Македонија

Османи: Очекуваме во наредните денови да има конкретни чекори

​ Советот на ЕУ ја чека одлуката на Бугарија, 26 земји-членки ја имаат донесено одлуката во однос на започнувањето преговори.

Сите чекаме дали Бугарија ќе го крене ветото, и за тоа продолжува нашата комуникација. Очекуваме наредните денови да има одредени конкретни чекори во смисла на размена на предлози, чекаме средба од експертите од двете министерства за надворешни работи да се состанат и тие ставови да ги зближат уште повеќе со можности да се најдат решенија, а потоа влегува ЕУ со предлозите на претседателството и со тоа да се комплетира целиот пакет, изјави денеска шефот на дипломатијата Бујар Османи за тоа дали има реални шанси за решение до крајот на годината.

Тој смета дека доколку се сфати тежината на моментот, 14 дена се сосема доволни врз основа на тоа што сме го сработиле досега, да се постигне договор. Меѓутоа, треба две страни за да се постигне тој договор, така да очекуваме која ќе биде позицијата на Бугарија после искажување на овие наши ставови.

– Самата најава за формирање политичка Влада во Софија значително ќе го олесни процесот. Нас ни се случи ситуација во годината кога требаше да се деблокира овој процес имавме трипати избори во една година во Бугарија и неможност за формирање Влада, што оневозможи нормална комуникација меѓу две политички влади и самата најава дека влегуваат сериозно во формирање на коалициска политичка влада дава оптимизам дека ова прашање води кон решение. Ние комуникациата не ја прекинавме и со техничката Влада, додаде Османи на прес-конференцијата во МНР за претставување на буџетот на Министерството предвиден за 2022.

Министерот информира дека овие денови се работи интензивно на дефинирањето на нашиот одговор на „пет плус еден точките" и очекува во наредните денови во комуникација да се одговори на тие предлози и тоа да биде основа за следната рунда разговори меѓу експертите од двете МНР.

– Моменот на вклучување на политичката влада ќе биде клучен но ние мора да имаме одредена подготовка за да продолжиме понатаму на политичко ниво да ги решиме прашањата. Уште работиме со надеж за декември, да се фати тој рок иако и после 14-ти словенечкото претседателство има право да свика вонреден состанок на министрите за Европа да ја донесе одлуката било кој ден до 31 декември или пак во првите недели во јануари француското претседателство исто така не е врзано со конректен формален состанок на министри за надворешни работи на ЕУ, појасни Османи.

Така да работиме како да секој ден ни е опција меѓутоа политичката влада во Бугарија се разбира дека е важна компонента во тој план.

– Доколку се интензивира овој процес на комуникација, прво на ниво на експерти од двете министерства, преку размена на ставови исто така преку двдете МНР, и на сето тоа се надоврзува политичката комуникација помеѓу две политички влади или претседателот на државата кој сега веќе е избран во Бугарија, мислам дека може да се најде решение. Според темите што ги разговараме, според предлозите што се разменуваат, мислам дека навистина има простор за изнаоѓање решение. Eдноставно не сме толку далеку за да не можеме сега да ја интензивираме таа комуникација и да го искористиме моменот којшто е многу важен. А моментот е важен затоа што контекстот понатаму не се подобрува по однос на можноста за изнаоѓање решение а Бугарија се повеќе разбира дека тоа е исто толку важно колку за нас толку и за нив, додаде Османи.

Живот

Чудни предмети испливаа на брегот на Тексас, граѓаните добија предупредување (ФОТО)

Жителите на брегот на Тексас се предупредени да бидат свесни за „невообичаени портокалови предмети“ по извештаите за нивно откривање на плажите во Галвстон и Фрипорт.

Мали правоаголни блокови исфрлени на брегот со видно прикажани пораки- веднаш да го контактирате нивниот сопственик.

Необичните предмети се во сопственост на истражувачи на морскиот свет.

Заливскиот центар за истражување на морски желки се обидува да разбере како океанските струи влијаат на движењата на морските желки во текот на годината.

Поради оваа причина тие направиле дрвени блокови кои би требало да имитираат желки, пренесува UPI.com.

„На островот Chandeleur во Мексиканскиот залив беа ослободени 80 блокови, а повеќе од половина се упатија кон брегот на Тексас. Во изминатите неколку дена се пронајдени четири“, соопштија од организацијата.

Научниците апелираат до граѓаните да ги контактираат во случај да најдат портокалови предмети, за да можат да соберат важни податоци.

Свет

Масакр во руската војска: Убил шестмина соборци и избегал, потерата е во тек

Според извештаите, полицијата трага по руски војник осомничен за убиство на шест негови соборци во источна Украина.

Потрагата по него доаѓа кога руски офицер се соочува со судење за убиство на седум војници под негова команда, откако минатата година фрли граната во соба, пишува Newsweek.

Од почетокот на инвазијата на Украина, имаше повеќе тврдења за низок морал меѓу руските трупи, со причини кои се движат од незадоволство од обуката и опремата, до преиспитување на раководството на претпоставените.

Воените напори на Москва беа поттикнати од осудениците на кои им е понудена слобода доколку војуваат шест месеци, иако руските сили сега велат дека помалку се потпираат на затворениците од затворските колонии низ целата земја.

Еден осуденик, 57-годишен помлад поручник идентификуван од Телеграмскиот канал База како Јури Г., избегал откако на 4 мај застрелал шест војници од артилериски баталјон во самопрогласената Народна Република Доњецк (ДНР) во Украина.

Осомничениот, наводно, имал автоматска пушка АК-12 со придушувач и муниција, а полицијата ги пребарува градовите во близина на границата со Украина во регионите на Ростов, Белгород и Воронеж, објави База во извештајот што го објавија и други руски медиуми. .

Последниот инцидент доаѓа откако започнало судењето на поранешниот вршител на должноста командант на вод, поручникот Дмитриј Лобовиков, кој е обвинет за убиство на седум негови подредени и ранил најмалку 10 други за време на прославите на 13 и 14 јануари 2023 година.

Тој, наводно, не бил задоволен од она што го видел кога дошол да ги провери војниците во касарната и извадил граната RGD-5, го повлекол осигурувачот и побарал од војник да го врати на своето место, пишува весникот „Комерсант“.

Војникот одговорил дека не научил како да го прави тоа. Откако го навредил, Лобовиков влегол во ходникот од каде е обвинет дека фрлил граната во соседната просторија каде спиеле војници од друга чета, при што убиле седум лица и уништиле дел од касарната.

Лобовиков е уапсен и обвинет за убиство, обид за убиство, намерно нанесување телесни повреди, намерно уништување и оштетување на имот, како и за недозволено поседување експлозивна направа.

Извештајот на Комерсант не ја прецизирал локацијата на инцидентот, но неговиот случај е сослушан пред поротата во Западниот воен окружен суд, кој ги покрива европските региони на Русија кои граничат со Украина.

Newsweek го контактирал руското Министерство за одбрана за коментар.

Технологија

Маск со повик вештачката интелигенција да се насочи кон вселената и да се насели Млечниот пат

Американскиот милијардер и извршен директор на компанијата за вселенски летови SpaceX (SpaceX) Илон Маск посочи дека на човештвото ќе му бидат потребни милион години за да ја колонизира галаксијата Млечен Пат.

Тој на конференцијата на Институтот Милкен во Калифорнија, што се одржува од 5 до 8 мај, рече дека вештачката интелигенција (ВИ) може да се користи за напредок на целата цивилизација и повика вештачката интелигенција да се насочи кон истражување на вселената.

Маск додаде дека размислувањата за населувањето на галаксијата го наведуваат да размислува за постоењето на вонземјани.

Во разговор со основачот на Институтот, Мајкл Милкен, тој истакна дека е загрижен за заканата од исчезнување на човештвото и како еден од главните ризици го спомена падот на наталитетот.

„Кога една цивилизација нема надворешна закана и напредува, наталитетот нагло опаѓа“, вели бизнисменот.

притисни ентер