Осуммина обвинети во рамките на истрагата за поткуп во Европскиот парламент - Канал 5

Свет

Осуммина обвинети во рамките на истрагата за поткуп во Европскиот парламент

Осум лица се обвинети за корупција, перење пари и учество во криминална организација по истрагата за поткуп во Европскиот парламент, објави синоќа белгиски обвинител.

Осуммина обвинети во рамките на истрагата за поткуп во Европскиот парламент

Белгиските обвинители на 13 март соопштија дека уапсиле неколку лица под сомнение за поткуп во Европскиот парламент, наводно во корист на кинеската Хуавеј.

На 13 март, белгиските инспектори претресоа 21 просторија низ Белгија и Португалија, а судија оттогаш побара од нив да ги запечатат канцелариите на двајца парламентарни асистенти.

Белгиските обвинители соопштија дека наводната корупција се одвивала „многу дискретно“ од 2021 година под маската на комерцијално лобирање и вклучувала плаќања за преземање политички позиции или екстравагантни подароци како храна, патни трошоци или билети за фудбалски натпревари.

Обвинителите рекоа дека наводниот поткуп бил во корист на Хуавеј. Хуавеј најави дека сериозно ги сфаќа наводите и итно ќе комуницира со властите за целосно да ја разберат ситуацијата и нагласи дека има политика на нулта толеранција кон корупција или други прекршоци.

Обвинителството синоќа соопшти дека меѓу осумте обвинети, тројца се задржани под електронски надзор, двајца се ослободени, а тројца се уште се во притвор. Други информации не беа соопштени.

Европскиот парламент соопшти дека добил барање од белгиските власти за соработка во истрагата.

На крајот на 2022 година, Европската унија беше потресена од скандалот „Катаргејт“ откако белгиските власти обвинија четворица поврзани со Европскиот парламент поради сомневање дека Катар и Мароко поткупувале политичари, парламентарни помошници и невладини организации за да влијаат врз донесувањето одлуки во Европскиот парламент.

Тагови: Европскиот парламент истрага поткуп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода се 12 возачи поради сторено кривично дело „безобѕирно управување возило“

Во текот на изминатото деноноќие, на различни локации во државата, лишени од слобода се 12 возачи поради сторено кривично дело „безобѕирно управување возило“.

Лишени од слобода се 12 возачи поради сторено кривично дело „безобѕирно управување возило“

Од нив, осуммина управувале возило без положен возачки испит и тоа: М.Љ.(40), А.Ш.(22) и Ј.Б.(30) сите од Скопје, И.Р.(24) од с.Света Петка, скопско, А.Р.(23) од с.Беловиште, гостиварско, С.А.(35) од с.Мелница, велешко и Н.М.(28) од с.Зрновци, кочанско и 17-годишник од село во Општина Градско.

Под дејство на алкохол управувале две лица и тоа: Н.П.(29) од Куманово и М.Н.(19) од Скопје. Додека пак, со забрана за управување со моторно возило управувале С.Н. (37) од Кичево и Р.Х.(37) од с.Рашче, скопско.

По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода бугарски државјанин на Граничниот премин Богородица поради фалсификувана исправа

На 02.10.2026 во 09:50 часот на Граничен премин Богородица, полициски службеници го лишија од слобода И.А.И.(58) од Бугарија поради основано сомнение за сторено кривично дело „фалсификување исправа“ по член 378 од Кривичниот законик.

Лишен од слобода бугарски државјанин на Граничниот премин Богородица поради фалсификувана исправа

Известен е јавен обвинител, по што лицето е предадено во полициска станица Гевгелија и по целосно документирање на случајот ќе биде поднесена соодветна пријава.

Тагови: бугарски државјанин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Аеродром го асфалтира паркингот пред детската градинка „Црвенкапа“

Градоначалникот на Општина Аеродром Дејан Митески денеска изврши увид во градежните активности за асфалтирање на паркинг-просторот кај детската градинка „Црвенкапа“ во Стар Аеродром.

Општина Аеродром го асфалтира паркингот пред детската градинка „Црвенкапа“

Со уредувањето и обележувањето на паркинг-местата се добива повеќе функционален простор, подобра инфраструктура и поуреден изглед во овој дел од општината.

Најважно од сè, со ова обезбедуваме посигурен и полесен пристап до градинката за родителите и за нашите најмлади. Кога инвестираме во инфраструктурата, инвестираме во секојдневието на граѓаните.

Општина Аеродром

Тагови: Општина Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер