Македонија

Осудениот за двојното убиство кај „Император“ бара во Бугарија да ја доиздржи казната затвор

Охриѓанецот Бојан Петрески, кој во 2015 година е осуден на доживотна казна затвор поради двојното убиство пред хотелот„Император “ во Охрид бара трансфер во соодветна казнено-поправна установа во Бугарија, за доиздржување на казната затвор.

Охриѓанецот Бојан Петрески, кој во 2015 година е осуден на доживотна казна затвор поради двојното убиство пред хотелот„Император “ во Охрид, врз основа на двојното државјанство што го поседува (македонско и бугарско) бара трансфер во соодветна казнено-поправна установа во Бугарија, за доиздржување на казната затвор.

Токму неговото барање за трансфер предизвика судир на надлежности меѓу Основниот суд - Охрид како носител на законодавната власт и Министерството за правда на Република Македонија како носител на извршната во врска, поради што побарале „дилемата“ да им ја реши Уставниот суд.

Како што е посочено во барањето од Основниот суд Охрид доставено до Уставниот суд, Судот во Охрид согласно Законот за меѓународна соработка во кривичната материја прибавил изјава од осудениот Бојан Петрески со која тој дава согласност за трансфер, а исто така е обезбеден примерок од правосилната пресуда и сите списи се доставени до Секторот за меѓународна правна помош при Министерството за правда.

Судијата од Основниот суд Охрид , Бојан Мартиноски во изјава за МИА вели дека Секторот за меѓународна правна помош при Министерството за правда наместо да ја продолжи постапката по барањето за трансфер од осудениот Бојан Петрески, ги вратил списите со укажување дека Судот треба да постапува согласно чл.97 од Законот за меѓународна соработка во кривичната материја и со барање до Судот да го извести Министерството за исходот од постапката.

Воедно, од Министерството за правда го известиле Судот во Охрид дека тој е надлежен да цени со Решение за тоа дали осудениот Бојан Петрески има или нема право да поднесе барање за трансфер во Бугарија, како и дека Судот бил надлежен со Решение да одлучи дали осудениот можел или неможел да се трансферира во Бугарија.

-Имајќи го предвид произнесеното неспорно е дека се работи за судир на надлежности помеѓу Основниот суд Охрид како носител на законодавната власт и Министерството за правда на Република Македонија како носител на извршната власт, па поради тоа Основниот суд Охрид бара Уставниот суд на Република Македонија да одлучи по однос на стварната надлежност за постапување по барањето за трансфер на осудениот Бојан Петрески, се наведува во барањето од судијата Мартиноски испратено до Уставниот суд.

Судијата Мартиноски вели дека тој го пратил барањето до Уставниот суд, од каде добил одговор дека треба да биде како Решение. - Сега јас ќе го пуштам во форма како Решение, во смисла дека ние немаме надлежност, бидејќи се работи за судир меѓу властите. Потоа Уставен кога ќе одлучи претпоставувам дека ќе го пушти во Министерство за правда, истакнува судијата Мартиноски.

Тој посочува дека во Законот за меѓународна соработка во кривичната материја јасно е напишано дека Министерството за правда одлучува за трансфер. - Ако Министерството за правда одлучи позитивно се обраќа до бугарското Министерство за правда, а доколку бугарското Министерство се согласи, следува процедура како ќе се преземе. Сето тоа оди меѓу министерствата, судот нема ништо. Одлуката ни под разно неможе да е од Судот. Со самото упатување во затворска устанува на осудениот завршува работата на Судот, нагласува судијата Мартиноски.

Од Уставниот суд за МИА велат дека по предметот се постапува и кога ќе има готов реферат ќе биде ставен на седница за дискусија.

Основниот суд во Охрид во декември 2015 година ги прогласи за виновни обвинетите во судскиот процес за двојното убиство што во август 2014 година се случи на во хотелот „Император“ во Охрид.

На првообвинетиот Бојан Петрески од Охрид, кој се товареше за кривично дело убиство и неовластено поседување на оружје и распрскувачки материјали, Судот му изрече единствена казна доживотен затвор. Тој е прогласен за виновен за извршено кривично дело убиство со умисла над 38-годишниот Ромео Ѓузелоски и 56-годишниот Васил Ристески.

Второобвинетиот Ристе Силјаноски од Охрид е прогласен за виновен за помагање на сторител по извршено кривично дело убиство. Нему Судот му изрече казна затвор во траење од една година, во која му се пресметува и времето минато во притвор.

Бојан Петрески веднаш по убиството беше во бегство, поради што за него беше распишана меѓународна потерница. По неколку месеци тој беше фатен од албанската полиција и екстрадиран во земјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Војска на улиците на Париз и Милано, десетици илјади протестираат- Ова ќе биде долг ден, вели министерот Нуњез (ВИДЕО)

Десетици илјади луѓе протестираат во Париз и други француски градови.

Тие се жалат на недоволното финансирање на образованието и наглиот пораст на трошоците за живот. Полицијата употреби солзавец утрово во Лион, каде што властите го забранија протестот. Во Клермон-Феран, полицијата употреби солзавец и шок бомби за да ги потисне демонстрантите кои се обидуваа да стигнат до центарот на градот, објавија француските медиуми.

Властите се обидоа да спречат повторување на немирите обележани со грабежи, палење автомобили и напади врз јавни згради. Министерот за внатрешни работи Лоран Нуњез објави дека низ целата земја ќе бидат распоредени до 70.000 полицајци, поддржани од хеликоптери, оклопни возила и водни топови.

Италија распореди војници во Милано, каде што властите, една недела по грабежите и судирите со полицијата, се подготвуваа за нови протести во центарот на модата и финансиите. Иако протестите во Франција привлекоа најголемо меѓународно внимание, денес демонстрациите зафатија и бројни други европски градови, од Тирана во Албанија до Мадрид во Шпанија.

Засега мирно во Париз

Досега, сè оди непречено за париските служби. Градската полиција објави дека улиците се уште се мирни додека е во тек протестната поворка.

Во еден момент, демонстрантите пееја заедно со песна од Мајкл Џексон, а поголемиот дел од времето извикуваа слогани, додека се вееше француското тробојно злато и можеа да се видат бројни транспаренти во воздухот.

Немири во Нант, Лион и Клермон-Феран

Властите во Нант, западна Франција, употребија солзавец и водни топови. Префектурата на регионот Пеј де ла Лоара и департманот Лоара-Атлантик соопштија дека полицијата интервенирала затоа што поединци „се обиделе да го пробијат забранетиот периметар каде што требало да се одржат ненајавени собири“.

[ 🇫🇷 FRANCE ] 🔸 Utilisation du canon à eau à Nantes. https://t.co/dYpeQI3UpH
— Little Think Tank (@L_ThinkTank) October 24, 2026

Војници патролираат низ Париз. Министер: Ќе биде долг ден

Францускиот министер за внатрешни работи Лоран Нуњез ја повика полицијата денес да биде „исклучително брза во реагирањето“ на демонстрантите. Неговиот повик дојде откако војниците денеска ѝ се придружија на полицијата што патролира низ француската престолнина.

French soldiers and police patrol across Paris as a new day of demonstrations begins amid heightened security. https://t.co/jpNFIBGmZm
— Al Arabiya English (@AlArabiya_Eng) October 24, 2026

Властите очигледно бараат подобро да ги контролираат немирите овој викенд, откако барем делумно беа изненадени од насилството, грабежите и немирите од минатата сабота. Војници од антитерористичката единица патролираа по Шанзелизе утрово, додека полициски комбиња ја обиколуваа Триумфалната капија.

Тагови: Милано Париз

Свет

Ким Џонг-ун пристигна во Кина преку нов мост (ВИДЕО)

Севернокорејскиот лидер Ким Џонг Ун пристигна во Кина преку новоизградениот мост меѓу двете соседни земји, изјави јужнокорејски владин претставник.

Ким пристигна во Дандонг преку новиот мост на реката Јалу, кој ги поврзува Северна Кореја и Кина, изјави функционерот под услов на анонимност бидејќи не е овластен јавно да зборува за ова прашање.

Кинескиот премиер Ли Ќијанг се сретна со Ким во пограничниот град, изјави друг јужнокорејски функционер запознаен со посетата, исто така под услов на анонимност. Посетата на Ким доаѓа еден ден пред годишнината од вмешаноста на Кина во Корејската војна, која траеше од 1950 до 1953 година.

Затоплување на односите

Се очекува Ким да се врати во Северна Кореја по посетата во сабота, објави јужнокорејската новинска агенција Јонхап. Јужнокорејски функционер запознаен со посетата изјави за Ројтерс дека е малку веројатно Ким да го посети Пекинг пред состаноците на високо ниво на Кинеската комунистичка партија, кои започнуваат во понеделник.

Кина и Северна Кореја овој месец, по долго одложување, го отворија Новиот мост на реката Јалу. Станува збор за објект долг три километри што претставува нивен најважен копнен граничен премин. Целта е да се оживее трговијата и економската размена по години на затегнати односи и нарушувања предизвикани од пандемијата.

Посетата на Ким во овој момент се вклопува во сегашната фаза на поблиски економски врски и почести состаноци на високо ниво меѓу Кина и Северна Кореја, рече Лу Чао, експерт за односите меѓу Кина и Северна Кореја во Провинциската академија за општествени науки Лиаонинг, истражувачки институт на кинеската влада со седиште во Шенјанг.

Се очекува мостот да го олесни транспортот на тешка опрема, суровини и енергија што ѝ се потребни на Северна Кореја за развој. Отворањето е најновиот знак за одмрзнување на односите меѓу Пекинг и Пјонгјанг, откако лидерите на двете земји се состанаа на два самити во изминатите 13 месеци.

Тагови: Ким Џонг-ун Кина

Балкан

Изборните анкети во Србија без конкретен фаворит- предвидуваат победа и за Вучиќ и за студентската листа

Мртва трка со само неколку проценти предност за партијата на Вучиќ, односно за Студентската листа, предвидуваат изборните анкети на ден пред изборите во Србија.

Според „Нова српска политичка мисла“ , Студентската листа е во предност за 2 процента пред Вучиќ или 44,5 наспрема 42,7 проценти. ИПСОС , пак предвидува победа на Вучиќ со предност од 7,4 проценти пред Студентската листа или 47,4 наспрема 40 проценти.

Вонредните парламентарни избори во Србија, кои ќе се одржат на 25 октомври, ќе бидат 15-ти парламентарни избори во таа земја од 1990 година, а воедно и јубилејни, десетти вонредни избори. Право на глас имаат околу шест и пол милиони гласачи, кои ќе изберат 250 претставници во српскиот Парламент.

Според политичките проценки, ова се најважните парламентарни избори во Србија од падот на Слободан Милошевиќ во октомври 2000 година.

Главната битка се води помеѓу две листи - онаа на Александар Вучиќ и студентската листа, која во моментов е негов најголем противник.

Вучиќ се обидува со овие избори да ја врати премиерската функција и на тој начин да остане на власт, која ја држи од 2012 година. Ова се и првите избори на кои Вучиќ не е фаворит и на кои студентската листа има големи шанси за победа.

Секако, конечната пресуда ќе ја дадат гласачите, а многу ќе биде познато веќе во недела навечер, по 20 часот, кога ќе бидат објавени првите резултати. Доколку по овие избори во Србија се формира нова влада, тоа ќе биде 21-ва влада по ред од 1990 година.