Осма пленарна конференција на националната конвенција за ЕУ: „Регионални предизвици на патот кон Европската унија“ - Канал 5

Македонија

Осма пленарна конференција на националната конвенција за ЕУ: „Регионални предизвици на патот кон Европската унија“

Македонија ќе остане слепо црево на Балканот - и да ги направиме Уставните измени нема да започнеме со преговорите бидејќи ги нема потребните реформи.

Осма пленарна конференција на националната конвенција за ЕУ: „Регионални предизвици на патот кон Европската унија“

Македонија ќе остане слепо црево на Балканот - и да ги направиме Уставните измени нема да започнеме со преговорите бидејќи ги нема потребните реформи, дециден е претседателот на Националниот совет за европска интерација и лидер на СДСМ - Венко Филипче, на денешната Национална конвенција за ЕУ. Дополнителни услови за отпочнување на преговорите се реална опасност, тврди Филипче.

-Што и да се случува на полето на постигнување на политички консензус да се направи тоа што треба да се направи со Уставните измени, нема оправдување за неспроведувањето на реформите, во делот на правосудството, во делот на образованието, јавната администрација, понатаму во делот на економијата, тоа е тоа што нашите граѓани го бараат,- -Венко Филипче, претседател на Собраниски Национален совет за европска интерација.

Неговиот заменик претседател од редовите на ВМРО ДПМНЕ – Игор Здравковски, посочи оти и досегашното неисполнување на обрските и критериумите дадени од ЕУ довеле до безизлезна ситуација и повика на консензуално носење на одлуки.

-Претседателот (на Собранието) во неговиот говор кажа дека има неколку групи – некои кои постојано критикуваат, некои кои бараат вина во некој друг, меѓутоа јас тука би додал дека има и луѓе кои имаат амнезија. Тие луѓе и ние сите заедно треба да седнеме на маса и како што кажав претходно, да донесеме консензуални одлуки а не како досега за да дојдеме во една ваква ситуација каде што сме во некаков ќорсокак и не гледаме реален излез,- -Игор Здравковски, заменик-претседател на Собраниски Национален совет за европска интеграција.

На национаолната конвенција амбасадорите од Словачка и Холаднија ја потенцираа неопходноста од клучните реформи–правосудство и борбата со корупцијата и реформи на јавната администрација.

ЕУ ви нуди решенија и конкретни алатки за надминување на реформските проблеми, меѓутоа сега е моментот на дејствување и не треба да се губи повеќе скапоцено време - порача амбасадорката на Холандија во земјава – Узлем Џанел, која беше децидна дека уставни измени мора да се спроведат.

YouTube video

Тагови: Венко Филипче ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Чудо на Монт Еверест: Спасен е шерпас кој една недела бил изгубен без кислород и храна (ВИДЕО)

Непалски шерпа водич е спасен од Еверест откако преживеал околу една недела на падините на највисоката планина во светот без храна и кислород, ретко преживување во такви услови, изјави претставник на планинарското здружение.

Чудо на Монт Еверест: Спасен е шерпас кој една недела бил изгубен без кислород и храна (ВИДЕО)

Дава Шерпа, 52, се враќал со полски алпинист откако не успеале да го достигнат врвот од 8.849 метри кога тој исчезнал помеѓу Камп III и Камп IV. Последен пат бил виден на 29 мај. Неговиот клиент се вратил во базниот камп, но не е јасно како се разделиле. Тие биле меѓу последните алпинисти на Еверест оваа сезона, која завршила минатиот месец.

Лама Кази Шерпа од Одборот за контрола на загадувањето Сагармата изјавил дека неговиот тим го лоцирал Дава над базниот камп во близина на ледениот водопад Кумбу и го однел на безбедно место. Неговиот тим ја чистел планината по завршувањето на сезоната.

Дава, сè уште во својата јакна за качување, бил итно префрлен од хелиодромот во болница на носилка. Семејството на Дав изјавило дека тој е добро и дека се лекува од смрзнатини и други компликации. „Ме препозна… добро е и зборува“, рече Мхендо Љамо Шерпа, ќерката на водичот. „Среќни сме“.

„Дава преживеа сама речиси една недела без храна, вода или дополнителен кислород, движејќи се низ опасниот леден водопад Кумбу, дури и откако беше отстранета фиксната скала за сезоната“, соопшти непалската планинарска компанија за искачување на Еверест на социјалните медиуми. „Ова е вистинско чудо“.

Рекорден број од повеќе од илјада алпинисти и нивните водичи се искачија на Еверест оваа сезона, а владата издаде 494 дозволи. Пет алпинисти и еден водич беа убиени, соопштија официјални лица.

Многу алпинисти беа заглавени во базниот камп откако огромно парче глечерски мраз го одложи отворањето на рутата до највисокиот врв на светот во април.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хезболах го отфрли американскиот план за примирје: Тоа е срамно

Хезболах го отфрли планот за прекин на огнот, посредуван од либанската и израелската влада со посредништво на САД, а Израел продолжи со нападите во јужен Либан и изјави дека не се повлекува од југот на земјата.

Хезболах го отфрли американскиот план за примирје: Тоа е срамно

САД во среда објавија дека Либан и Израел се согласиле на прекин на огнот, под услов Хезболах, група поддржана од Иран, да престане со огнот и да ги повлече своите борци од јужен Либан по границата со Израел.

Касем ги нарече разговорите срамота

Лидерот на либанската шиитска група, Наим Касем, ги нарече разговорите срамота, отфрлајќи ја најавата на Вашингтон како „сценарио во кое дел од либанскиот народ ќе биде истребен, а остатокот ќе биде поробен“. Хезболах не е страна во разговорите.

„Додека има окупација, ќе има отпор“, рече Касем во писмена изјава.

Нов бран непријателства и барањата на Техеран

Непријателствата меѓу Хезболах и Израел повторно се разгореа на 2 март, кога групата отвори оган во поддршка на Техеран, кој беше под американско-израелски напад.

Таа фокусна точка стана камен на сопнување на патот кон решавање на пошироки конфликти во регионот. Техеран бара прекин на израелските напади во Либан како дел од договорот со САД.

Услови на отпор и став на израелската војска

Командантот на силите Кудс, фракцијата на Иранската револуционерна гарда што го основа Хезболах во 1982 година, рече дека „барањето за минимален отпор“ е Израел да се повлече на позициите што ги држеше пред почетокот на војната и инвазијата на израелските сили на југ.

Израелскиот министер за одбрана Израел Кац претходно во четврток изјави дека Израел засега ги продолжува нападите врз Либан.

Тагови: Хезболах

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Торнадо направи пустош во Рим- летаа покриви, паѓаа дрвја (ВИДЕО)

Торнадо го погоди италијанскиот главен град. Според Анса, торнадото соборило дрвја во Рим и предизвикал прекини во сообраќајот.

Торнадо направи пустош во Рим- летаа покриви, паѓаа дрвја (ВИДЕО)

Тезга на пазарот беше однесена во воздух и удри во паркиран автомобил додека обилни дождови го погодија италијанскиот главен град.

Имаше широко распространети поплави во областите Номентано, Саларио и Париоли, каде што сообраќајот беше целосно запрен бидејќи нивото на водата речиси ги покри автомобилите.

Многу други делови од Италија, исто така, вчера беа погодени од бури и поплави, особено Фриули, Тоскана и Лацио.

Според локалните медиуми, Рим беше погоден од налети на ветер со брзина над 120 км/ч, кои опустоши цели области.

Десетици паднати или искоренети дрвја паднаа врз автомобили и бензински пумпи. Покриви беа однесени, а неколку куќи беа целосно уништени. За среќа, никој не е сериозно повреден од торнадото.

Најпогодени области беа Номентано, Саларио и Париоли, северно од центарот на градот. На источниот кружен пат, Тангенцијале Ест, патот беше стеснет на неколку места од паднати гранки. Во Конка д’Оро, тезга на пазар беше крената од виор и фрлена врз паркиран автомобил. Торнадото, исто така, ги однесе покривите на неколку куќи во населбата Нуово Саларио, според „Wanted in Rome“.

Градоначалникот на Рим, Роберто Гвалтиери, рече дека мерните станици, иако не се најблиску до епицентарот, регистрирале брзина на ветерот од 90 км/ч, што укажува дека налетите на ветер во центарот на бурата надминале 100 км/ч. Гвалтиери го опиша феноменот како екстремен и ненадеен метеоролошки настан.

Според градоначалникот, околу 60 дрвја паднале на јавни и приватни површини, на улици како што се Виа Вал Пеличе, Виа Салвиучи, Виа дел Прато дела Сињора, Виале дела Москеа и Виа дел Форо Италико.

Тагови: Рим Торнадо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер