Орбан: Самитот на ЕУ во Брисел ќе се фокусира на војната и мирот - Канал 5

Европа

Орбан: Самитот на ЕУ во Брисел ќе се фокусира на војната и мирот

Орбан изјави дека лидерите на ЕУ ќе разговараат дали и на кој начин треба да се обезбеди поддршка за Украина - воена, финансиска или комбинирана - како и за судбината на замрзнатите руски средства, објави МТИ.

Орбан: Самитот на ЕУ во Брисел ќе се фокусира на војната и мирот

Унгарскиот премиер Виктор Орбан изјави пред самитот на Европската унија во Брисел дека главната тема на состанокот ќе биде „војната и мирот“, покрај бројните други прашања што се на дневниот ред, вклучувајќи го седумгодишниот буџет на ЕУ, миграцијата и ситуацијата на Блискиот Исток.

Орбан изјави дека лидерите на ЕУ ќе разговараат дали и на кој начин треба да се обезбеди поддршка за Украина - воена, финансиска или комбинирана - како и за судбината на замрзнатите руски средства, објави МТИ.

Унгарскиот премиер предупреди дека се очекува „конфликт“ во рамките на ЕУ меѓу земјите што сакаат да ја поддржат Украина и оние што се за одложување на одлуките додека не завршат преговорите меѓу САД и Русија.

Коментирајќи го замрзнувањето на руските средства, Орбан го обвини Брисел за „нелегална промена на претходниот режим“ и ја лиши Унгарија од правото на вето, најавувајќи правни мерки.

Тој додаде дека Унгарија пронашла сојузници меѓу земјите што ја сметаат конфискацијата на рускиот имот за „отворена објава на војна“.

Орбан предупреди дека ако ЕУ продолжи со вакви потези, таа ќе „маршира кон нов вид бирократска диктатура“ во која правата на националните држави се загрозени.

Тој, исто така, ја критикуваше Германија, тврдејќи дека таа „се движи чекор по чекор кон војна“ и се стреми да ја оживее својата индустрија преку воен развој.

Орбан повтори дека Унгарија нема да ја поддржи конфискацијата на замрзнатите депозити во странска валута од страна на Русија или која било друга земја, нагласувајќи дека неговата земја била „лојална“ на ЕУ во однос на руските средства и дека нејзините права не смеат да бидат ограничени.

Тагови: Виктор Орбан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во Мајами: Се урна товарен авион, има мртви (ВИДЕО)

Најмалку пет лица загинаа денес кога товарен авион на Амазон излетал од пистата на меѓународниот аеродром во Мајами во САД, удирајќи во неколку возила, соопштија официјални лица.

Драма во Мајами: Се урна товарен авион, има мртви (ВИДЕО)

Неколку лица се однесени и во болници со непознати повреди, соопшти канцеларијата на шерифот на округот Мајами-Дејд, пренесува „NBC“.

Според американската Федерална администрација за воздухопловство (FAA), повеќе од 60 пожарникари од округот Мајами-Дејд реагирале на местото на несреќата.

Пожарникарите се обидуваат да го изгаснат пожарот што избувнал по падот на Боингот 767-300, а надлежната служба потврди дека имало „повеќе повредени“ во овој инцидент, пренесе американската телевизиска станица.

Како што е додадено во соопштението на „FAA“, авионот продолжил да се движи надвор од пистата околу 14 часот по локално време, откако долетал во Флорида од Сан Хуан, Порторико.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: На 09.09.2026 ќе се врши терестрична дезинсекција против ларви од комарци

Градот Скопје ги известува граѓаните дека на 09.09.2026 година (среда) на подрачјето на градот Скопје ќе се врши терестрична дезинсекција против ларви од комарци. 

Град Скопје: На 09.09.2026 ќе се врши терестрична дезинсекција против ларви од комарци

Прскањето ќе се одвива на водни површини.

Доколку временските услови не го дозволуваат вршењето на дезинсекцијата, ќе се прска првиот нареден ден кога временските услови ќе бидат поволни, во истите термини.

Се известуваат пчеларите навреме да ги преземат потребните мерки за заштита на пчелите.

Тагови: Град Скопје комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Алтернатива за Германија извојува убедлива победа во источната германска покраина Саксонија-Анхалт

Алтернатива за Германија  извојува убедлива победа во источната германска покраина Саксонија-Анхалт, далеку пред главните ривали. Пренесува Би-Би-Си.

Алтернатива за Германија извојува убедлива победа во источната германска покраина Саксонија-Анхалт

Прелиминарните резултати покажуваат дека не успеала да освои апсолутно мнозинство, но AFD вели дека добила мандат за влада.

Крајнодесничарската AFD обезбеди 43,8% од гласовите, а конзервативната CDU 17,2%, според прелиминарните резултати на покраинската изборна комисија. Харизматичниот лидер , Улрих Зигмунд, рече дека тоа е „сензационално“ и дека сакаат да започнат со управување што е можно поскоро.ниту една крајно десничарска партија не ја освоила контролата врз германска покраина од втората светска војна, а управувањето на покраинско ниво би значело овластувања врз полицијата, локалното образование и културата. Саксонија-Анхалт има мало население од 2,1 милиони жители, а AFD во покраината е оценета од домашните разузнавачки служби како „десничарски екстремистичка“, класификација што ја отфрли 35-годишниот Зигмунд. ФД се залага за строги ограничувања за имиграцијата, обновување на врските со Русија, намалување на поддршката за Украина и напуштање на еврозоната.

Тагови: Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер