Осудените за 27 април наскоро ќе поднесат барање за повторување на постапката

Зголемен е револтот кај осудените за собраниските насилства од 27 април кои издржуваат затворски казни по вчерашната одлука за амнестија на четворицата поранешни функционери кои беа обвинети како организатори. 

Адвокатот на Горан Ангелов Ќосето, за Канал 5 вели наскоро ќе поднесат барање за повторување на постапката врз основа на нови докази кои според него се доволни за ново судење.

-Единствената опција која сега за сега им преостанува е да се поднесе барање за повторување на постапка, нешто што јас сакав да го направам уште пред неколку месеци, дали има некакво ветување од страна не знам. Но сега работите после пресудата се сменети, револтот е зголемен така да верувам дека за кратко време ќе поднесеме барање за повторување на постапката,- изјави – Драган Пешевски – Адвокат.

По упатството на Апелација и позитивното мислење на Обвинителството, вчера Кривичен го уважи барањето за амнестија на екс собранискиот спикер Трајко Вељановски, поранешните министри Спиро Ристовски и Миле Јанакиески, но го амнестираше и екс поранешниот директор на УБК Владимир Атанасовски иако за него немаше позитивно мислење. Прашан за коментар на оваа судска одлука, премиерот Христијан Мицкоски рече дека ако нема организатори не може да има ни терористи.

-Факт е дека ако нема организатори не може да има терористи. Никој не вели дека тие луѓе не згрешиле, никој не вели дека тие луѓе не направиле престап. Но тие луѓе за тој престап доволно време поминале, но тие кои воделе политички монтиран процес, за кои сто пати сме кажале во минатото треба да си стават прст на чело и се запрашаат што направиле,- изјави – Христијан Мицкоски – Претседател на Влада.

Во најголемиот предмет за собраниските случувања беа опфатени 32 лица, 15 добија амнестија, 16 беа осудени на високи затворски казни а имаше и една ослободителна пресуда. Казните ги потврдија и Апелација и Врховен. Во бегство беше еден осомничен за упадот, Дејан Давидовски, кој пред пет години беше уапсен во Шведска но тамошните власти го одбија барањето за екстрадиција. Тој лани во август сам и се предаде на македонската полиција на граничен премин. Околу неговата инволвираност во настаните од 27 април денеска како сведок во обвинителството беше повикан поранешниот пратеник, сега претседател на ЗНАМ, Максим Димитриевски.

Инаку, во слуачот за орагнизаторите на упадот, отворена беше постапка и за поранешниот премиер Никола Груевски, но беше запрена со неговото бегство. Со вчерашните уважени амнестии, според правниците индиректно се однесува и на Груевски.

Сенатот го потврди Роберт Кенеди Помладиот за министер за здравство

Потврдата од Сенатот му го отвора патот да положи заклетва на позиција каде што ќе надгледува неколку големи медицински агенции, вклучително и Управата за храна и лекови (ФДА) и Центрите за контрола и превенција на болести.

Роберт Ф. Кенеди Помладиот, критичарот на вакцини, кој го поддржа претседателот Доналд Трамп, откако се откажа од сопствената претседателска кандидатура, беше потврден од американскиот Сенат за министер за здравство и човечки услуги и покрај противењето на медицинскиот естаблишмент и членовите на Конгресот.

Роберт Ф. Кенеди (71) беше потврден со 52 наспроти 48 гласови, а Мич Меконел беше единствениот републикански сенатор кој им се придружи на 47-те демократи кои гласаа против Кенеди, кој сепак вети дека ќе ги заштити постоечките програми за вакцинација во обид да ги обезбеди гласовите на неопределените пратеници.

Потврдата од Сенатот му го отвора патот да положи заклетва на позиција каде што ќе надгледува неколку големи медицински агенции, вклучително и Управата за храна и лекови (ФДА) и Центрите за контрола и превенција на болести.

-Откако Кенеди ќе положи заклетва подоцна денеска, Доналд Трамп ќе потпише извршна наредба за формирање на комисијата МАХА, именувана по движењето „Направи ја Америка повторно здрава“ на Кенеди, и ќе го упати новиот министер да ја „истражи оваа хронична криза што ја зафати нашата земја“, рече портпаролката на Белата куќа, Каролина Левит.

Кенеди, адвокат специјализиран за заштита на животната средина, долго време покренува сомнеж за безбедноста и ефективноста на вакцините кои помагаат во контролата на болестите со децении и спречуваат смрт на милиони луѓе.

Тој сега ќе раководи со Министерство кое управува со повеќе од три трилиони долари наменети за здравствена заштита.

Одделот, исто така, ги надгледува програмите Medicare и Medicaid, кои обезбедуваат здравствено осигурување на над 140 милиони Американци, и Националниот институт за здравство (НИХ).

Кенеди рече дека сака да работи на ставање крај на хроничните болести, да ги прекине врските меѓу вработените во американскиот регулатор за лекови и фармацевтската индустрија и да го отстрани флуорот од американските резерви на вода.

Противниците тврдат дека тој не е погоден за министер за здравство поради неговата истакната улога во движењето против вакцините.

Кенеди рече дека сака да се ослободи од многу вработени во ФДА и НИХ. /МИА

Украина вели дека контролира 500 квадратни километри во руската област Курск

Украина денеска соопшти дека контролира 500 квадратни километри во руската област Курск, територија што Киев има намера да ја користи како договор за пазарење со Москва.

-Имаме своја безбедносна зона на територијата на Руската Федерација ..., која зафаќа околу 500 квадратни километри“, изјави на Фејсбук врховниот командант на украинската армија, Олександр Сирски.

Ова тврдење не е независно потврдено./МИА

Трамп: Украина нема да биде исклучена од можните мировни преговори со Русија

Американскиот претседател Доналд Трамп изјави дека Украина ќе добие место на маса во какви било преговори со Русија за ставање крај на војната.

Во изјавата за новинарите во Белата куќа, американскиот лидер повтори дека воениот конфликт во источноевропската земја мора да заврши. /МИА

притисни ентер