Османи: Без датум во март, ЕУ ќе се вмеша во изборите во април - Канал 5

Македонија

Османи: Без датум во март, ЕУ ќе се вмеша во изборите во април

Охрабрен од оптимистичките пораки на францускиот амбасадор Тимоние, дека датумот за преговори е близу, Вицепремиерот Бујар Османи во обид да изврши дополнителен притисок кон Унијата.

Османи: Без датум во март, ЕУ ќе се вмеша во изборите во април

Според него, доколку на Македонија не и се додели датум за почеток на преговори на Советот во март, Брисел ќе изврши директно мешање во априлските избори во земјава. Ваквиот негов став вели дека се должи на тоа што евентуалното зелено светло од Унијата за Македонија пред изборите, би било признание за досега постигнатото на Владата, на патот кон ЕУ. Според него, земјава ги исполнила своите ветувања, а редот е и на Унијата да го испорача своето.

Со порака до Унијата да ги започне преговорите со Македонија и Албанија излезе и првиот европарламентарец Давид Сасоли. Тој го повика Европскиот совет да ги одржи ветувањата кон земјите во регионот и да ја поддржи нивната европска перспектива. Според него, одлуката за почеток на преговори со Македонија и Албанија е од големо значење и очекува Советот да донесе позитивна и недвосмислена порака.

-Мислам дека процесот на проширување не треба да биде запрен и треба да се развива веднаш. Мислам дека пристапот и одлуката за почеток на преговори со Албанија и С. Македонија е од големо значење,вели Давид Сасоли – Претседател на Европски парламент.

Почетокот на преговорите со Македонија и Албанија е и меѓу главните приоритети на Европската комисија која денеска ја усвои работната програма за 2020 година. Во програмата меѓудругото стои дека покрај заложбата да се отворат преговорите со двете држави, комисијата паралелно ќе се посвети и на новата методологија за членство. Целта во периодот кој следува, според програмата ќе биде продлабочување на партнерството кое комисијата го има со земјите од Западен Балкан, а кое би било потврдено на загребскиот самит во мај.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер