Орбан: Го повикувам Зеленски да ја промени својата антиунгарска политика - Канал 5

Европа

Орбан: Го повикувам Зеленски да ја промени својата антиунгарска политика

Премиерот на Унгарија, Виктор Орбан, објави отворено писмо до претседателот на Украина, Володимир Зеленски, во кое ја критикува неговата политика кон Унгарија и го повикува да го промени пристапот во врска со руско-украинската војна.

Орбан: Го повикувам Зеленски да ја промени својата антиунгарска политика

Премиерот на Унгарија, Виктор Орбан, објави отворено писмо до претседателот на Украина, Володимир Зеленски, во кое ја критикува неговата политика кон Унгарија и го повикува да го промени пристапот во врска со руско-украинската војна, енергетската безбедност и својата „антиунгарска политика“.

Во писмото, Орбан истакнува дека Украина веќе четири години се обидува да ја „принуди“ Унгарија на поддршка во војната против Русија, со поддршка на Брисел и унгарската опозиција. Тој ја обвини Украина за координирани напори со Европската унија и опозицијата во Унгарија за да постават проукраинска влада.

„Четири години работите на тоа да ја присилите Унгарија на војна меѓу вас и Русија. За тоа добивте поддршка од Брисел во изминатите четири години и исто така ја придобивте унгарската опозиција. Исто така гледаме дека вие, Брисел и унгарската опозиција преземате координирани чекори за да донесете проукраинска влада на власт во Унгарија“, наведе унгарскиот премиер, пренесува „Хирадо“.

Орбан посебно се осврна на потегот на Украина кој доведе до блокирање на клучниот нафтовод Дружба, што, како што тврди, го загрозува енергетското снабдување на Унгарија и безбедноста на нејзините граѓани.

„Вашите постапки се спротивни на интересите на Унгарија и го загрозуваат безбедното и достапно снабдување со енергија за унгарските семејства“, рече тој.

Тој го повика Зеленски да ја промени „антиунгарската политика“, нагласувајќи дека Унгарија не сака да учествува во војната ниту да ги финансира борбите. Исто така, повика на отворање на нафтоводот и намалување на понатамошните напади врз енергетската безбедност на Унгарија.

„Ние, Унгарците, не можеме ништо да промениме поради оваа ситуација во Украина. Жал ни е за украинскиот народ, но не сакаме да учествуваме во војната. Не сакаме да ги финансираме борбите и не сакаме да плаќаме поскапо за енергија“, истакна Орбан.

На крајот го повика Зеленски веднаш да го отвори нафтоводот Дружба и да се воздржи од понатамошни напади врз енергетската безбедност на Унгарија.

„Повеќе почит кон Унгарија“, побара Орбан.

Тагови: Виктор Орбан Володимир Зеленски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нови линии улично осветлување на повеќе локации во општина Илинден

Општина Илинден продолжува со модернизација на системот за јавно осветлување, при што во изминатиот период поставено е ново современо ЛЕД улично осветлување на повеќе локации со вкупна должина од околу 1.500 метри.

Нови линии улично осветлување на повеќе локации во општина Илинден

Во рамки на иницијативата „Светла Општина Илинден“, Општина Илинден продолжува со модернизација на системот за јавно осветлување, при што во изминатиот период поставено е ново современо ЛЕД улично осветлување на повеќе локации со вкупна должина од околу 1.500 метри.

Инсталирани се нови метални канделабри и енергетски ефикасни ЛЕД светилки на улица „32“ во н.м Илинден, во должина од 450 метри, на патниот правец Бујковци – Мршевци во должина од 470 метри, на дел од улицата „500“ во должина од 120 метри. Дополнително, осветлени се потегот од Спортската сала „Гоце Делчев“ до СОСУ „Илинден“, улицата од плоштадот кон СОСУ „Илинден“, паркинг-просторот на училиштето, како и улицата и паркингот кај детската градинка, во должина од околу 450 метри.

Со поставувањето на новото ЛЕД осветлување значително се подобрува видливоста и безбедноста на пешаците и сите учесници во сообраќајот, а истовремено се обезбедува поекономично, поефикасно и поодржливо функционирање на системот за јавно осветлување.

Паралелно со поставувањето на нови линии, екипите на ЈКП „Илинден“ континуирано работат на докомплетирање на постојната мрежа за јавно осветлување со санација на оштетените светлосни места, при што се заменуваат дотраените светилки со нови, современи ЛЕД рефлектори.

Општина Илинден останува посветена на континуирани инвестиции во јавната инфраструктура, реализирајќи проекти што придонесуваат за создавање побезбедна, поуредена и енергетски поефикасна животна средина за сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Од полноќ бензините поскапуваат за половина денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,27% 

Од полноќ бензините поскапуваат за половина денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,27% во однос на одлуката од 22.6.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 0,243%, кај дизелот за 2,183%, кај екстра лесното масло за 1,907% и кај мазутот намалувањето е за 4,388%.

Курсот на денарот во однос на доларот во изминатиот период по кој беа формирани цените со претходната пресметка е повисок за 1,5132%.

Од 30.6.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 84,50 (денари/литар)

Моторен бензин ЕУРОСУПЕР БС - 98 86,50 (денари/литар)

Дизел гориво ЕУРОДИЗЕЛ БС (Д-Е V) 80,00 (денари/литар)

Масло за горење Екстра лесно 1 (ЕЛ-1) 79,50 (денари/литар)

Мазут М-1 НС 41,495 (денари/килограм)

Малопродажната цена на ЕУРОДИЗЕЛ (Д-Е V) се намалува за 0,50 ден/лит.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 ден/лит.

Малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се намалува за 0,796 ден/кг и сега ќе изнесува.

Напоменуваме дека ова се максималните цени на нафтените деривати од 00:01 часот на 30.6.2026 година. Трговците на

големо и трговците на мало со нафтени деривати и горива за транспорт можат да ги формираат цените на одделни

нафтени деривати и горива за транспорт и пониско од највисоките утврдени цени.

Тагови: Бензин РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Од утре до сабота променливо облачно и нестабилно наместа со повремен дожд и грмежи

Според Управата за хидрометеоролошки работи од утре попладне до сабота времето ќе биде променливо облачно и нестабилно наместа со повремен дожд и грмежи особено во попладневните часови и во текот на ноќта. 

УХМР: Од утре до сабота променливо облачно и нестабилно наместа со повремен дожд и грмежи

Локално процесите ќе бидат поинтензивни во форма на невреме со пообилен пороен дожд, електрични празнења, силен ветер (над 60 km/h) и појава на град. Од среда температурите ќе бидат во опаѓање, особено за време на викендот кога ќе дува умерен до засилен северен ветер.

Во Скопје, од утре кон крајот на денот и во следните денови времето ќе биде променливо облачно со сончеви периоди во текот на денот. Во попладневните часови ќе биде нестабилно со пороен дожд и грмежи, а во делови од котлината ќе има услови за појава на краткотрајно невреме.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер