засега нема официјална потврда

Досега не е официјално потврдено дали предупредувањето на британската агенција и американската воена операција се однесуваат на истиот настан. Американската централна команда сè уште не дала официјална изјава за целиот случај, а причините зошто не го сториле тоа се непознати.

Тагови: Оманскиот залив танкер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Американска ѕвезда е уапсена- возел пијан

Поранешниот квотербек во НФЛ, Тони Ромо, се најде во центарот на скандал откако беше уапсен во Милвоки под сомнение за возење под дејство на алкохол. 

Американска ѕвезда е уапсена- возел пијан

Според американските медиуми, поранешниот ас не го положил стандардниот полициски тест за трезвеност, поради што веднаш бил приведен.

Полицискиот тест вклучува проверка на движењата на очите, одење по права линија со вртење и одржување рамнотежа на една нога. Не беше објавено во кој дел од тестот Ромо не успеал, ниту дали бил подложен на алкотест или го одбил.

По апсењето, Ромо беше пуштен да се брани од слобода, но ќе мора да се појави на суд во септември. Во државата Висконсин, возењето под дејство на алкохол се казнува со парични казни, одземање на возачка дозвола, а во сериозни или повторени случаи, затворска казна.

Ромо ја помина целата своја НФЛ кариера во Далас Каубојс, каде што сè уште го држи рекордот на франшизата за бројот на фрлени додавања за тачдаун. Тој беше избран за Про Боул четири пати, а по завршувањето на неговата играчка кариера, изгради успешна кариера како телевизиски аналитичар на CBS.

Американската телевизиска мрежа Си-Би-Ес досега одби да коментира за инцидентот во кој е вклучен нивниот познат експерт-консултант.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер