Македонија

Османи: Во наредните два дена ќе добиеме нацрт преговарачка рамка, потребен е консензус за ЕУ како наднационален интерес

Во наредните два дена се очекува на земјава да и биде доставен првиот нацрт на преговарачката рамка, што ќе биде доставен на земјите-членки за нејзино разгледување во рамки на телата на Советот на ЕУ.

До крајот на месецот, во рамки на хрватското претседателство, се очекува верзија која ке ги вклучи и првичните ставови на членките на ЕУ, по што процесот продолжува во рамки на германското претседателство.

Ова го изјави денеска на прес-конференција вицепремиерот за европски прашања Бујар Османи, кој повика за изградба на општествено политички консензус за приоритет на европските интеграции како наднационален, надпартиски, стратешки интерес на државата и сите граѓани.

Османи додаде дека нацртот на преговарачката рамка ќе биде проследен и со мини извештај за состојбите и напредокот на земјава и ќе биде предаден на телото составено од амбасадорите на земјите-членки во Брисел наречен КОРЕПЕР, а потоа оваа нацрт преговарачка рамка ќе биде предадена на КОЕЛА – Комитет за проширување на Советот на ЕУ, работно тело составено од претставниците на сите членки.

Со тоа, како што појасни вицепремиерот, почнува и фактичкото усогласување на самата рамка следејќи ги позициите на земјите-членки.

Истакна дека усогласувањето на преговарачката рамка за другите земји траело два до три месеци, а за нас тоа значи дека процесот ќе продолжи во рамките на германското претседателство, што, според него, е добар сигнал за нас имајќи ја предвид лидерската позиција на Германија во процесот на проширување.

– Тоа е стандардна процедура што ја поминале сите земји-членки или земји кои сега преговараат, но тоа што е важно за нас е што означува нов исчекор, ново скалило за почеток на преговорите, односно официјалната прва меѓувладина кнференција што ја очекуваме на есен, рече Османи.

Исходот од преговорите, како што посочи, сите најдиректно ќе не засега и затоа, покрај ЕУ, за почеток на преговорите треба да се подготивиме и ние.

– Како главен преговарач со ЕУ, сметам дека постојат прашања за кои ние како општество мораме да иницираме дебата и да се договориме за да ја дочекаме подготвени првата меѓувладина конференција и почетокот на преговорите. Тука не сметам на административно-техничката и експертската подготовка. Денеска сакам да порачам дека ни е потребна политичка подготовка. Изградба на општествено политички консензус за приоритет на европските интеграции како наднационален, надпартиски, стратешки интерес на државата и сите граѓани, истакна Османи.

Повика на градење на заеднички политички и државен консенсуз, со координиран настап на претседателот на државата, во едно инклузивно општество, со вклученост на сите политички субјекти во кој, како што рече, ќе бидат отстранети партиските интереси од процесот на интеграција на земјата во ЕУ.

– Европските интеграции ги издигнуваме како највисок стратешки приоритет на државата, со целосна вклученост на политичките репрезенти без разлика дали доаѓаат од власт или од опоицијата. Тука зборувам за што поскоро враќање на целосната функционалност на собраниските тела, на Националниот совет за европски интергации, воден од опозицијата, Комисијата за европски прашања, рече вицепремиерот.

Оцени оти е потребно создавање консензус, со кој ќе се обезбеди широка политичка поддршка за самата преговарачка структура која ќе биде ослободена од можни партиски и политички притисоци во својата работа, и за која ќе создадеме широка доверба.

– Во овој широк општестевн консензус соодветно место ќе најдат академската заедница, бизнис заедницата, граѓанскиот сектор, медиумите… Завршува времето на декларативни заложби, а почнува времето на нивно преточување во реални политики. Процесот на интеграција во ниту еден момент не е запрен, а почетокот на преговорите објективно го очекуваме наскоро, истакна Османи на прес-конференција пред зградата на СЕП.

Свет

Властите во Хјустон повикаа на евакуација поради огромните поплави (ВИДЕО)

Се предвидува дека во Хјустон, Тексас, ситуацијата со поплавите ќе се влоши, еден ден откако силно невреме го зафати регионот, а властите ги предупредија жителите во ниските области на градот да се евакуираат пред очекуваните големи поплави.

Според прогнозата на метеоролозите, количината на врнежи од 2,5 до 7,6 сантиметри на метар квадратен вечерва ќе доведе до големи поплави.

Во Хјустон вчера околу 20 луѓе беа спасени од поплавеното подрачје, вклучително и оние кои се качиле на покривите на своите домови.

Локалните власти соопштија дека неколку стотици згради се во опасност од поплави, како и дека наставата во училиштата е откажана, а некои патишта се затворени поради поплави.

Обилните дождови со недели го зафатија Тексас и делови од американската сојузна држава Луизијана, а делови од југоисточниот дел на Тексас, северно од Хјустон, се поплавени.

Тенис

Надал ги демантираше гласините за пензионирање по Ролан Гарос

Шпанскиот тенисер Рафаел Надал ги демантираше гласините дека неговиот настап на претстојниот Ролан Гарос ќе биде последен во неговата кариера.

Рекордерот по освоени Гренд слем титули во Париз (14) и оваа сезона има намера да се бори за трофејот во француската престолнина, но поради проблеми со повредите, некои медиуми побрзаа да го пензионираат што е можно поскоро.

Но, тоа воопшто не му се допадна на Надал, па по поразот од Јиржи Лехечка во Мадрид се наврати на медиумите и изјави дека се уште нема намера да се пензионира. Особено не во Париз, каде летово би можел да се најде како член на олимпискиот тим на Шпанија.

-Мојот сон е последен пат да се натпреварувам на Олимписките игри. Никогаш не реков дека мојата кариера ќе заврши на Ролан Гарос, јасно подвлече Надал за шпанскиот канал „Мовиестар“.

Рафаел Надал моментално е 512. играч во светот, има 37 години и сезонава забележа три победи и два порази. Во текот на својата блескава кариера оствари биланс од 1.071 победа и 222 порази. На врвот на светската АТП листа стигна во 2008 година, додека во текот на кариерата освои 92 титули и нешто повеќе од 130 милиони долари на турнири.

Македонија

Облачно време со локален дожд и северен ветер

Времето денеска ќе биде променливо облачно, наместа со повремени врнежи од дожд. 

Ќе дува умерен, а долж Повардарието и во источните делови, повремено засилен ветер од северен правец. Минималната температура ќе биде во интервал од 4 до 11, а максималната ќе достигне од 14 до 21 степен.

Во Скопје, ќе биде променливо облачно со повремени врнежи од дожд. Ќе дува умерен ветер од северен правец. Минималната температура ќе се спушти до 8, а максималната ќе достигне до 19 степени.

Во текот на ноќта и изутринава времето е претежно облачно, наместа со повремени врнежи од дожд. Дува слаб до умерен ветер од северен, а во Пелагонија повремено засилен ветер од западен правец кој во Битола достигнува брзина до 45 km/h.

Најмногу дожд во изминатото деноноќие има наврнато во Крива Паланка 20 литри на метар квадратен, во Штип 15, во Берово 12, во петровец - Скопје и во Охрид 9, во Демир Капија 7, во Претор 5, во Велес и Кавадарци 4, во Струмица и Гевгелија 3, во Виница и Лазарополе 2 и во Битола и Куманово еден литар на метар квадратен.

Синоптичарите за утре и за понеделник најавуваат претежно сончево и потопло време. Во вторник, локално ќе има изолирана појава на пороен дожд и ретки грмежи. Под влијание на нов влажен бран, в среда и четврток на повеќе места ќе биде нестабилно со пороен дожд и грмежи, локално во форма на невреме.

притисни ентер