Осомничениот за убиството во Охрид доби 30 дневен притвор - Канал 5

Македонија

Осомничениот за убиството во Охрид доби 30 дневен притвор

Педесет и три годишниот Жарко Грозданоски кој е осомничен за убиството во Охрид доби 30 дневен притвор... 

Осомничениот за убиството во Охрид доби 30 дневен притвор

Педесет и тригодишниот Жарко Грозданоски од Брвеница кој е осомничен за свирепо убиство на охриѓанецот Климе Митревски во неговиот дом поради користољубие, е зад решетки, откако судот го прифати барањето на Обвинителството - тој да биде во притвор поради можност од бегство и влијание на сведоци или уништување на докази. Ова за Канал 5 го потврди Претседателот на судот Бојан Мартиноски кој посочи дека по судската одлука за 30 дневен притвор осомничениот е пренесен во охридскиот затвор.

„Јавното обвинителство го сомничи за кривичното дело „убиство, став 2, тоа е квалифицираниот облик „од користољубие“ за кое што е пропишана казна од најмалку 10 години до доживотен затвор. Јавниот обвинител покрај искажаното сомнение за ова кривично дело побарал и изрекување на мерка – притвор против осомничениот по основ, бегство и влијание врз натамошната истрага. Судијата на претходна постапка оценил дека против лицето има основано сомнение за сторено кривично дело „убиство“ од став 2, а утврдил дека основан е и претдлогот за определување на мерка притвор по двата претходно споменати става по што лицето е спроведено во КПУ Затвор Охрид, поради спроведување на мерката.“

Мерката притвор следи по објавата на Обвинителството дека и официјално отвора истрага за утврдување на фактите поради основано сомнение дека Грозданоски „со голи раце“ го убил Митревски. Според образложението наведено од Обвинителството, пред неколку дена тој дошол во куќата на Климе Митревски и по кавга бидејќи седумдесет и шетгодишникот имал намера да го раскине договорот за доживотна издршка и да не му остави голем имот на сега осомничениот, Грозданоски од зад грб го нападнал, го совладал на подот и со едната рака го удирал по глава, додека со другата му ги држел устата и носот за да го задуши, а откако успеал во намерата го напуштил местото. За ова обвинителството вели дека има и снимки.

Во меѓувреме, на социјалните мрежи се огласи синот на осомничениот со обвинување дека татко му е предвреме осудуван, како и дека како медицинско лице, техничар во одделот за анестезија и интензивна нега во државната Клиника спасувал животи.

„Чувствувам потреба јавно да изразам целосна поддршка за мојот татко, кој со години совесно, чесно и пожртвувано ја извршува својата лекарска професија. За жал, наместо разбирање и достоинство, сведоци сме на медиумски линч кој е најмалку потребен токму сега, кога поминуваме низ сериозна и чувствителна ситуација. Притоа, неправедно се занемаруваат стотиците луѓе на кои им помогнал, грижата што им ја пружил и животите кои ги спасил.“ пишува неговиот син.

Грозданоски е еден од лидерите на движењето „Христијанско братство“ со седиште во Брвеница, формирано во 2015 година. Негови членови учествуваа во протестите што кулминираа со упадот во собранието на 27 април во 2017 година. На неговиот фејсбук профил се претставува како магистер на медицински науки и автор на книгата „Одмазда“ – трилер кој говори за темнината на човековото срце.

Тој им бил познат на органите на прогонот и претходно. Во 2012 година тетовскиот Основен суд постапувал по обвинение против него за оштетување туѓи предмети, навреда и загрозување на сигурноста, а во 2019 година поднесена е кривична пријава за говор на омраза насочен кон тогашниот премиер Зоран Заев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Чудно суштество трча по улици- луѓето велат дека е од „друга димензија“ (ВИДЕО)

Чудно суштество кое се појави на улиците ги збуни жителите на Сиетл, а видеото предизвика лавина од коментари на мрежите.

Чудно суштество трча по улици- луѓето велат дека е од „друга димензија“ (ВИДЕО)

Многумина се прашуваат дали станува збор за мутант, некакво „митско суштество“ или непознат вид животно.

Боите на неговото лице го открија

Суштество со долги нозе и значително скратено тело беше забележано во населбата Болард, на северозападниот дел од американскиот град. Видеото брзо се прошири на интернет, а многу корисници се пошегуваа дека изгледа како суштество од „друга димензија“.

Сепак, експертите за диви животни веруваат дека станува збор за ракун по име Џимоти, кој има исклучително ретко здравствено нарушување, објавува Дејли Меил.

Животното го забележала Киана Хол во понеделник вечерта, додека шетало во близина на продавницата Болард Гудвил. На почетокот помислиле дека е мачка што лежи под паркиран автомобил.

Сепак, таа била изненадена кога чудното суштество поминало низ тревникот, се искачило по скалите и исчезнало зад ограда.

Кога подетално го погледнала, особено карактеристичните белези на неговото лице, сфатила дека е ракун, но таков што никогаш порано не го видела.

Ретко вродено нарушување

Експертите веруваат дека Џимоти има таканаречен синдром на краток 'рбет, исклучително ретко вродено нарушување.

Кај оваа болест, делови од 'рбетните пршлени не се развиваат целосно, туку остануваат во форма на 'рскавица и се спојуваат. Како резултат на тоа, животното има значително „скратен“ грб, додека нозете продолжуваат да растат до нормална должина.

Жител кој тврди дека го гледал Џимоти како расте, вели дека е роден во дворот на неговиот сосед. Тој вели дека семејството животни „исчезнало осум месеци подоцна“, откако дрвјата во дворот биле исечени.

Џимоти не бил виден повторно до почетокот на минатата година, кога неочекувано истрчал пред нивното возило, неколку блока од местото каде што е роден.

„Јас и соседите бевме толку среќни што видовме дека е сè уште жив“, напишал тој, додавајќи дека е среќен што ракунот конечно „добива внимание што го заслужува“.

Тагови: суштество

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Паника: Бик избега од корида во Босна и почна да ги брка гледачите (ВИДЕО)

Традиционалната борба со бикови на Игман и оваа година собра голем број посетители од Босна и Херцеговина и земјите од регионот.

Паника: Бик избега од корида во Босна и почна да ги брка гледачите (ВИДЕО)

Во текот на целиот ден беше организирана богата програма со музика, дружење и борби со бикови, кои го привлекоа најголемото внимание на публиката.

Сепак, настанот беше обележан и со еден инцидент. За време на една борба, бик излезе од оградениот простор и се упати кон просторот каде што беа гледачите, што предизвика паника кај толпата.

Во тој момент, посетителите брзо се оддалечија за да го избегнат животното, а снимки од настанот набрзо се појавија на социјалните мрежи.

Засега нема официјални информации дали некој е повреден, ниту пак властите дадоа повеќе детали за околностите под кои бикот го напуштил оградениот простор.

Тагови: бикот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Семејства ја тужат болницата- по 38 години со ДНК тест е откриена ужасна грешка (ВИДЕО)

Две семејства од Северна Дакота поднесоа тужба против локална болница, тврдејќи дека нивните деца биле „заменети по грешка“ пред речиси четири децении.

Семејства ја тужат болницата- по 38 години со ДНК тест е откриена ужасна грешка (ВИДЕО)

Кајл Бајлин и Џереми Морисон се родени на ист ден во 1988 година во Медицинскиот центар Јунити во Графтон. Нивните семејства сега тврдат дека болничките работници „направиле грешка“ и дека бебињата биле дадени на погрешни родители по раѓањето.

Како сè започнало?

Според тужбата, поднесена во Окружниот суд на округот Волш, сè започнало кога Џереми решил да го истражи своето потекло преку веб-страница за генеалогија преку интернет.

Неговата тетка го доставила својот примерок од ДНК, а името на Кајл Бајлин се појавило меѓу резултатите како наводен „внук“.

Џереми бил изненаден затоа што, рече тој, немал роднини кои одговараат на описот, а лицето кое се појавило во резултатите било целосен странец.

Тој вели дека со години забележувал дека „физички не се вклопува во своето семејство“.

„Во моето семејство немав никој што личеше на мене. Јас бев русокосото момче кое се издвојуваше меѓу луѓето со кафеава коса“, рече Џереми.

Потоа беше спроведен дополнителен ДНК тест, кој покажа дека луѓето што го одгледале Џереми всушност биле „биолошките родители на Кајл Бајлин“, според Унилад.

Тие сè уште не се запознале

Џереми рече дека често размислува за тоа каков би му бил животот ако „завршел со своите биолошки родители“ веднаш по раѓањето.

„Ако ме пратеа дома со мојата вистинска мајка, ќе работев на фарма со мојот брат за кој никогаш не знаев дека постои“, рече тој.

Двајцата мажи кои тврдат дека биле „променети при раѓање“ сè уште не се сретнале лично.

YouTube video

Тужба против болницата

Тужбата ја поднесоа двајцата мажи заедно со нивните родители. Во неа се обвинува Медицинскиот центар Јунити за „небрежност, лекарска грешка, емоционална вознемиреност и измама“.

Семејствата бараат повеќе од 50.000 долари отштета и е побарано судење со порота.

Во соопштението за медиумите, Медицинскиот центар „Јунит“ изјави:

„Мажите се родени во нашата болница на истиот ден во 1988 година и ние го признаваме длабокото влијание што ова откритие го имаше врз нив и нивните семејства.“

Болницата додаде дека поради текот на времето, „медицинските и персоналните досиеја повеќе не постојат“ што би можеле да дадат понатамошно објаснување и дека ниту еден од членовите на медицинскиот тим што ги родиле бебињата во тоа време „повеќе не е вработен во установата“.

„Иако длабоко сочувствуваме со мажите и нивните семејства, не пронајдовме докази што ги поддржуваат тврдењата дека нашите вработени се одговорни за обвинувањата“, се вели во соопштението.

Тагови: болница ДНК тест

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер