Орбан: ЕУ треба да реагира кога жртва на тепање во Украина е граѓанин на Унијата - Канал 5

Свет

Орбан: ЕУ треба да реагира кога жртва на тепање во Украина е граѓанин на Унијата

Унгарскиот премиер Виктор Орбан синоќа изјави дека Европската Унија мора да преземе мерки во случаи кога жртва на брутално тепање е граѓанин на земја-членка на ЕУ.

Орбан: ЕУ треба да реагира кога жртва на тепање во Украина е граѓанин на Унијата

Унгарскиот премиер Виктор Орбан синоќа изјави дека Европската Унија мора да преземе мерки во случаи кога жртва на брутално тепање е граѓанин на земја-членка на ЕУ, а во исто време го повика Брисел да дејствува против присилното регрутирање во Украина.

-Не можете да држите говори за тоа дали Украина е подобна за членство во ЕУ откако штотуку е погребан некој што бил претепан до смрт за време на присилна мобилизација, рече Орбан во гостувањето на YouTube каналот на весникот „Маџар Немзец“, објави агенцијата МТИ.

Тој рече дека случајот на унгарско-украински државјанин кој почина откако наводно бил претепан за време на присилно регрутирање во Украина мора сериозно да се истражи.

Зборувајќи за ситуацијата во Украина, тој додаде дека е потребен повеќефазе пристап, од кои првиот би бил договори за примирје и мир, проследен со економски договор и договор за ограничување на оружјето со Русија, а на крајот и стратешки договор меѓу Украина и ЕУ.

Орбан истакна дека кога станува збор за Украина, Европа прво мора да го реши прашањето на војната, бидејќи ниедно друго прашање не може да се реши додека војната продолжува.

-Исто така, треба да постигнеме договор за контрола на оружјето, бидејќи ако работите продолжат вака, а мора да потрошиме пет проценти од БДП на оружје, тоа ќе не уништи, рече унгарскиот премиер.

Орбан се осврна и на прашањето за мигрантите, нагласувајќи дека тие не треба да бидат привилегирани поради нивниот правен статус.

Пред мигрантската криза, како што изјави, Германија „беше најсилната земја во Европа, но миграцијата ја уништи“.

Според Орбан, германскиот идентитет бил „потресен кога примиле толку многу мигранти, а исламот станал дел од германската култура“.

„Мораме да учиме од овие грешки“, истакна тој, додавајќи дека на мигрантите никогаш не смее да им се дозволи да бидат во Унгарија и да добијат легален статус, бидејќи во тој случај нема да има враќање.

Тагови: Виктор Орбан ЕУ украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Кина побарала од Иран да го искористи своето влијание врз јеменските Хути. Целта е да се спречи натамошното ширење на конфликтот во Црвеното море.

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Барањето следело по апелот на Саудиска Арабија до Пекинг..Хутите во изминатата недела ги засилија активностите долж брегот на Црвеното море.

Тие напредуваа и во близина на стратешкиот теснец Баб Ел-Мандеб.Кина јавно повика на воздржаност, дијалог и безбедна пловидба.според ирански извори, Техеран смета дека стабилноста зависи од завршувањето на конфликтот.

Пекинг е загрижен за безбедноста на клучните енергетски и трговски маршрути.Кина е најголем трговски партнер на Иран и значаен купувач на неговата нафта.

Пекинг во 2023 година посредуваше и во приближувањето на односите меѓу Иран и Саудиска Арабија.

Сепак, не е јасно дали Техеран ќе постапи според барањето на Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и потопло, со дневна температура до 32 степени

Времето денес ќе биде сончево со мала до умерена локална облачност. Ќе дува слаб до умерен ветер од југоисточен правец, информираат од УХМР.

Сончево и потопло, со дневна температура до 32 степени

Минималната температура ќе биде во интервал од 8 до 16, а максималната ќе достигне од 26 до 32 степена.

Во Скопје, сончево со мала облачност. Ќе дува слаб ветер од југоисточен правец. Минималната температура ќе се спушти до 13, а максималната ќе достигне до 31 степен.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“, поранешниот директор Бајрами на обвинителна клупа

Во Основниот кривичен суд Скопје денеска треба да продолжи судењето за „Државна лотарија“ откако на истражните органи во земјава минатата недела им се предаде првообвинетиот Перпарим Бајрами, поранешен директор на Државна лотарија.

Продолжува судењето за „Државна Лотарија“, поранешниот директор Бајрами на обвинителна клупа

Откако побегна од земјава, за Бајрами беше распишана меѓународна потерница. На 9 септември сам се предаде на граничниот премин „Блаце“, по што беше спроведен во затворот во Скопје на издржување на претходно определената мерка притвор.

Покрај Бајрами, во случајот се обвинети и поранешниот вицепремиер, Артан Груби, Методија Димевски, Скендер Мехмети, Бојан Јанев, Фатмир Рамадановски, Александар Димитриоски и Башким Авдиу.

Обвинението, кое го застапуваат јавните обвинители Даниел Коцев и Александар Давчевски, се однесува на дејства преземени во текот на 2023 и 2024 година, со кои обвинетите ги пречекориле службените овластувања и предизвикале штета на „Државната лотарија“ во износ од 596.125.511 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер