Осомничените за убиството на Данка Илиќ во притвор, приведени уште двe лица - Канал 5

Балкан

Осомничените за убиството на Данка Илиќ во притвор, приведени уште двe лица

Се трага по нејзиното тело

Осомничените за убиството на Данка Илиќ во притвор, приведени уште двe лица

Потрагата по убиеното двегодишно дете Данка Илиќ од Бор продолжува и денеска, а на двајцата осомничени за убиството одреден им е притвор до 30 дена за делото-тешко убиство во соизвршителство. Утринава се упасени уште две лица поврзани со злосторството, јави дописникот на МИА од Белград.

Братот и таткото на педесетгодишниот Д.Д., еден од осомничените за убиството на двегодишната Данка Илиќ од Бор, се уапсени под сомнение дека му помогнале да го скрие телото на девојчето. Ним им е одреден притвор до 48 часа.

Синоќа Вишото јавно обвинителство во Заечар соопшти дека донело наредба за спроведување истражна постапка против осомничените Ј. С. и Д. Д., поради постоење основано сомнение дека сториле кривично дело тешко убиство во соизвршителство.

Се наведува дека осомничените биле сослушани во обвинителството, дека во таа прилика Д. Д. во целост го признал извршувањето на делото, додека Ј.С. се бранел со молчење.

На барање на обвинителството, судијата за претходна постапка на Вишиот суд во Зајечар на осомничените им одреди мерка притвор до 30 дена, поради опасност од бегство, можност за влијание врз сведоци и уништување или отстранување на трагите на извршување на кривичното дело, како и поради вознемиреност на јавноста.

- За натамошниот тек на постапката ќе бидат сослушани сведоци и ќе се изврши потребното вештачење, се наведува во соопштението.

Тие се осомничени дека со автомобил го удриле девојчето, а потоа се договориле да го фрлат телото на детето.

Уапсените го признале делото и изјавиле дека телото е на депонија.

Според министерот за внатрешни работи Братислав Гашиќ, има сознанија дека еден од осомничените го префрлил телото на друга локација.

За телото на девојчето вчера се трагаше на местата од каде потекнуваат осомничените, како и на депонијата на стариот пат за Бањско. Пребарана е и фармата на дедото на еден од осомничените.

Борчани спонтано се собираат на градскиот плоштад кај Домот на културата, палат свеќи и оставаат цвеќе. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Со „Ролс-ројс“ возел со 194 км/час на автопатот Гостивар- Тетово, гостиварецот е приведен

Мобилната единица на МВР со полициски пресретнувач откри возач кој управувал „ролс-ројс“ со брзина од 194 км/ч на автопатот Гостивар – Тетово.

Со „Ролс-ројс“ возел со 194 км/час на автопатот Гостивар- Тетово, гостиварецот е приведен

Вчера во 12:05 часот, на автопатот Гостивар – Тетово, полициски службеници од Мобилната единица за безбедност на сообраќајот на патиштата при Секторот за сообраќајни работи, со специјално полициско возило – пресретнувач, регистрирале патничко моторно возило „ролс-ројс“ со тетовски регистарски ознаки, кое се движело со брзина од 194 километри на час, на делница каде што максималната дозволена брзина изнесува 80 километри на час.

Возачот Б.М. (44) од Гостивар е лишен од слобода поради сомнение за сторено кривично дело „безобѕирно управување со моторно возило“, предвидено во член 297-а од Кривичниот законик. Преземени се соодветни мерки и активности, а против него ќе биде поведена соодветна постапка согласно закон.

Министерството за внатрешни работи продолжува со засилените сообраќајни контроли на територијата на целата држава, вклучително и со употреба на специјалните полициски возила – пресретнувачи, со цел навремено откривање и санкционирање на несовесните возачи, унапредување на безбедноста на патиштата и заштита на животот и здравјето на сите учесници во сообраќајот.

Непочитувањето на ограничувањата на брзината претставува еден од главните фактори за предизвикување сообраќајни незгоди, кои неретко имаат сериозни последици по човечките животи, здравјето и имотот.

Министерството за внатрешни работи апелира до сите учесници во сообраќајот доследно да ги почитуваат сообраќајните правила и прописи и со одговорно однесување да придонесат за поголема безбедност на патиштата, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пет минути ужас во православната црква во Јордан – убиени се најмалку 7 верници (ВИДЕО)

Сцени на паника во црква во регионот Карак во Јордан се снимени на видео од внатрешноста на зградата во моментот на вооружениот напад во кој загинаа седум лица, а најмалку 34 беа повредени, од кои некои сериозно.

Пет минути ужас во православната црква во Јордан – убиени се најмалку 7 верници (ВИДЕО)

Видео снимката што е објавена во јавноста покажува толпа верници како трчаат во паника и бараат засолниште штом се слушнале првите истрели, објави Прототема.

Најмалку едно лице се чини дека паѓа мртво од огненото оружје на напаѓачите, кои влегле во областа со оружје во рацете.

Двајца вооружени лица (со трето лице) излегле од возило и отвориле оган за време на погреб во селото Хамуд во покраината Карак, соопштија јорданските власти.

- Најмалку седум лица се убиени во пукотница во грчка православна црква во селото Хамуд, во покраината Карак. Дирекцијата за јавна безбедност соопшти во соопштение.

Очевидец изјави за телевизиската мрежа Ал-Мамлака дека напаѓачите пукале пет минути пред да избегаат. Тој рече дека меѓу 150 и 200 луѓе биле присутни во и надвор од црквата во времето на пукотницата.

Повеќето од жртвите биле на возраст меѓу 50 и 70 години.

Во тек е истрага за идентификување и пронаоѓање на напаѓачите.

Областа Карак, со население од околу 375.000 жители, е дом на голема христијанска заедница. Ваквите насилни напади не се вообичаени во Јордан, иако имало неколку крвави инциденти.

Тагови: Јордан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВЛЕН: Растот на минималната плата од 67% ја покажува разликата меѓу двете владеења

ВЛЕН оценува дека растот на платите останува едно од клучните прашања за подобрување на животниот стандард на граѓаните.

ВЛЕН: Растот на минималната плата од 67% ја покажува разликата меѓу двете владеења

ВЛЕН оценува дека растот на платите останува едно од клучните прашања за подобрување на животниот стандард на граѓаните, а податоците за минималната плата покажуваат зголемување на номиналните приходи на работниците во периодот 2024-2026 година.

Според податоците објавени од министерот за економија и труд, Бесар Дурмиши, минималната нето-плата од 22.567 денари во 2024 година се зголемила на 24.379 денари во 2025 година, додека во 2026 година изнесува 26.046 денари. Вкупното зголемување изнесува 3.479 денари.

Во споредба со периодот 2016-2018 година, кога минималната плата се зголемила од 10.080 на 12.165 денари, односно за 2.085 денари, номиналниот раст во првите две години од актуелниот мандат е за 67% повисок, односно за 1.394 денари повеќе.

По податоците за просечната плата, и овие бројки го ставаат во фокус прашањето за приходите на работниците и нивната куповна моќ. За ВЛЕН е важно економскиот раст и политиките за платите да се одразат во секојдневниот живот на граѓаните и во можноста на семејствата да ги покриваат животните трошоци.

Разликата меѓу двата периода се гледа преку конкретните бројки.

ВЛЕН останува посветен на политики насочени кон зголемување на платите, подобрување на условите за работа и унапредување на животниот стандард. Целта е приходите на работниците да продолжат да растат, а економското подобрување директно да го почувствуваат граѓаните, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер