Од Општината велат граѓаните задолжително да ги почитуваат препораките на надлежните институции.

-Ги молиме сите граѓани и посетители да ја почитуваат одлуката за сопствена безбедност. Во спротивно, во случај на несреќа поради непочитување на правилата, одговорноста останува на оштетениот, соопштија од Општина Сарај.

При посетата на Матка, нашата камера регистрираше предупредуваќки пораки за внимателност при движењето, а една од карпите беше заштитена со мрежа со цел да се спречи евентуален одрон.

-Доколку ја посетувате Матка, периодов треба да бидете многу претпазливи. Особено на оние делови каде што има опасност од одрон на карпи

Со апел, особено до алпинистите кои се качуваат на Матка, се огласи и нашата најдобра алпинистка, Илина Арсова. Таа напиша дека пред два дена доживеала едно поинакво искуство од претходните качувања на Матка, затоа што како што вели, никогаш не ја почувствувала карпата толку ронлива.

А токму таков одрон се случи пред еден месец на пешачката патека на Матка во момент кога во близина имало посетители

Од друга страна, од Алпинистичката федерација сметаат дека нема потреба да се крева паника во врска со можноста од одрони на Матка, бидејќи и досега имало опшасност поради тоа што самиот состав на карпите е ризичен.

Првиот човек на алпинистичката федерација Александар Зарапчиев вели дека надлежните органи треба да ангажираат професионалци кои ќе ја испитаат безбедноста на теренот, за која уверува тој, сепак не е толку опасна.

И пред четири години, Стојанче Ангелов, тогаш како директор на ЦУК алармираше за опасност од одрон на карпа, тешка 20 тони, над браната на Матка. Според последните информации, состојбата со таа карпа ја следат од Градежниот факултет и доколку е потребно, ќе се преземат посериозни чекори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.