Балкан

Осуден е Гркот, кој ја силуваше и ја уби својата единаесетгодишна внука од брат

Судот во Патра го осуди чичкото на 11-годишната Василики, која беше силувана и брутално убиена во Илија, Грција, на две доживотни казни затвор и дополнителни 13 години затвор.

Малата Василики беше убиена вечерта на 9 јуни 2024 година. Според доказите од истрагата, девојчето и нејзиниот чичко (39) го напуштиле селото Миртија каде што живееле. Верувајќи му на својот чичко, таа се качила во неговото возило, по што се упатиле кон руралната област во населбата Катарачио. Потоа тој се вратил, но без неа, поради што е активиран Амбер аларм и започнала обемна потрага по девојчето, пренесе Телеграф.

За време на истрагата, полицијата ги прегледала безбедносните камери, кои го снимиле девојчето како влегува во непознат автомобил. Набрзо било утврдено дека тоа е автомобилот на нејзиниот чичко и дека тој бил уапсен во 2017 година за силување и на 14-годишно девојче, за што никогаш не отслужил казна.

Штом полицијата сфатила дека тој е оној што го убил девојчето, веднаш бил уапсен и испрашуван. На почетокот, тој упорно тврдел дека нема никаква врска со исчезнувањето на Василики, но набрзо беше фатен во лага.

На крајот, Гркот признал дека ја убил својата мала внука прободувајќи ја во вратот со шрафцигер. На крајот ги одведе инспекторите до местото каде што го фрлил телото на девојчето. Според неговата првична верзија, тој се обидел да има сексуален однос со малолетничката, тврдејќи дека таа се спротивставила и дека делото не е извршено.

Сепак, форензичкиот извештај го поништи ова тврдење и беше утврдено дека девојчето било силувано. Наводно, за време на испрашувањето, чичкото тврдел дека не би ја убил, туку дека „морал да го стори тоа затоа што таа им се заканила дека ќе им каже сè на родителите“. Потоа зел шрафцигер од својот автомобил и смртоносно ја прободел во вратот, а потоа го фрлил нејзиното тело во поле и го покрил со грмушки.

Тагови: внука Гркот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гевгеличанец во БМВ „летал“ со 204 км/час кај Смоквица, уапсен е

Гевгеличанец возел „бмв“ со скоро двојно поголема брзина од дозволеното, запрен е и лишен од слобода, следува соодветна пријава.

На 29.07.2026 во 21:26 часот на автопат А1, кај клучка Смоквица, гевгелиско, полициски службеници од СВР Струмица - ОВР Гевгелија го лишија од слобода Ж.Д.(29) од Гевгелија.

При контрола на патниот сообраќај со радар, полициските службеници констатирале дека Ж.Д. управува патничко возило „бмв“ со гевгелиски регистарски ознаки со брзина од 204 километри на час, на место каде со сообраќаен знак брзината на движење е ограничена на 120 километри на час.

Тој е исклучен од сообраќај и за настанот е запознаен јавен обвинител од Основното јавно обвинителство Гевгелија.

По целосно документирање на случајот ќе биде поднесена соодветна пријава по член 297-а од Кривичниот законик- „безобѕирно управување со моторно возило”, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Петнаесет танчерки од Србија, Албанија и Колумбија се фатени во полициска акција во гостиварско- уапсени се две лица

Акциска контрола во угостителски објекти во гостиварско, затекнати 15 странски државјанки, пронајдена дрога, лишени од слобода две лица.

Денеска (30.07.2025), во периодот од 02:00 до 04:00 часот, полициски службеници од СВР Тетово – ОВР Гостивар спровеле акциска контрола во два угостителски објекти на подрачјето на ОВР Гостивар.

При контролата во с.Чегране, гостиварско, околу 02:00 часот од слобода е лишен М.Х.(50) од с.Форино, гостиварско. Тој, откако ги забележал полициските службеници пред објектот, ја заклучил влезната врата и ги предупредил присутните да бегаат, но по брза реакција на полициските службеници на задниот излез било спречено бегство на повеќе женски лица – странски државјанки.

Додека, пак, во угостителски објект на подрачјето на Полициското одделение Галате, полициските службеници го лишија од слобода А.А.(53) од Гостивар затоа што кај него била пронајдена марихуана.

При контролите во двата објекта, поради злоупотреба на туристичкиот престој, односно престојување спротивно на целта, приведени се вкупно 15 странски државјанки на возраст од 19 до 40 години од Србија, Албанија и Колумбија, од кои 11 во угостителскиот објект во с.Чегране и четири во угостителскиот објект во подрачје на Полициското одделение Галате.

Сите се задржани во полициска станица и по документирање на случајот ќе следуваат соодветни поднесоци, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски: Петкратно зголемена ефикасноста во постапувањето по случаи на семејно насилство

Денеска министерот за внатрешни работи Панче Тошковски го посети Одделението за семејно насилство при СВР Скопје, каде непосредно се запозна со нивната секојдневна работа, предизвиците со кои се соочуваат и резултатите што ги постигнуваат.

Во периодот од 2022 до 2026 година евидентирани се вкупно 1.275 пријавени настани на семејно насилство, и тоа: 326 во 2022 година, 216 во 2023 година, по 273 во 2024 и 2025 година и 187 во 2026 година, заклучно со денес.

Податоците покажуваат и значително унапредување на ефикасноста во постапувањето. Во 2022 година по брза постапка биле процесуирани 10 случаи и изречени четири мерки на претпазливост, во 2023 година 18 случаи и седум мерки, во 2024 година 25 случаи и 11 мерки, во 2025 година 34 случаи и 15 мерки, а во 2026 година, заклучно со денес, процесуирани се 52 случаи и изречени се 23 мерки на претпазливост.

Во споредба со 2022 година, бројот на случаи процесуирани по брза постапка и изречени мерки на претпазливост е зголемен за повеќе од пет пати, што укажува на побрза, поорганизирана и поодлучна институционална реакција.

Министерот Тошковски истакна дека семејното насилство се третира со највисок степен на сериозност и дека приоритет останува обезбедувањето навремена заштита за секоја жртва, како и брза и решителна реакција кон сторителите, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.