Османи од говорницата на ЕП им порача на Србите дека Косово е и нивен дом - Канал 5

Балкан

Османи од говорницата на ЕП им порача на Србите дека Косово е и нивен дом

„Косово е фокусирано на европската иднина и убедена сум дека евроатлантските интеграции наскоро ќе бидат нашата иднина“, рече косовската претседателка Вјоса Османи во денешниот говор во Европскиот парламент.

Османи од говорницата на ЕП им порача на Србите дека Косово е и нивен дом

Таа ја искористи можноста да им порача на косовските Срби дека Косово е и нивен дом.

Османи е првата претседателка на независно Косово што се обрати пред Европскиот парламент, 25 години откако ЕП на „визионерскиот“ лидер на Косово, Ибрахим Ругова, му ја врачи наградата Сахаров за слобода на мислата во Стразбур.

„Република Косово и нејзиниот народ продолжуваат да гледаат кон иднината - европската иднина. И како што е напишано во нашиот Устав, евроатлантската интеграција е нашата прва и единствена дестинација. Тоа не е само наша амбиција, туку и наша цел; јас сум убедена дека тоа наскоро ќе биде нашата иднина“, рече Османи и доби громогласен аплауз на одобрување од европратениците.

Таа рече дека Косово не е некоја далечна земја, туку составен дел на Европа. Западен Балкан не е само „соседство“, туку природен дел од Европа и е од стратешки интерес за траен мир и стабилност на континентот“, рече Османи. Затоа, продолжи таа, „лани поднесовме барање за членство и се надеваме дека европските институции и земјите членки ќе го поддржат нашето барање“.

„Сметаме на лидерството и одлучноста што овој парламент толку често ги покажува. За возврат сакам да ве уверам дека нашето трпение нема да згасне. Никогаш нема да скршнеме од нашиот евроатлантски пат“, рече Османи, нагласувајќи дека Косово е 100 отсто во согласност со одлуките на ЕУ за прашањето на надворешната политика и безбедноста.

Во својот говор таа потсети дека по прогласувањето независност на 17 февруари 2008 година, Косово тргна по неверојатен пат на трансформација, раст и просперитет.

„Неуморно работиме на зајакнување на институциите, поттикнување на економскиот раст и зајакнување на нашата демократија“, рече Османи.

„Косово со своето динамично и младо население е посветено на владеењето на правото, борбата против корупцијата, транспарентноста и почитувањето на човековите права без разлика на етничката, верската или потеклото, рече Османи.

„Вредностите на ЕУ се наш морален компас (...) подадевме рака за соработка на сите наши соседи и решени сме да ги заштитиме и промовираме правата на сите граѓани на Косово. Им велам на Србите во Косово : Косово е вашиот дом, ќе направиме се што е во наша моќ да се чувствувате заштитени, да не бидете оставени настрана, да сте еднакви и да ве слушаат“, рече Османи.

Осврнувајќи се на актуелната ситуација, таа потврди дека нејзината земја се соочува со безбедносни предизвици и дека единствениот начин за нивно надминување лежи во партнерствата и сојузите.

„Недостигот од интеграција на демократските земји од Западен Балкан претставува голема безбедносна закана за цела Европа бидејќи го остава регионот ранлив на закани и злонамерни актери. Интеграцијата на нашиот регион не е само од исклучителна важност, туку и на стратешко значење“, рече Османи. Членството на Словенија и Хрватска, посочи претседателката, „дополнително ја зајакна, а не ја ослабна позицијата на ЕУ“.

„Членството на Албанија, Македонија и Црна Гора во НАТО го зајакна регионалниот мир и стабилност, а не го ослабна“, рече Османи и изрази уверување дека ЕП ќе продолжи да игра важна улога во застапувањето на интеграцијата на Косово. „Што се однесува до нас, можам со сигурност да ви кажам дека она што го сакаат народот и институциите на Косово се мир и стабилност“, додаде Османи.

Таа не пропушти да се осврне и на руската агресија врз Украина, велејќи дека „непотребни се политички и филозофски дискусии“, бидејќи е јасно дека „нема пат кој е сива зона кон демократијата и слободата“. „Нема половичен пат во борбата против автократијата и тиранијата и затоа европскиот пат е од историско значење. Но, мора да одиме чекор понатаму и да гарантираме победа на Украина и праведен мир“, рече Османи.

Косово и Украина, додаде таа, „споделуваат тажна историја на заедничка европска почва, но и иднина со голем потенцијал и можности во заедничкото европско семејство“. За Украина и Косово осамнува нова зора на мир и членство во ЕУ. За Европа тоа значи сила во нови сојузи и единство“, заклучи Османи.

Шефот на ЕП, Роберта Мецола, најавувајќи ја Османи како гостинка на Европскиот парламент, рече дека од 1 јануари следната година на граѓаните на Косово повеќе нема да им требаат визи за ЕУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер