Живот

Осум години е во врска со своето момче, но не сака да живее со него

  - Една важна работа ги држи разделени

Александра Севил, која живее во Њујорк, повеќе од 8 г. е во врска со својот партнер, но не планира брак или заеднички живот со него. Како што изјавила таа за Бизнис инсајдер, овој начин на живот е совршен за двајцата.

-Кога нашата врска стана сериозна, размислувавме да изнајмиме заеднички стан, но не успеавме да се договориме. Мојот партнер има син од претходниот брак, па му беше важно да биде во близина на добро училиште. Јас имам куче, па ми беше важно недалеку од станот во кој живеам да имам парк каде ќе можам да го шетам својот миленик – ја започнала својата исповед оваа жена.

Мојата комода во неговиот дом

Александра признава дека од почетокот имала внатрешно чувство дека не треба да го прави тоа.

- Го сакам моето момче, но имам чувство дека некогаш може да ми биде непријатно ако бидеме нонстоп заедно, 24 часа на ден. Бракот никогаш не ми бил важен, не сакам деца, а независноста ми е приоритет - искрена е Александра.

Кога му го кажала тоа на својот партнер, тој се воздивнал со олеснување.

- Мојот партнер има стан со пристојна кирија, во кој веќе со години живее со својот син. Освен тоа, двајцата бевме свесни дека моето присуство ќе го наруши животот на неговиот син, а јас не бев подготвена да се вклопам во нивниот живот и рутина, иако и двајцата би сакале да поминуваме повеќе време заедно – додала таа.

Под влијание на околината и пријателите кои започнале заеднички живот или се венчале, Александра во еден момент почнала да ја преиспитува својата врска и каде таа води.

- Набргу сфатив дека нашиот одвоен живот всушност има бројни предности и дека ја зацврстува нашата врска. Имам свој стан, време за себе, за пријателите, а љубовта и партнерот се секогаш тука. Моето момче се погрижи да имам простор во неговиот дом и да се чувствувам добредојдено. Имав сопствена комода и дел од гардероберот, полица во бањата и кука за крпата. Кога го добив сето тоа, сфатив дека можеби нема да ми треба повеќе. Важно е да се има различни опции, другото е прашање на личен избор - рече Александра.

Таа се преселила да живее во негова близина

Како што минувале годините, таа и нејзиниот партнер копнееле да поминуваат повеќе време заедно, па Александра со нејзиното куче се преселила во стан кој се наоѓа на истата улица во Бруклин каде што живее нејзиниот партнер.

- Ова дополнително ни го олесни гледањето и обезбеди безброј нови можности. Иако не живееме под ист покрив, практично секогаш сме заедно. Тој е со мене додека го шетам кучето, вечераме заедно речиси секој ден, со неговиот син имам одличен однос, па практично функционираме како семејство – додава таа.

Александра не ја исклучува можноста еден ден да започне заеднички живот со партнерот.

- Работите се менуваат, ако еден ден решиме да живееме заедно, тоа ќе биде само затоа што и двајцата го сакаме тоа, а не затоа што околината го очекува тоа од нас. Сите опции се отворени – заклучила Александра.

Извор: srecna.republika.rs

Македонија

Променливо облачно, во западните и крајните источни делови со локален дожд

Времето денеска ќе биде променливо облачно и посвежо во западните и крајните источни делови со локален пороен дожд и ретки грмежи. Ќе дува слаб до умерен, а долж Повардарието повремено засилен ветер од северен правец. 

Минималната температура ќе биде во интервал од 10 до 17, а максималната ќе достигне од 24 до 31 степен. UV=7

Во Скопје времето ќе биде променливо облачно со сончеви периоди. Ќе дува умерен северен ветер. Минималната температура ќе се спушти до 16, а максималната ќе достигне до 30 степени.

Од УХМР најавија дека од петок следува период на сончево време со мала до умерена локална облачност. Дневната температура ќе биде во пораст, а особено топло ќе биде во недела и во првите денови од следната седмица.

Македонија

Нa Табановце и Богородица за излез од земјава се чека 30 минути

 Нa граничните премини Табановце и Богородица има зголемена фреквенција на возила за излез од земјава. Времето на чекање е околу 30 минути, информира утрово Авто мото сојузот на Македонија. 

На останатите гранични премини од македонска страна, нема подолги задржувања за влез и излез од државата.

Интензитетот на сообраќај на патните правци надвор од градските средини е умерен.

Од АМСМ потсетуваат дека од 1 јули до 31 август на државните патишта во земјава е воведен летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури и тоа во петок од 17 до 22 часот, во сабота од 09 до 18 часот и во недела 09 до 22 часот.

На магистралниот пат Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали - петок од 15 до 22 часот, сабота од 07 до 12 и од 18 до 24 часот и во недела од 07 до 22 часот. д

Забава

Мала црногорска плажа со тиркизно море скриена од погледите (видео)

„Плажа на која доаѓаат двајца, а заминуваат тројца“

До оваа плажа се доаѓа само со чамец.

Голем број туристи од регионот, секоја година одморот го поминуваат на црногорското приморје. Најразновидните плажи на овој живописен брег, од оние со ситен песок до плажите со камен, се само дел од убавината на крајбрежјето.

Покрај плажите во близина на градовите, на кои луѓето најчесто се жалат поради тоа што се нечисти, постојат и осамени заливи каде водата е кристално чиста, но треба да знаете како да ги најдете.

На социјалните мрежи се појави снимка насловена како „Најчистата плажа во Црна Гора“.

-Еве една оаза за љубителите на скриените и мали плажи - стои во описот на објавата.

На видеото е прикажан залив со минијатурна плажа на која можат да се сместат само 2 чадора. Станува збор за скриен бисер на црногорското крајбрежје, кој се наоѓа во близина на Петровац на Мору. Скриена од погледите во подножјето на една огромна карпа, оваа плажа се наоѓа помеѓу Лучицa и плажата Петровац.

Некои ја нарекуваат плажа Кралица иако всушност нема никаква врска со познатата Краљичина плажа која се наоѓа веднаш до плажата Милочер и во непосредна близина на Свети Стефан. Оваа мала плажа во заливот е заштитена со карпи и до неа може да се стигне само со брод.

Плажата има тркалезни камчиња, па е совршена за оние кои не сакаат песок што се лепи за телото после капење.

Освен камчињата, тиркизното море и синото небо, во овој залив нема апсолутно ништо, а тоа му дава посебен шарм, бидејќи остава впечаток дека сте далеку од цивилизацијата, иако во суштина не е така. Бидејќи нема природна сенка, задолжителен е чадор за да се заштитите од силното сонце.

Оваа магична плажа е како создадена за вљубените парови кои можат без двоумење да разменуваат нежност, бидејќи никој не може да ги види.

- За неа велат дека доаѓаат двајца, а заминуваат... тројца.

- Бевме пред неколку години и тоа беше прекрасно искуство. Ја препорачуваме на сите, ве носат со чамец, а подоцна ве земаат.

- Брат, без навреда, си бил ли подалеку од Будва и Бар покрај брегот, бидејќи го форсираш само ова. На Роуз, Миристе, Њивице... водата е иста, а имаат и сини знаменца.

- Чисто е затоа што никој не оди таму.

- Има уште една слична плажа во карпата помеѓу Чањ и Бар.

- Најчиста е додека туристите не ја „расипат“.

- Има место за двајца, затоа е почисто - беа само дел од коментарите на оваа објава.

притисни ентер