Свет

Орбан: Европа под водство на Фон дер Лајен оди кон провалија

Унгарскиот премиер Виктор Орбан денеска на социјалната мрежа „Икс“ објави порака во која остро ја критикува политиката на Европската Унија во однос на миграцијата, зелената транзиција, Украина и санкциите кон Русија

Унгарскиот премиер Виктор Орбан денеска на социјалната мрежа „Икс“ објави порака во која остро ја критикува политиката на Европската Унија во однос на миграцијата, зелената транзиција, Украина и санкциите кон Русија, обвинувајќи ја претседателката на Европската комисија Урсула фон дер Лајен за, како што вели, погрешни и опасни политики.

„Западна Европа, тие имаат различни проблеми од нас, бидејќи ние се бориме да ја спречиме миграцијата во Унгарија. Но, тие веќе ги создадоа проблемите. Тие зборуваат за тоа како да живеат заедно со проблемот. А всушност, не требаше да дојде до ова. Не е нуклеарна физика. Ќе беше доволно да нè послушаа. Не само мене, туку сите нас од Централна Европа, г-дин Бабиш, мене, Полјаците исто така, г-дин Качински, г-дин Моравјецки, сите рековме: Луѓе, ова ќе се случи, не правете го тоа. Мешаното општество има сериозни последици“, истакна Орбан.

Според него, „сега има полухристијанско, полуисламско општество“. - Унифицираниот правен систем ќе се распадне, јавната безбедност ќе биде изгубена, ќе станете мета на терористички напади, а во исто време богатите од светот очекуваат да ги поддржите. Па зошто го правите тоа? Рековме да ги запреме на границата. Но, тие рекоа не. Ги пуштија внатре. И сега се таму“.

„Покрај тоа, нивната иднина е исчезната, бидејќи ова е како паста за заби. Откако ќе ја исцедите од тубата, таа излегува, не можете да ја вратите назад. Како ќе ја вратите? Таа е неповратна. Постојат грешки кои, откако ќе ги направите, не можете да ги поправите. Затоа за Унгарија најважно е секогаш да се спречат другите да ја населуваат нашата земја“, нагласи унгарскиот премиер.

Орбан истакна дека „ова населување се случува преку мигранти, финансирани од Сорос и трговците со луѓе, кои ги доведуваат во Европа на организиран начин од посиромашните делови во светот. Патем, сочувствувам со овие луѓе. Среќни сме што им помагаме, среќни сме што им помагаме таму каде што се, но не сакаме да ги донесеме нивните проблеми тука. Тоа е лекцијата од минатото“.

Во врска со заминувањето на Фон дер Лајен, тој оцени дека не треба да се извлекуваат заклучоци од нејзината популарност, туку од фактите. „Што ѝ треба на Европа? Треба да ја преиспитаме зелената транзиција, бидејќи високите цени на енергијата делумно се предизвикани од зелената транзиција, а тоа е фатално за европската економија. Треба да ја преиспитаме политиката кон Украина, треба да ги преиспитаме санкциите, треба да ја преиспитаме трговската политика, бидејќи склучивме лош договор со Американците и треба да ја преиспитаме миграциската политика. Всушност, треба да го преиспитаме секое важно прашање, бидејќи под водство на Фон дер Лајен, Европската Унија се движи кон провалија“, нагласи Орбан.

Значи, поентата овде не се рејтинзите на популарност, туку погрешните и несоодветни политики. Проблемот не е дали луѓето ја сакаат или не, туку тоа што таа има политика, таа има четири или пет столба, а тие се лоши, треба да се заменат. Но, таа нема да може да ги замени, нема да каже: ‘До вчера мислев погрешно, но од утре поинаку’. Тоа не функционира. И тука не зборуваме за едно прашање, туку за четири или пет. Со вакви лидери, можеме само да завршиме во бездна, додаде тој.

- Ситуацијата е таква што веќе три години, всушност три и пол години, ги трпиме сите неповолни последици од војната, иако немаме никаква врска со неа. Ние немаме никаква одговорност за нејзиното избувнување и никогаш не сме учествувале во неа. Но, тие дами и господа на Запад, како Фон дер Лајен, сакаат да нè вовлечат во оваа војна за уво или за врат. Мора да се спротивставиме. Ние сме Унгарци, и во нашата крв чука историјата, или покрај крвта во нашите вени, пулсира и историјата. И веќе двапати сме биле турнати во војни чии последици беа катастрофални за Унгарија. Целиот 20 век го загубивме во две војни во кои не сакавме да учествуваме. Не сакавме да учествуваме во ниту една од нив, но западните политичари како Фон дер Лајен нè влечеа за глава во тие војни. Ова е неприфатливо, заклучи Орбан во трите објави на Икс.

Тагови: Виктор Орбан Урсула фон дер Лајен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.