Општините Гевгелија и Богданци ги здружуваат силите во борбата против пожарите со нова опрема - Канал 5

Македонија

Општините Гевгелија и Богданци ги здружуваат силите во борбата против пожарите со нова опрема

На Националниот ден на пожарникарите, денеска официјално беа презентирани резултатите од успешната меѓуопштинска соработка помеѓу општините Гевгелија и Богданци. 

Општините Гевгелија и Богданци ги здружуваат силите во борбата против пожарите со нова опрема

Преку проектот „Општините како двигатели на одржливиот развој“, финансиран од Бирото за регионален развој, двете соседни општини ги зајакнаа своите капацитети за справување со природни катастрофи и шумски пожари.

Со финансиска поддршка на проектот и кофинансирање од двете општини, набавена е противпожарна опрема, униформи за заштита на пожарникарите, а развиена е и нова дигитална алатка.

Настанот го отвори заменик-министерот за локална самоуправа, Ерџан Селими кој го честита денот на пожарникарите и кој рече дека за Министерството за локална самоуправа е особено важно што овој проект е резултат на една успешна меѓуопштинска соработка „Општините во нашата држава имаат различни ресурси, и човечки и финансиски, но, согласно Законот за локалната самоуправа треба да обезбедат исти услуги за своите граѓани. Токму затоа во Законот за локалната самоуправа е предвиден механизмот за меѓуопштинска соработка, за општините да си помагаат и со помалку ресурси да ја обезбедат услугата. Министерството за локална самоуправа планира уште посериозно да поттикнува ваков тип на соработка, пред се со финансиска поддршка на ваквите иницијативи. За таа цел веќе е отпочната и постапка за изменување и дополнување на Законот за меѓуопштинска соработка.“ изјави Селими.

Директорот на Бирото за регионален развој, Амет Имери рече дека речиси 50 проценти од општините во земјава веќе се покриени со некаков облик на меѓуопштинска соработка, но целта е во овој процес да се вклучат сите општини. „Во тек е Третиот повик за грантови за меѓуопштинска соработка, кој е отворен до 3 јуни 2026 година. Упатувам силен апел до општините кои досега не биле дел од овие активности, да ја искористат оваа можност, да аплицираат со заеднички проекти и да ја обезбедат оваа важна поддршка за своите граѓани“, истакна директорот на Бирото за регионален развој, Имери.

Армен Григорјан, постојаниот претставник на УНДП - кој го спроведува проектот, рече дека „Комплексните предизвици на денешниот свет не можат да бидат решени од ниту една институција или општина која делува сама. Во изминатите години, се соочуваме со сè поинтензивни и покатастрофални шумски пожари, забрзани од климатските промени. Овие пожари не ги признаваат општинските граници; пожарот што започнува во една шума брзо ги загрозува соседните градови, загрозувајќи ги животите на луѓето и оптоварувајќи ги локалните ресурси. Оваа сурова реалност нагласува зошто одличната соработка меѓу Гевгелија и Богданци претставува толку извонреден модел — кога станува збор за безбедноста и заштитата на луѓето, границите не се важни. Пожарите не запираат на општинските линии, па затоа не треба да запира ниту нашиот одговор“.

Според градоначалниците на Гевгелија, Андон Сарамандов, и на Богданци, Блаже Шапов - со здружување на ресурсите, Територијалните противпожарни единици гарантираат побрзо време на реакција, подобро управување со ресурсите и многу побезбедна средина за локалното население. Иако оваа меѓуопштинска соработка завршува, тие нагласија дека ова е само почеток на долгорочно партнерство кое треба да послужи како инспирација за останатите општини низ целата земја.

Тагови: Богданци Гевгелија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер