Македонија

Осомничениот за убиството во Охрид доби 30 дневен притвор

Педесет и три годишниот Жарко Грозданоски кој е осомничен за убиството во Охрид доби 30 дневен притвор...

Педесет и тригодишниот Жарко Грозданоски од Брвеница кој е осомничен за свирепо убиство на охриѓанецот Климе Митревски во неговиот дом поради користољубие, е зад решетки, откако судот го прифати барањето на Обвинителството - тој да биде во притвор поради можност од бегство и влијание на сведоци или уништување на докази. Ова за Канал 5 го потврди Претседателот на судот Бојан Мартиноски кој посочи дека по судската одлука за 30 дневен притвор осомничениот е пренесен во охридскиот затвор.

„Јавното обвинителство го сомничи за кривичното дело „убиство, став 2, тоа е квалифицираниот облик „од користољубие“ за кое што е пропишана казна од најмалку 10 години до доживотен затвор. Јавниот обвинител покрај искажаното сомнение за ова кривично дело побарал и изрекување на мерка – притвор против осомничениот по основ, бегство и влијание врз натамошната истрага. Судијата на претходна постапка оценил дека против лицето има основано сомнение за сторено кривично дело „убиство“ од став 2, а утврдил дека основан е и претдлогот за определување на мерка притвор по двата претходно споменати става по што лицето е спроведено во КПУ Затвор Охрид, поради спроведување на мерката.“

Мерката притвор следи по објавата на Обвинителството дека и официјално отвора истрага за утврдување на фактите поради основано сомнение дека Грозданоски „со голи раце“ го убил Митревски. Според образложението наведено од Обвинителството, пред неколку дена тој дошол во куќата на Климе Митревски и по кавга бидејќи седумдесет и шетгодишникот имал намера да го раскине договорот за доживотна издршка и да не му остави голем имот на сега осомничениот, Грозданоски од зад грб го нападнал, го совладал на подот и со едната рака го удирал по глава, додека со другата му ги држел устата и носот за да го задуши, а откако успеал во намерата го напуштил местото. За ова обвинителството вели дека има и снимки.

Во меѓувреме, на социјалните мрежи се огласи синот на осомничениот со обвинување дека татко му е предвреме осудуван, како и дека како медицинско лице, техничар во одделот за анестезија и интензивна нега во државната Клиника спасувал животи.

„Чувствувам потреба јавно да изразам целосна поддршка за мојот татко, кој со години совесно, чесно и пожртвувано ја извршува својата лекарска професија. За жал, наместо разбирање и достоинство, сведоци сме на медиумски линч кој е најмалку потребен токму сега, кога поминуваме низ сериозна и чувствителна ситуација. Притоа, неправедно се занемаруваат стотиците луѓе на кои им помогнал, грижата што им ја пружил и животите кои ги спасил.“ пишува неговиот син.

Грозданоски е еден од лидерите на движењето „Христијанско братство“ со седиште во Брвеница, формирано во 2015 година. Негови членови учествуваа во протестите што кулминираа со упадот во собранието на 27 април во 2017 година. На неговиот фејсбук профил се претставува како магистер на медицински науки и автор на книгата „Одмазда“ – трилер кој говори за темнината на човековото срце.

Тој им бил познат на органите на прогонот и претходно. Во 2012 година тетовскиот Основен суд постапувал по обвинение против него за оштетување туѓи предмети, навреда и загрозување на сигурноста, а во 2019 година поднесена е кривична пријава за говор на омраза насочен кон тогашниот премиер Зоран Заев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Маск: Време е Зеленски да си оди!

Најбогатиот човек на светот и сопственик на платформата Икс (Икс/Твитер), милијардерот Илон Маск, упати директен и брутален повик за заминување на украинскиот претседател Володимир Зеленски.

Најбогатиот човек на светот и сопственик на платформата Икс (Икс/Твитер), милијардерот Илон Маск, упати директен и брутален повик за заминување на украинскиот претседател Володимир Зеленски, отворено порачувајќи дека е дојдено време тој да поднесе оставка за да запре крвопролевањето.

Маск жестоко реагираше на објава на социјалните мрежи во која се коментираше новото интервју на Зеленски за британскиот водител Пирс Морган, каде беше истакнато дека најголемиот страв на првиот човек на Украина е тоталниот крај на војната и одржувањето на претседателските избори.

– „И така крвопролевањето ќе продолжи. Време е Зеленски да си оди!“, напиша кратко и децидно Маск.

Оваа жестока реакција на Маск доаѓа во момент кога и американскиот претседател Доналд Трамп упати остри критики кон Киев. Трамп јавно порача дека Зеленски мора итно да организира нови претседателски избори и потсети дека украинскиот лидер пропуштил повеќе шанси да стави крај на судирот и да потпише мировен договор со Москва.

Инаку, претседателскиот мандат на Зеленски формално истече уште на 20 мај 2024 година, но властите во Киев одбиваат да организираат гласање.

Тагови: Володимир Зеленски Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Иднината им припаѓа на државите што инвестираат во поврзаност, отпорност и партнерства

Во рамките на Форумот на идни глобални лидери организиран од Светскиот економски форум во Дубаи, Обединетите Арапски Емирати, министерот за надворешни работи и надворешна трговија, Тимчо Муцунски, се обрати на сесијата „Trade in a Changing World“.

Во своето обраќање, Муцунски се осврна на промените во глобалниот трговски систем, растечката геоекономска конкуренција и потребата постојната институционална архитектура на меѓународната трговија, создадена во 20 век, да се приспособи на реалностите на 21 век.

„Кога постојат оние што го доведуваат во прашање сегашниот модел, а ние сме загрижени поради тоа, мора да погледнеме и кон самите себе и да се запрашаме што можеме да направиме за да го модернизираме системот во наша заедничка корист“, истакна Муцунски.

Посебен акцент стави на односот меѓу отвореноста, безбедноста и отпорноста, нагласувајќи дека иднината на глобалната трговија не треба да се поставува како избор меѓу отвореност и безбедност.

„Мора да ја направиме отвореноста побезбедна. Отпорноста во никој случај не значи изолација“, порача Муцунски.

Во тој контекст, подвлече дека најуспешни ќе бидат државите што инвестираат во поврзаност, отпорност и партнерства.

„Нашето цврсто уверување е дека државите што ќе успеат во следните пет, десет, петнаесет или дваесет години нема да бидат оние што ќе изградат најголеми ѕидови, туку оние што ќе изградат најотпорни мостови“, нагласи министерот.

Осврнувајќи се на позицијата на помалите економии во глобалната конкуренција, Муцунски истакна дека нивната сила не произлегува од големината, туку од способноста да бидат сигурни и предвидливи партнери.

„Големите економии се натпреваруваат преку обем. Малите економии се натпреваруваат преку доверливост“, истакна тој.

Муцунски се осврна и на економскиот суверенитет, нагласувајќи дека тој е тесно поврзан со инфраструктурната и енергетската поврзаност.

„За нас, економскиот суверенитет е длабоко поврзан со поврзаноста. Ако не сте добро поврзани, не можете истовремено да бидете и суверени“, посочи министерот.

Во таа насока, тој ги издвои инвестициите во Коридорите VIII и X, патната и железничката инфраструктура и енергетската диверзификација, додавајќи дека енергетската независност е неопходен предуслов за економски развој и инвестиции во индустриите на иднината.

Осврнувајќи се на економската меѓузависност и глобалните конфликти, тој истакна дека нивните последици одамна не се ограничени само на државите директно вклучени во нив.

„Првата жртва на секој конфликт е човечкиот живот. Втората жртва е економскиот просперитет – не само на државите вклучени во конфликтот, туку и пошироко, затоа што нашите синџири на снабдување и трговски рути се силно меѓусебно поврзани“, истакна Муцунски.

Тој нагласи дека во услови на глобални промени, одговорот не треба да биде изолација, туку поголема поврзаност, модернизација на меѓународниот систем, инвестиции во отпорност и поефикасна мултилатерална соработка.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Дербито во ЗМанлестер за бранителот на тронот ПСЖ, Реал со пресврт до триумф во Рим

Спектакл во Манчестер и Рим, но не помалку возбудливо беше и во другите градови, каде што се одигра 2. коло од Лигата на шампионите!

Фудбалерите на Пари Сен Жермен го совладаа Манчестер Сити со 4:2 на „Етихад“, додека Реал Мадрид, по неверојатен пресврт, ја победи Рома со 4:3 на Олимпискиот стадион.

Уште од самиот почеток, ПСЖ покажа дека е подготвен за уште еден голем европски подвиг, а прашањето за победникот практично го реши уште во првото полувреме.

Од друга страна, Реал Мадрид и Рома приредија вистински фудбалски трилер во италијанската престолнина. Кралевите од Мадрид со резулатски превсрт ги освоија бодовите против Рома.

среда

ЛАСК Линц - Ливерпул 3:6

Феенорд - Комо 3:2

Бетис - Порто 3:2

Рома - Реал Мадрид 3:4

Астон Вила - Фенербахче 6:0

Боде Глимт - Борусија Дортмунд

Манчестер Сити - Пари Сен Жермен 2:4

Шахтјор - АЕК 3:1

Слован Братислава - Штутгарт 0:3

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.