Основачот на Твитер помага во борбата против пандемијата со милијарда долари - Канал 5

Технологија

Основачот на Твитер помага во борбата против пандемијата со милијарда долари

Џеки Дорси, основачот на популарната социјална мрежа Твитер и апликацијата за плаќање Сквер, објави дека ќе донира милијарда долари, за да се обезбедат финансиски сретства во борба против коронавирусот.

Основачот на Твитер помага во борбата против пандемијата со милијарда долари

Според податоците кои се објавени покрај ова, тој ќе донира околу 28% од неговото богатство.

Во моментите кога целиот свет се соочува со вирусот кој се појави пред само неколку месеци во Кина, големите компании почнаа да објавуваат дека ќе донираат огромни суми пари во борба против епидемијата. Последен во низата е сопственикот на Твитер, Џек Дорси, кој ќе донира скоро 30% од своето богатство за да се направат додатни напори против глобалната пандемија, пишува „PC Press“.

Сопственикот на Твитер јасно назначил дека се потребни итни мерки, но не зборувал за тоа каде оваа голема финансиска помош ќе биде пратена, ни за што ќе биде употребена. По досегапните податоци, во САД недостигаат голем број на респиратори, заштитан опрема, маски и многу друго. Особено е тешко кога поединец се соочува со вирусот, затоа што државата не е од голема помош.

Убава вест е тоа дека по епидемијата, кога таа ќе помине, остатокот од непотрошените сретства ќе одат за здравствена заштита и образование.

Сопственикот на овие две бодати компании не е единствениот милионер кој се вклучил во борбата против Ковид-19 вирусот. Марк Закерберг до сега издвоил околу 30 милиони долари, додека Џеф Безос поклонил 100 милиони долари на американските банки за храна. Тим Кук, извршниот директор на компанијата Епл уште во март најави дека компанијата ќе донира санитетска опрема воИталија која е тешко погодена од овој вирус, пишува „PC Press“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со мала до умерена локална облачност

И утре ќе се задржи сончево и топло време со мала до умерена локална облачност, информираат од УХМР.

Сончево и топло со мала до умерена локална облачност

МАКСИМАЛНА ТЕМПЕРАТУРА

20 Попова Шапка, 26 Крушево, 30 Маврови Анови, Претор, Берово, 32 Крива Паланка, Прилеп, Охрид, 33 Битола, 34 Виница, Тетово, Штип, 35 Велес, 36 Зајчев Рид, Струмица, Кавадарци, 37 Демир Капија, 38 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево со мала до умерена локална облачност. Дуваше слаб до умерен ветер од северен правец. До крајот на денот ќе има мала до умерена облачност. Наместа ќе има услови за локална појава на нестабилност со пороен дожд, грмежи и засилен ветер.

ВРЕМЕТО УТРЕ

Сончево и топло со мала до умерена локална облачност. Попладне во планинските региони ќе има зголемена облачност и услови за краткотраен дожд и појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 12 до 20, а максималната ќе достигне од 30 до 38 степени.

Во Скопје, сончево и топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 17, а максималната ќе достигне до 37 степени.

ВРЕМЕТО ВО НАРЕДНИТЕ ДЕНОВИ

Од четврток следува период на претежно стабилно и многу топло време. Во сабота наместа ќе има нестабилност проследена со засилен ветер, пороен дожд и грмежи. Во деновите од викендот дневната температура наместа се очекува да надмине 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Салма Хајек стана баба и го откри името на внукот (ВИДЕО)

Салма Хајек (59) стана баба. Нејзиниот посинок Франсоа Пино помладиот и неговата сопруга Лара Козима Хенкел фон Донерсмарк го добија своето прво дете, син кого го крстија Франсоа.

Салма Хајек стана баба и го откри името на внукот (ВИДЕО)

Хајек е во брак со Франсоа-Анри Пино (64), со кого има 18-годишна ќерка, Валентина, и е маќеа на неговите деца од претходни врски - Франсоа (38), Матилда (25) и Огистен (19).

Откри како ќе се вика внукот

Во неделата, актерката сподели видео на Инстаграм во кое го држи внукот во раце и му зборува на шпански. Таа откри дека момчето се вика Франсоа, со што ја продолжува семејната традиција, но и дека веќе му го дала својот прекар - Панчито.

„Благословени сме што ја пречекуваме четвртата генерација во семејството што ќе го носи името Франсоа. Сепак, ќе го викам Панчито. Се чини дека му се допаѓа и не би можела да го сакам повеќе од мене“, напиша Хајек.

Објавени се и првите семејни фотографии.

Мајката на момчето, Лара, објави неколку фотографии од својот син минатата недела, а Салма Хаек со нејзиниот внук е на една од нив.

„Мојот сопруг (најкул Франсоа на светот) и нашиот син (најслаткиот Франсоа на светот)... нашиот прв месец како родители“, напиша Лара покрај фотографиите.

„Секогаш сакав да имам многу деца“

Хаек стана маќеа откако се омажи за Франсоа-Анри Пино во 2009 година. Нивната ќерка Валентина се роди две години претходно, во 2007 година. Со текот на годините, актерката често зборуваше за тоа колку ѝ значи големо семејство.

„Отсекогаш сакав да имам многу деца, но не можев. Чудо е што успеав да родам едно дете. Голем благослов е што мојот сопруг има уште три деца. Значи, јас имам четири и сите се сосема различни“, изјави таа за списанието „Ред“ во 2017 година.

Сега малиот Франсоа, или Панчито, како што Хајек одлучи да го нарече, се придружи на нивното големо семејство.

Тагови: Салма Хајек

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Лукашенко доби пушка на подарок: „Не за војна... За безбедност во мир!“

На белорускиот претседател Александар Лукашенко му беше врачена првата целосно белоруска автоматска пушка, „VSK-100B“, за време на неговата посета на претпријатието „Кидма Тек“, дознава Белта.

Лукашенко доби пушка на подарок: „Не за војна... За безбедност во мир!“

Лукашенко посети компанија која развива високотехнолошки производи за воени и цивилни цели, а во таа пригода му беше врачена автоматска пушка „VSK-100B“.

Подарокот беше придружен со плоча со натпис: „Не за војна... За безбедност во мир!“, објави Спутник.

За време на посетата, Лукашенко ја нагласи потребата од развој на борбено оружје со целосна локализација на производството.

Според каналот Телеграм „Пул првого“, белоруското оружје веќе е воведено во арсеналот.

Тагови: лукашенко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер