Орбан: Нема да има мир во Украина без договор меѓу САД и Русија, предложениот нов буџет ќе ја уништи ЕУ - Канал 5

Свет

Орбан: Нема да има мир во Украина без договор меѓу САД и Русија, предложениот нов буџет ќе ја уништи ЕУ

 Унгарскиот премиер Виктор Орбан вчера изјави дека нема да има мир во Украина освен ако Русија и САД не се договорат, додавајќи дека постои раздор во трансатлантскиот свет меѓу прогресивната, либерална Европа и САД.

Орбан: Нема да има мир во Украина без договор меѓу САД и Русија, предложениот нов буџет ќе ја уништи ЕУ

Унгарскиот премиер Виктор Орбан вчера изјави дека нема да има мир во Украина освен ако Русија и САД не се договорат, додавајќи дека постои раздор во трансатлантскиот свет меѓу прогресивната, либерална Европа и САД, кои се движат во патриотско-конзервативна насока.

-Се надевав дека релативно хармонична, заедничка економска политика меѓу Европа и САД, заснована на слични идеолошки пристапи кон трговијата, ќе трае до 2030 година. Трговската војна е приближно спротивна на она што САД го развиле со сопствена економска политика, дури и против Европа, рече тој.

Орбан оцени дека до 2030 година светот ќе изгледа многу поинаку и дека сега се соочува со големи предизвици, додавајќи дека лошите политики можат да имаат уште понегативно влијание врз Европа. Тој рече дека се надевал на „мир или барем прекин на огнот“ во првата половина од 2025 година, „откако доаѓањето на Доналд Трамп ги принуди Европа и Украина да се повлечат“.

-Тоа не се случи, Европа гарантираше финансиска поддршка за воените трошоци на Украина, заклучи тој, додавајќи дека ова не е истата ЕУ на која Унгарија ѝ се придружи во 2004 година.

Предложениот нов буџет на Европската комисија (ЕК) нема јасна стратешка основа и таков буџет би ја уништил Европската Унија, изјави денеска унгарскиот премиер Виктор Орбан.

Орбан, во разговор за унгарското државно радио, рече дека верува оти ЕК ќе мора да го повлече предлогот.

Унгарскиот премиер ги критикуваше плановите за доделување пари за Украина и планираните измени во земјоделските субвенции.

Европската комисија во средата презентираше план за буџетот на Европската Унија, кој изнесува два трилиони евра. Буџетот го опфаќа периодот од 2028 до 2034 година, а нацртот треба да биде одобрен од сите 27 земји-членки, како и од Европскиот парламент за да биде усвоен.

-Ова е буџет за денешната реалност, како и за предизвиците на утрешнината. Продолжуваме да соработуваме со Европскиот парламент, земјите-членки и претприемачите, изјави претседателката на Европската комисија, Урсула фон дер Лајен, на заедничка прес-конференција.

Нацрт-буџетот предвидува пет пати повеќе средства за одбрана, што фон дер Лајен го оценува како одраз на тоа колку ЕУ е загрижена за безбедноста и сигурноста на своите граѓани и влади.

Дополнително, нацрт-буџетот предвидува средства од околу 400 милијарди евра за кризни механизми.

Таа истакна дека буџетот за прашања поврзани со миграцијата и управувањето со границите е тројно зголемен.

-Нацрт-буџетот им дава можност на земјите-членки за прв пат да инвестираат во ЕУ до вкупна инвестициска вредност до 150 милијарди евра, рече фон дер Лајен.

Според нацрт-буџетот, 35 проценти од буџетот е наменет за клима и биодиверзитет, а околу 100 милијарди евра ќе бидат издвоени за помош на Украина.

Таа изјави дека финансирањето на предложениот буџет ќе дојде од користење на нови приходи, но дека средствата на земјите-членки за блокот ќе останат „стабилни“.

Претседателката на ЕК истакна дека сите средства од ЕУ го почитуваат владеењето на правото.

Тагови: Виктор Орбан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Моќна Барселона – најдобриот старт во историјата на клубот

Фудбалерите на шпанскиот шампион Барселона блескаат на почетокот на новата сезона и имаат седум победи на исто толку натпревари.

Моќна Барселона – најдобриот старт во историјата на клубот

Гигантот од Ноу Камп, врза шест победи во Ла Лига и забележа уште една во Лигата на шампионите.

Досега, најдобрите учиноци беа остварени во сезоните 1929/30, 1960/61 и 2018/19, кога Каталонците забележаа шест победи по ред.

Овие седум победи под водство на Ханси Флик ѝ овозможија на Барселона да стекне убедлива предност во Ла Лига, со три бода предност пред Реал Мадрид.

Тие исто така поставија рекордни бројки во однос на постигнатите голови – 33 на седум натпревари, што претставува просек од пет гола по натпревар.

Тимот постигна „само“ два гола на натпреварот против Билбао, четири против Леванте, по пет против Елче, Рајо, Валенсија и Фејенорд, па дури и седум против Расинг.

Во моментотв Барса е и единствениот тим без пораз во Ла Лига по првите шест кола. До поразот од Севиља во средата, таков учинок имаше и Депортиво.

Тагови: БАРСЕЛОНА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопје или див запад? (ВИДЕО)

Деца јаваат коњ на улица Скупи во Скопје, и во еден момент едно од децата паѓа.

Скопје или див запад? (ВИДЕО)

На социјалната мрежа Фејсбук е објавена видеоснимка на која се гледаат малолетни деца како јаваат коњ по фреквентна улица, без надзор од возрасно лице и без соодветна безбедносна опрема.

На снимката се забележува и момент во кој едно од децата паѓа од коњот. Засега нема информации за состојбата на детето, ниту дали при падот се здобило со посериозни повреди.

Случајот отвора прашања за безбедноста на децата и одговорноста на возрасните, особено имајќи предвид дека станува збор за улица на која се одвива јавен сообраќај.

Дополнително, се поставува прашањето дали ваквото однесување претставува сериозен ризик за учесниците во сообраќајот и кој би сносел одговорност доколку дојде до сообраќајна несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Младите во Македонија остануваат во домовите на родителите до 30,7 години, а во ЕУ до 26,3

Младите во Македонија го напуштаат родителскиот дом на просечна возраст од 30,7 години, односно 4,4 години подоцна од просекот во Европската унија, покажуваат податоците на Евростат за 2025 година.

Младите во Македонија остануваат во домовите на родителите до 30,7 години, а во ЕУ до 26,3

Во ЕУ младите во просек заминуваат од домот на родителите на 26,3 години, што е незначително зголемување во однос на 2024 година, кога просечната возраст изнесувала 26,2 години. Од 2002 година европскиот просек се задржува близу 26 години.

Најдолго со родителите живеат младите во Хрватска, каде што домот го напуштаат на просечна возраст од 31,5 години. Следуваат Грција и Словачка со по 30,9, како и Шпанија и Италија со по 30,2 години.

Најрано се иселуваат младите во Финска, на просечна возраст од 21,4 години, и во Данска, на 21,8 години.

Во регионот младите во Србија остануваат со родителите до просечна возраст од 30,1 година, во Босна и Херцеговина до 29,5, а во Бугарија до 27,9 години.

Податоците на Евростат укажуваат и на поврзаност меѓу вработеноста на младите и возраста на која тие го напуштаат родителскиот дом.

Во Македонија во 2025 година биле вработени 50,2 проценти од младите на возраст од 20 до 29 години, односно 15,3 процентни поени помалку од просекот во европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер