Регион

Орлиќ: Ќе бидат предложени шест потпретседатели на парламентот

Потпретседателот на Главниот одбор на Српската напредна партија (СНС) Владимир Орлиќ изјави денес дека консултациите на пратеничките групи во српскиот парламент биле успешно завршени.

Потпретседателот на Главниот одбор на Српската напредна партија (СНС) Владимир Орлиќ изјави денес дека консултациите на пратеничките групи во српскиот парламент биле успешно завршени и дека деветте пратенички групи кои одговориле на состанокот ќе предложат српскиот парламент во новата свикување покрај претседател, да има шест потпретседатели, јави дописникот на МИА од Белград.

-Сите девет групи од парламентарното мнозинство и од опозицијата, кои одговорија на поканата на (најстариот пратеник кој претседава со првата седница на српскиот парламент) Стојан Раденовиќ да разговараат за заедничка работа во Народното собрание, заедно ќе предложат Собранието во 14-тото свикување да има шест потпретседатели – двајца од СНС, по еден претставник од малцинските национални заедници – Унгарци и Бошњаци, еден од СПС и еден претставник од опозициската листа „Ние – гласот на народот“, изјави Орлиќ, соопштија од СНС.

Според него, заедно со Ана Брнабиќ, која е предложена за претседател на Собранието со потписи на 156 пратеници, во најтесното раководство на српскиот парламент извесно е дека ќе се најдат најмногу жени досега.

Орлиќ најави дека со работата на две парламентарни комисии – Одборот за дијаспора и Србите во регионот, како и Одборот за образование, наука и технолошки развој, според постигнатиот договор, ќе раководат две опозициски групи.

Во Собранието на Србија вчера и денеска се одржаа консултации за продолжување на конститутивната седница на која треба да се изберат потпретседатели и работни тела, а на консултациите присуствуваа претставници на листата на СНС-„Србија не сме да застане“, коалицијата околу СПС, листата „Ние гласот на народот“ и малцинските листи, додека претставниците на опозициските листи „Србија против насилството“ (СПН) и коалицијата НАДА (ДСС-ПОКС) не присуствуваа.

За понеделник, на 18 март, закажано е продолжение на конститутивната седница, на која треба да се избере претседател на парламентот, за кого СНС ја предложи Ана Брнабиќ, како и потпретседателите на Народното собрание, а на дневен ред е и именување и на генералниот секретар и изборот на работни тела.

Македонија

Агелер: Медиумите имаат клучна улога, особено во изборниот процес

На Денот на слободата на медиумите, американската амбасадорка во земјава Анџела Агелер порачува дека медиумите имаат клучна улога, особено сега во изборниот процес.  

- Денес е Светски ден на слободата на медумите, а изборите ја истакнуваат клучната улога што медиумите треба и мора да ја играат во текот на процесот. Слободен и жив печат кој ги испитува фактите, соопштува идеи и предлози до јавноста и ги притиска официјалните лица да ја објаснат својата позиција за прашања кои се важни за животите на граѓаните и за одредување на текот на државата, потенцира амбасадорката Агелер во објава на платформата X.

Македонија е рангирана на 36-то место на Индексот за слобода на медиумите за 2024 година во извештајот на „Репортери без граници“, што е за две места скок во однос на 38-то место лани. Од земјите во регионот, Северна Македонија е најдобро оценета, по што следат Црна Гора (40), Словенија (42), Хрватска (48), Косово (75), БиХ (81), Србија (98) и Албанија (99).

- Иако новинарите не работат во непријателско опкружување, раширените дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади. Понатаму, владините функционери имаат тенденција да имаат лоши и понижувачки ставови кон новинарите, стои во оценката за земјава.

Македонија

Ковачевски: Македонија со раст на индексот на слобода на медиуми

Претседателот на СДСМ, Димитар Ковачевски денеска упати честитка до медиумите и медиумските работници по повод Светскиот ден на слободата на медиумите го поздрави растот кој го бележи земјата на согласно извештајот на „Репортери без граници” .

Претседателот на СДСМ, Димитар Ковачевски денеска упати честитка до медиумите и медиумските работници по повод Светскиот ден на слободата на медиумите го поздрави растот кој го бележи земјата на согласно извештајот на „Репортери без граници” и позиционирањето на Македонија на 36-то место заедно со останатите развиени европски демократии.

„Денешниот Светски ден на слободата на медиумите го одбележуваме како земја која повторно постигнува раст во медиумската слобода. Ние денес сме на 36-то место и сме најдобро позиционирани во регионот, а и пошироко, согласно извештајот на “Репортери без граници”. Ова е директна потврда дека со СДСМ, Македонија чекори по вистинскиот пат, дека ние сме земја во која се почитуваат демократските и европските вредности.” - посочи претседателот Ковачевски во својот пост на социјалните мрежи.

Ковачевски воедно се заблагодари до новинарите и медиумските работници, за нивната посветена работа посочувајќи дека стекнатиот статус беше партнерска и заедничка заложба на СДСМ, граѓаните и медиумите, како и медиумските организации.

„Пред само седум години бевме сведоци дека загорзената слобода на медиумите е вратата кон автократско владеење. Тоа време не смееме да дозволиме да се врати.” - истакна Ковачевски.

Ковачевски истакна дека СДСМ е, секогаш била, е и ќе биде страната на медиумите, на страната на демократијата и го насочи вниманието на важноста на продолжувањето на процесот на евроинтеграции со цел обезбедување подобар квалитет, професионалност и заштита за медиумите и новинарите.

„Единствено со продолжувањето по европскиот пат, ќе се продолжи и подобрувањето на квалитетот, заштитата и професионалноста на медиумите и ќе се продлабочи нашата заедничка борба против дезинформациите.” - порача Ковачевски по повод Светскиот ден на слободата на медиумите, се наведува во партиското соопштение.

Живот

Направано е најголемото тирамису на светот, влезе во Гинисовата книга (ВИДЕО)

Нема некој што не сака тирамису, омилениот италијански десерт, а во чест на Светскиот ден на Тирамису, што се одбележуваа секоја година на 21 март, италијански ресторан во Лондон го направи највисокото тирамису на светот.

Тимот од ресторанот Луси во лондонскиот Ковент Гарден го помина целиот ден градејќи го највисокото тирамису на светот. И кога го „изградиле“, го измериле и бил висок два метри – повисок од просечниот маж – и така влегол во Гинисовата книга на рекорди.

Од страна на персоналот во ресторанот љубезно наречен „Торемису“ (доаѓа од италијанскиот збор „торе“, што значи кула), овој џиновски десерт е направен од сите класични состојки на тирамису и е целосно јадлив. Биле потребни пет часа за да се состави, но дури 24 часа за да се подготват сите состојки.

„Торемису“ стана толкав хит што тимот направил уште една реплика неколку дена подоцна, а тој ден решија сите што вечераат во овој ресторан да ги почестат со бесплатно тирамису.

@viziesfizii #CapCut ♬ suono originale - Viziiesfizii

Инаку, италијанскиот ресторан Luci во Ковент Гарден е познат по широкиот избор на италијански колачи, меѓу кои најмногу се издвојува тирамисуто. Но, освен десерти, овде наутро може да се купи свеж леб и пецива, а од пладне во понудата има фокача, чабата и италијанска пица.

притисни ентер