Осум скриени знаци дека имате проблем со алкохолот – Пиете премногу, а не сте свесни за тоа! - Канал 5

Живот

Осум скриени знаци дека имате проблем со алкохолот – Пиете премногу, а не сте свесни за тоа!

Секој проблем, особено кога станува збор за зависност, станува поголем кога ќе помислите дека не можете да го контролирате.

Осум скриени знаци дека имате проблем со алкохолот – Пиете премногу, а не сте свесни за тоа!

Сакате да се напиете некоја чашка по напорниот ден на работа, но тоа не го сметате за проблем со алкохолот. Сепак, експертите велат дека нормална доза на алкохол неделно е шест чаши вино или околу три литри пиво. Ако пиете повеќе од тоа, време е да се погрижите за вашето здравје.

Научниците истакнуваат осум скриени знаци дека имате проблем со алкохолот.

Секогаш сте уморни

Експертите напоменуваат дека пиењето алкохол пред да си легнете, може само да предизвика пулсирачка главоболка, мамурлак и дехидрација. Исто така, алкохолот ја нарушува РЕМ фазата на спиење, која е клучна за меморијата, учењето и креативноста.

Пад на либидото

Иако на почетокот алкохолот го стимулира производството на хормони како серотонин, допамин и тестостерон, ако го консумирате на подолг рок тој има спротивен ефект. Долгите периоди на консумирање алкохол доведуваат до драстични промени во либидото.

Нерасположение и вознемиреност

Алкохолот е депресив и на почетокот има смирувачки ефект.

- Но, кога ќе помине овој ефект, имаме спротивен случај, нивото на анксиозност брзо се зголемува. Ова делумно се случува поради тоа што алкохолот ја нарушува рамнотежата на невротрансмитерите во мозокот - вели психологот Лиза Ган.

Проблеми со видот

Вртоглавица, заматен вид или двоен „вид“ се чести привремени ефекти на алкохолот.

– Но пиењето може да предизвика и црвенило на очите како последица на отечените крвни садови во окото – вели офталмологот Стивен Хана.

Слабеење на имунолошкиот систем

Поради алкохолот, нашиот имунолошки систем слабее и стануваме поподложни на инфекции и болести.

– Консумацијата на алкохол може да ја блокира активноста на имуните клетки како макрофагите и Т-клетките, кои се клучни за идентификување и борба против патогените – објаснува фармацевтот Каролина Гонкалвес.

Промени во менструалниот циклус

– Новите истражувања покажуваат дека етанолот од алкохолот може да влијае на хипоталамусот и да го наруши производството на хормони, а со тоа да доведе до нарушување на менструалниот циклус – тврди Гонкалвес.

Проблеми со плодноста

Алкохолот доведува до нерамнотежа на хормоните кои ја контролираат репродукцијата, а дури и мали количини алкохол можат да влијаат на менструалниот циклус и да ги намалат шансите за зачнување.

Висок крвен притисок

Пиењето влијае и на крвните садови, тие се стеснуваат. Кога тоа ќе се случи, срцето мора да работи понапорно за да го обезбеди потребното количество крв, а со тоа се зголемува и крвниот притисок, пишува Daily Mail.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец, пронајдени украдени пригушници од железничка пруга и вратени на „Железници“

По добиената пријава, преземени се соодветни мерки и активности.

Лишен од слобода скопјанец, пронајдени украдени пригушници од железничка пруга и вратени на „Железници“

На 03.09.2026 полициски службеници од СВР Скопје го лишија од слобода З.С.(45) од Скопје, постапувајќи по претходна пријава за извршени две тешки кражби на пригушници од железничка пруга, од кои една на подрачје на ПС Аеродром и една на подрачје на ПС Драчево. По добиената пријава, преземени се соодветни мерки и активности и З.С. е приведен во ПС Аеродром, а украдените предмети се пронајдени и вратени на сопственикот „Железници на РМ“. По целосно расчистување и документирање на случајот, ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во тек е исплатата на правата од социјална и детска заштита

Министерството за социјална политика, демографија и млади информира дека денеска 4 септември 2026 година започна исплатата на правата од социјална, детска и цивилна заштита за месец август 2026 година.

Во тек е исплатата на правата од социјална и детска заштита

Kорисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство.

Исто така, и корисниците кои не користат картички од денеска ќе можат да ги подигнат своите средства во сите отворени филијали и експозитури на банките.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Отворен јавен повик за лични асистенти на ученици со посебни образовни потреби

Општина Центар го објави јавниот повик за ангажирање лични асистенти на ученици со посебни образовни потреби, во рамки на проектот „Образование за сите“, кој ќе се реализира во општинските основни училишта во учебната 2026/2027 година.

Герасимовски: Отворен јавен повик за лични асистенти на ученици со посебни образовни потреби

Личните асистенти ќе им обезбедуваат поддршка на учениците во текот на образовниот процес, со цел полесно вклучување во наставата и секојдневните училишни активности.

„Со проектот „Образование за сите", продолжуваме со поддршката за учениците на кои им е потребна дополнителна помош во текот на образовниот процес. Нашата цел е секое дете да има еднаква можност да учи, да напредува и да биде вклучено во училишната средина. Истовремено, преку овој проект отвораме можност за работен ангажман на лица кои имаат знаење, искуство и желба да работат со деца“, изјави градоначалникот на Општина Центар, Горан Герасимовски.

На јавниот повик можат да се пријават заинтересирани лица со минимум завршено средно образование и претходно искуство во работа со деца со посебни образовни потреби. Повикот е насочен и кон долгорочно невработени лица, млади до 29 години, лица постари од 50 години, самохрани родители и родители на деца со попреченост.

Предност ќе имаат кандидатите со високо образование од областа на наставата, психологијата, педагогијата, дефектологијата и социјалната работа, како и лицата кои имаат претходно искуство како лични или образовни асистенти или поседуваат лиценца за личен асистент на лица со попреченост.

Избраните кандидати ќе бидат ангажирани 20 часа неделно во период од осум месеци, почнувајќи од октомври 2026 година до крајот на учебната 2026/2027 година. За ангажманот е предвиден месечен нето-надоместок од 18.000 денари.

Пријавите со потребната документација се поднесуваат во Архивата на Општина Центар-Скопје, барака 6, од 9:00 до 15:00 часот.

Јавниот повик трае пет работни дена од денот на објавувањето и е достапен на веб-страницата на Општина Центар-Скопје и на огласните табли во општинските основни училишта.

Со почит,

Одделение за односи со јавност

Општина Центар - Скопје

Тагови: Горан Герасимовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер