Забава

Осумгодишната ќерка на Кајли Џенер позира во новата кампања на нејзиниот моден бренд (ВИДЕО)

Ќерката на Кајли Џенер повторно го привлече вниманието на јавноста.

Осумгодишната Сторми Вебстер се појави во новата кампања на модниот бренд Khy, кој Џенер го лансираше во 2023 година. На фотографиите објавени на Инстаграм, девојчето позира во маица, шорцеви и тексас јакна од новата колекција, а косата ја носеше во долги плетенки со розови детали.

Сторми се смее на едната фотографија, додека на другата позира со отворена уста, како да вика. „Моето бебе“, напиша Џенер во коментарите под објавата. Риалити ѕвездата ги споделува Сторми и четиригодишниот син Еир со поранешниот партнер Тревис Скот.

„Твојата мајка е навистина кул“

Кога го лансираше Khy, Џенер откри за списанието Interview дека Сторми добила „мини верзии“ од сите парчиња од првата колекција. „Ми се допаѓа што е вклучена во сè што правам и секогаш подготвувам посебни работи за неа“, рече таа тогаш.

Таа додаде дека прво ѝ објаснила на ќерка си како „мама прави шминка“, а подоцна дека „мама прави облека“. „Сакам да ѝ покажам дека моето име е на карминот. ѝ велам: „Ова е карминот на мама. Твојата мајка е навистина кул.“

@kyliejenner
our first GRWM together 🥹 we always make vids together for fun and i never post them but this was just tooooo cute
♬ original sound - Kylie Jenner

Минатата година, Џенер го сними нивниот „прв заеднички туторијал за шминкање“ за TikTok со Сторми. Потоа ѝ рече на ќерка си: „Мама секогаш ти кажува дека си најубава без шминка.“

Риалити ѕвездата неодамна откри и дека се расплакала додека гледала стари епизоди од „Keeping Up with the Kardashians“ со Сторми. „Беше многу емотивно“, рече таа во подкастот на музичарот Кид Куди, додавајќи дека била воодушевена од фактот дека Сторми сега е на истата возраст како што била кога започнало семејното ријалити шоу.

Тагови: кајли џенер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

BREAKING: Gulfstream G100 with 6 persons on board has reportedly crashed into the Atlantic while flying from Bermuda to Boston pic.twitter.com/gHZI5Sq2vc
— Breaking Aviation News & Videos (@aviationbrk) October 3, 2026

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО.

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.