Свет

Орбан постави билборди со Фон дер Лајен и синот на Сорос: Не играјте како што ви свират

Унгарската владејачка партија денеска постави билборди во кои ја критикува претседателката на Европската комисија Урсула фон дер Лајен, што е првпат да ја направи лична мета во кампања слична на онаа против нејзиниот претходник Жан-Клод Јункер.

Во текот на ноќта, на кампањските плакати за европските парламентарни избори следниот јуни се гледа Фон дер Лајен заедно со Алекс Сорос, синот на либералниот милијардер и инвеститор роден во Унгарија, Џорџ Сорос, кој е постојана цел на непријателство од партијата Фидес на Орбан.

Слоганот е: „Да не играме како што тие ни свират“. Сорос е Евреин и некои критичари сметаат дека централната улога што тој ја игра во пропагандата на Фидес е доказ за антисемитизам, што Фидес категорично го негира. Слични билборди, на кои е прикажан Јункер заедно со постариот Сорос (Џорџ), предизвикаа укор од Брисел во 2019 година.

Фидес ги отстрани откако најсилната централнодесничарска група во Европскиот парламент (ЕПП) се закани со исклучување на унгарската партија. Фидес ја напушти ЕПП две години подоцна.

Орбан, чија влада се обидува да деблокира милијарди евра од фондовите на ЕУ суспендирани од Брисел поради политиката на Фидес, во саботата рече дека Унгарија „мора да каже „не“ на сегашниот европски модел изграден во Брисел“.

Унгарија се очекува да биде во центарот на вниманието на следниот самит на ЕУ во средината на декември, бидејќи земјата на ЕУ има симпатии кон Русија и скептична е кон плановите да ѝ понуди на Украина пат за пристапување во блокот, што се очекува да биде главна тема на самитот. Во петокот, Орбан испрати анкета до Унгарците за тоа дали ЕУ треба да ѝ додели повеќе средства за Украина или да ѝ даде членство.

Живот

Инфлуенсер од Дубаи има зоолошка градина во својот дом (ВИДЕО)

Хумаид Абдула Албукаиш, инфлуенсер од Дубаи, чува разни животни во својот дом - од тигри, лавови, змии до мечки.

Своите авантури ги објавува речиси секој ден на Инстаграм каде има 4,6 милиони следбеници.

Хумаид ги храни овие животни и си игра со нив без страв. Многумина го критикуваат дека ги чува овие животни во својот дом, но тој не се навраќа на негативните коментари бидејќи овие животни не ги чува во својот дом само поради содржината на Инстаграм, како што многумина му пишуваат, туку тој отворил и приватна зоолошка градина.

Приватната зоолошка градина Ал Букаиш се наоѓа во неговиот дом и секој може да дојде да ги посети животните, исто како и во обичните зоолошки градини. „Ниту едно од нашите животни не е купено или одземено од нивната природна средина. Ние посвојуваме диви животни кои се напуштени од нивните сопственици“, објаснува Хумаид на официјалната веб-страница на ЗОО.

„Би можеле да ги пуштиме во дивината, но нивните шанси за преживување би биле речиси нула. Често ги наоѓаме во мизерна состојба, многу слаби. Се грижиме за нив и им даваме втора шанса за живот“, додава тој.

Мисијата на неговата приватна зоолошка градина, вели тој, е да ги заштити животните што ги пронаоѓаат и за кои се грижат. „Ние се стремиме да обезбедиме нашите животни да бидат среќни и здрави, со многу храна, чиста вода и засолниште за сите идни генерации“, заклучува Хумаид.

Свет

Американец избега од авион преку вратата за итни случаи, го уапсија на писта (ВИДЕО)

Патник на летот 3172 на Southwest Airlines од Њу Орлеанс до Атланта бил уапсен на меѓународниот аеродром Луис Армстронг (MSY) по бизарен обид за бегство.

Според извештајот од Канцеларијата на шерифот на округот Џеферсон (JPSO), авионот на Southwest Airlines сè уште бил паркиран на терминалот кога, пред авионот да започне дас е движи кон пистат, еден Афроамериканец панично избегал преку излезот за итни случаи од страна на крилото!

Мажот е пренесен во болница на психијатриска евалуација, а неговиот идентитет не е соопштен.

Како и секогаш во вакви случаи, натамошната истрага ќе ја преземат федералните власти, пишува магазинот Newsweek на својата веб-страница.

„Ги пофалуваме нашиот екипаж и копнениот персонал за нивната брза и ефикасна реакција и им се извинуваме на патниците за непријатностите“, се вели во соопштението за печатот на Southwest Airlines.

Поради овој бизарен инцидент во кој, за среќа, нема повредени, летот од Њу Орлеанс до Атланта бил одложен нешто повеќе од два и пол часа, пишува веб-страницата View From The Wing.

Сличен инцидент се случил во јули 2021 година, кога патник на летот на Американ Ерлајнс од Шарлот до Балтимор скокнал од излезот за итни случаи на пистата на меѓународниот аеродром Шарлот Даглас (CLT) откако авионот, кој доцнеше два часа, се откажа. А потоа патникот во брза акција бил уапсен и испратен на набљудување.

Изминатиот викенд беше еден од најфреквентните во воздушниот сообраќај во Соединетите Американски Држави поради големите попусти што авиокомпаниите им ги даваа на своите клиенти на Денот на благодарноста.

Свет

Четворица рудари загинаа во рудник во Полска

Четири лица загинале во рудникот Собиески во Јаворжно, јужна Полска, објави денеска портпаролката на државната агенција за рударство WUG.

Несреќата во рудникот за јаглен се случила во 15:30 часот по локално време кога пукнала цевка, јавуваат полските медиуми. Повредени се уште две лица.

„Додека цевката се полнела со вода, таа неконтролирано пукнала, при што три лица загинале на лице место“, изјави за новинската агенција ПАП, Пјотр Стрзода од WUG. Четвртото лице починало во 17:10 часот, додаде тој. Рудникот Собиески е во сопственост на полската државна енергетска компанија Таурон.

притисни ентер