Осомничениот од Старо Нагоричане - прв сериски убиец на жени, поврзан со уште две убиства и два обиди - Канал 5

Македонија

Осомничениот од Старо Нагоричане - прв сериски убиец на жени, поврзан со уште две убиства и два обиди

Уште две жени чии тела беа ексхумирани биле жртви на серискиот убиец од Старо Нагоринане, со што Обвинителството собра докази дека овчарот Трајко им пресудил на четири жени, а две се обидел ама не успеал да ги убие. 

Осомничениот од Старо Нагоричане - прв сериски убиец на жени, поврзан со уште две убиства и два обиди

Обвинителот Љубомир Лапе кажа дека психолошкото вештачење потврдило дека тој точно знаел што прави, не е непресметлив и нема дијагнози, таргетирал исклучиво жени што упатува на фемицид или родово базирани убиства. Обвинителството привршува со постапките и најавува дека за скоро ќе го поднесе и обвинението, а во мегувреме овчарот од Старо Нагоричане останува во притвор.

Од Обвинителството тврдат дека се проверувале повеќе смртни случаи на повозрасни жени три години наназад од истото подрачје, бидејќи се смета дека овчарот „оперирал“ исклучиво во околните села во Старо Нагоричане каде добро го познавал теренот и имал информации за своите жртви. Првото убиство според сегашните докази го извршил пред Божик, најверојатно на Бадник лани. Втората жена ја таргетирал пет месеци потоа, а третата куртулила, исто и како Росанка која кога ја посетивме ни кажа дека ја спасил звукот на комбе што поминало покрај нејзината куќа. Последната жртва е онаа од која почна истрагата за која веднаш беше утврдено дека е убиена во нејзиниот дом во Челопек. Досегашните убиства во Старо Нагоричане освен во челопек се потврдени и во Драгоманце, каде што овчарот живеел, а и Клечовце. Според досегашните информации единствената помлада жртва била 35-годишната Марија.

Од МВР од каде постапуваат по случајот заедно со Обвинителството велат дека поднеле кривични и против двајца мртвопроверители од болницата во Куманово за кои постои сомнение дека веднаш не утврдиле дека сега ексхуминираните жени, не починале од природна смрт.

Од Обвинителството велат дека не се исклучува можноста во понатамошката постапка да се утврдува дали овие четири жени биле еднствените жртви, или има и други. Оттаму кажаа дека досега не успеале да пронајдат докази дека на овчарот некој му помагал, засега се смета дека убиствата ги планирал сам.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Хуманоидните роботи се подготвени за масовен влез во фабриките- до 2035. би се произведувале 1,5 милион годишно

Хуманоидните роботи наскоро би можеле да станат вообичаена глетка во фабриките и магацините, а нивното производство во Соединетите Американски Држави би можело да достигне дури 1,5 милиони единици годишно до 2035 година. 

Хуманоидните роботи се подготвени за масовен влез во фабриките- до 2035. би се произведувале 1,5 милион годишно

Ова го предвидува инвестициската банка JPMorgan, која очекува индустријата за хуманоидна роботика брзо да се развива во текот на следната деценија.

Според анализа објавена од Ројтерс, американското производство на хуманоидни роботи би можело да достигне помеѓу 300.000 и 400.000 единици годишно до 2030 година. Пет години подоцна, тој број би можел да биде речиси четири пати поголем.

Најголема побарувачка се очекува во производството, логистиката и магацините, каде што роботите би можеле да преземат повторувачки рачни задачи. Недостатокот на работна сила и сè поповолните оперативни трошоци дополнително го стимулираат интересот на компаниите за оваа технологија.

JPMorgan проценува дека трошоците за ангажирање хуманоидни роботи веќе се приближуваат до трошоците за човечки труд. Според нивните пресметки, користењето роботи во повеќе смени би можело да им заштеди на некои компании околу 100.000 долари годишно.

Сепак, масовното производство е сè уште далеку од едноставно. Аналитичарите предупредуваат дека роботските раце, актуаторите, системите за вештачка интелигенција и производствениот капацитет претставуваат најголеми пречки за понатамошен развој. Роботите мора сигурно да манипулираат со предмети, да се движат низ сложени средини и да извршуваат задачи без постојана човечка помош.

Повеќето американски производители, со исклучок на Тесла, моментално планираат да произведуваат помеѓу 10.000 и 30.000 хуманоидни роботи годишно. Меѓу компаниите што JPMorgan ги издвојува се Тесла со својот робот Оптимус, Бостон Дајнамикс со својот Атлас, Фигура АИ, Агилити Роботикс и Аптроник.

Се очекува силен раст и на пазарот на компоненти. JPMorgan проценува дека пазарот за клучни делови за хуманоидни роботи, вклучувајќи мотори, актуатори и системи за машински вид, би можел да достигне речиси 30 милијарди долари до 2035 година.

Доколку предвидувањата се остварат, хуманоидните роботи би можеле да станат важен дел од индустриското производство во следната деценија. Сепак, колку брзо ќе преминат од демонстративни видеа до секојдневна работа ќе зависи од нивната сигурност, цена и способноста на производителите да ги произведуваат во големи количини.

Тагови: хуманоидни роботи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германската влада потрошила 5,8 милиони евра за мебел и декорирање- на граѓаните им препорачуваат да штедат

Граѓаните се соочуваат со растечки трошоци и намалувања на јавните услуги, додека федералната влада троши милиони евра за мебел, осветлување и декорација, тврди Германското здружение на даночни обврзници.

Германската влада потрошила 5,8 милиони евра за мебел и декорирање- на граѓаните им препорачуваат да штедат

Од почетокот на тековниот мандат на Бундестагот во мај 2025 година, федералната влада потрошила околу 5,8 милиони евра за нов мебел, опрема за простории и декорација. Бројките беа објавени во одговорот на владата на пратеничко прашање од пратеничката група на Алтернатива за Германија (AfD) во Бундестагот.

Бројките предизвикаа остри критики од Германското здружение на даночни обврзници.

Претседателот на здружението, Рајнер Холцнагел, особено го критикуваше она што го опиша како несовпаѓање помеѓу повиците до граѓаните да штедат и трошењето во рамките на државниот апарат.

„Наводно нема простор за намалување на финансискиот товар врз граѓаните, но кога станува збор за самиот државен апарат, ременот е доста лабав - кога станува збор за декорација и такви работи“, изјави Холцнагел за германскиот весник „Ноје Оснабрикер Цајтунг“.

Министерствата за надворешни работи, одбрана и финансии се меѓу најголемите трошачи

Шеснаесет федерални министерства потрошиле вкупно околу 5,8 милиони евра од мај 2025 година. Оваа сума вклучува не само класичен мебел, туку и ламби, теписи, завеси, слики, скулптури и украсни растенија.

Министерството за надворешни работи издвоило пари специјално за мебел и декорација. Од почетокот на тековниот мандат, потрошило вкупно 840.062 евра за мебел, ламби, теписи и декорација. Само во 2026 година, околу 256.000 евра биле издвоени за ламби, теписи и завеси.

Министерството за одбрана е на второ место со околу 813.000 евра. Федералното министерство за финансии, исто така, евидентирало значителни трошоци. Одделот предводен од министерот за финансии Ларс Клингбеил (SPD) инвестирал повеќе од половина милион евра во мебел, опрема и декорација од мај 2025 година.

Министерството за финансии е на врвот на листата по трошоци за декорација

Податоците за трошоците за декорација се особено интересни. На прво место е Министерството за финансии, кое од мај 2025 година издвои вкупно 45.077 евра за оваа намена. Ова значи дека овој оддел учествува со повеќе од една четвртина од вкупните трошоци за декорација на федералната влада.

Министерството за финансии, исто така, евидентираше значителни трошоци за опремување на канцеларии на највисоко ниво на управување. Само во 2026 година, досега се потрошени 47.737 евра за реновирање и повторно опремување на овие канцеларии.

За Здружението на германски даночни обврзници, овие бројки се причина да се преиспита политиката на трошење на федералната влада. Холцнагел смета дека оние кои бараат заштеди од граѓаните мора да ги применуваат истите стандарди и во своите институции и министерства.

Според него, Комитетот за буџет на Бундестагот има посебна одговорност, што сега може да покаже колку сериозно политичарите ги сфаќаат најавените мерки за штедење.

Оваа контроверзност повторно го отвора поширокото прашање за одговорноста на федералната влада во ракувањето со парите на даночните обврзници. Особено во време кога јавните финансии се под притисок, граѓаните внимателно ќе следат на што политичарите ги трошат своите пари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Најпопуларниот Јутјубер на светот одигра тајбрејк со Серена, доби предност од 6:0 (ВИДЕО)

Серена Вилијамс се врати на теренот по пензионирањето. 

Најпопуларниот Јутјубер на светот одигра тајбрејк со Серена, доби предност од 6:0 (ВИДЕО)

Една од најголемите, а според многумина и најголемата тенисерка на сите времиња, одигра еден натпревар на Вимблдон, го загуби, а сега се врати на теренот во интересен судир.

Американската тенисерка го прифати предизвикот и ги вкрсти рекетите со најпопуларниот стример и јутјубер во светот, „Спид“. Американскиот јутјубер имаше и голема предност во тајбрејкот што го одиграа. Тој доби предност од 6:0, па му требаше само еден поен за победа.

Дуелот започна, „Спид“ го имаше првиот сервис, меѓутоа, Серена освои осум последователни поени со прилично бавно темпо и славеше. Беше многу јасно дека дури и со 10% од нејзината сила во играта (можеби и помалку) Серена немаше проблем да го добие овој необичен натпревар. „Спид“ беше нервозен, фрлајќи го својот рекет, ништо не помогна. Легендата е легенда на крајот на краиштата.

Тагови: Серена Вилијамс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер