Општина Карпош: Ново спортско игралиште за учениците во ООУ „Владо Тасевски“ - Канал 5

Македонија

Општина Карпош: Ново спортско игралиште за учениците во ООУ „Владо Тасевски“

Во ООУ „Владо Тасевски“, продолжува унапредувањето на спортската инфраструктура за најмладите преку реконструкција и изградба на модерно спортско игралиште за фудбал, кошарка и други спортски активности. 

Општина Карпош: Ново спортско игралиште за учениците во ООУ „Владо Тасевски“

Реконструкцијата се реализира преку соработка помеѓу Општина Карпош и Министерството за спорт, со што ќе се создаде современа спортска целина со нови терени и унапредени трибини.

На увид во спортскиот простор присуствуваа градоначалникот на Општина Карпош, Сотир Лукровски, и министерот за спорт, Борко Ристовски, кои ја истакнаа важноста на заедничките вложувања во спортската инфраструктура и создавањето подобри услови за младите. Новото спортско игралиште ќе им овозможи на учениците да спортуваат во современи услови, да ги развиваат своите спортски вештини и да негуваат тимски дух, дисциплина и здрави животни навики.

Заедничката соработка меѓу Општина Карпош и Министерството за спорт претставува чекор кон создавање повеќе и поквалитетни спортски содржини за најмладите. Континуираното вложување во спортската инфраструктура е дел од заложбите за создавање средина во која децата ќе имаат можност активно да спортуваат и да ги развиваат своите потенцијали.

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Сеута- мигрантите ја нападнаа шпанската полиција, ангажирана е и војската- има повредени (ВИДЕО)

Од рано утрово имаше голема тензија во Бенитез и Трамболина, плажите на Сеута.

Хаос во Сеута- мигрантите ја нападнаа шпанската полиција, ангажирана е и војската- има повредени (ВИДЕО)

Илјадници мигранти се обидуваат да се упатат кон пристаништето Пониенте, со трчање и стампедо што во неколку наврати го пробиваа полицискиот кордон. Полицијата спроведува рации, користејќи гумени куршуми и извлекувајќи малолетници што ги пронашла од толпата за да ги заштити од ризикот да бидат прегазени.

Преместувањето на илјадници мигранти кои престојуваат во импровизирани кампови на плажите Трамболина и Бенитез започна во 6:30 часот наутро овој петок, во услови на голема тензија. Националната полиција предводи голема операција со повеќе од 150 полицајци, поддржани од членови на Цивилната гарда и армијата, а операцијата ја координира персонал од Министерството за миграција.

Ситуацијата е исклучително комплицирана од рано наутро. Илјадници луѓе се собраа со надеж дека ќе добијат место во една од приемните зони обезбедени во Сеута, а нетрпението да се напуштат плажите предизвикува постојана тензија, објави Телеграф.

Националната полиција се обидува да ја совлада толпата и да го организира преместувањето, но во неколку наврати притисокот на луѓето ги проби полициските кордони. Имаше трчања, стампедо и полициски напади, а полицијата мораше да користи гумени куршуми за да спречи поголеми групи мигранти неконтролирано да трчаат кон пристаништето Пониенте.

Еден од најголемите ризици е присуството на малолетници во толпата. Полицијата идентификува деца и адолесценти меѓу луѓето и ги извлекува од групата за да ги однесе на безбедно место и да спречи да бидат прегазени за време на трчањето и стампедото.

Операцијата имаше за цел да ги премести мигрантите од почетокот на плажата Бенитез до сервисниот пат на пристаништето Пониенте, но очајот на луѓето да добијат место во приемните зони го направи практично невозможно преместувањето да се одвива на целосно организиран начин.

Во некои моменти, стотици луѓе почнаа да трчаат истовремено, предизвикувајќи вистинско човечко стампедо. Беа регистрирани падови, а неколку лица беа повредени во настанатата конфузија.

Поминаа 49 дена од масовниот влез на мигранти во Сеута, а ситуацијата меѓу оние што сè уште живеат на плажите станува сè поочајна. По недели поминати на отворено, сите сакаат да ги напуштат импровизираните населби и да добијат место во приемните зони.

Сепак, нема место за сите. Обезбедените објекти имаат капацитет за околу 1.700 луѓе, што не е доволно за да се сместат илјадниците мигранти што сè уште чекаат да бидат преместени.

Операцијата продолжува со силно полициско присуство, а приоритет е да се спречат понатамошни стампедоа и да се обезбеди безбедноста на мигрантите, особено на малолетниците.

Иако операцијата за преместување започна во раните утрински часови, големиот број луѓе што треба да се префрлат и хаотичните сцени што се случуваат ја забавија операцијата, оставајќи ги жителите во областа неспособни да ги користат своите возила за да одат на работа или да ги носат своите деца на училиште.

Тагови: мигранти Сеута

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Врховен детектирал пропусти во случајот„Ласкарци“, побара супервештачење и наложи ослободување на еден од осудените

Врховниот суд утврди дека Апелација не докажала како конкретно секој од осудените придонел за трагедијата кај Ласкарци. 

Врховен детектирал пропусти во случајот„Ласкарци“, побара супервештачење и наложи ослободување на еден од осудените

Не е доволно утврдено како постапките на секој од осудените придонеле за автобуската несреќа кај Ласкарци – ова е една од клучните забелешки на Врховниот суд во образложението за укинување на пресудата на Апелација. Врховен посочува дека вештачењата како причина за несреќата го наведуваат пропустот на возачот, а ја нотираат и техничката неисправност на автобусот. Но, останало неразјаснето во која мера таа неисправност придонела за несреќата и како конкретно дејствијата на останатите осудени се поврзани со трагичниот исход. Според вештачењата, немало траги од кочење, а откако автобусот бил насочен налево и ја напуштил средната сообраќајна лента, возачот веќе немал техничка можност со сопирање да го избегне ударот во оградата.

„Останува нејасно, врз основа на кои факти и докази второстепениот суд заклучува дека неспорно произлегува дека во дејствијата на останатите осудени се содржани елементите на кривичните дела кои им се ставаат на товар. За конкретните кривични дела потребно е постоење на субјективна одговорност на сторителот за конкретната сообраќајна незгода, но не и објективна одговорност.“

Забелешки има и за здравствената состојба на возачот Маноил Трифуновски. Поради спротивставените вештачења, според Врховен требало да се утврди дали е неопходно дополнително супервештачење. Највисокиот суд оценува и дека во првостепената пресуда преовладувал дескриптивен пристап со извадоци од доказите, без доволно образложение за заклучоците, а Апелација не ги отстранила овие недостатоци и дала воопштени одговори на прашања од суштинско значење за утврдување на кривичната одговорност.

„Второстепениот суд недоволно ги ценел и наводите кои се однесуваат на начинот на водењето на кривичната постапка, како што е наводот на осудениот М.Т. за неспроведување на супервештачењето за неговата здравствена состојба, и други наводи истакнати во жалбите на осудените. При испитување на ваквите жалбени наводи потребно било да се утврди неопходноста од спроведување на супервештачење, ценејќи го фактот дали станува збор за спротивставени вештачења поднесени од спротивните странки.“

Со веќе укинатата пресуда, возачот Маноил Трифуновски беше осуден на 14 години затвор, сопственикот на „Дурмо турс“ Дурмиш Белули и одговорниот за транспорт Ремзи Мифтари на по 10, Игор Ѓорѓиевски и Горан Дуковски од станицата за технички преглед на по 7, а Јане Боварски на 5 години затвор. Од Кривичниот суд денеска соопштија и дека Боварски се ослободува од понатамошно издржување на казната до донесување нова судска одлука, со објаснување дека станува збор за единствениот осуденик од предметот чија казна се извршувала преку упатен акт издаден од скопскиот суд.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бајрами спроведен во суд: Не се чувствувам виновен за скандалот во Лотарија

Поранешниот директор на Државна лотарија, Перпарим Бајрами, за првпат беше спроведен во Кривичниот суд. 

Бајрами спроведен во суд: Не се чувствувам виновен за скандалот во Лотарија

Ексдиректорот на државна лотарија Перпарим Бајрами не призна вина на денешното судско рочиште како првоосомничен за проневера на 9,7 милиони евра во оваа државна Институција. Бајрами за првпат седна на обвинителната клупа, откако по речиси две години бегство на 9 септември на граничниот премин Блаце самиот и предаде на полицијата. Неговиот адвокат Еленко Миланов по денешното судење рече дека листата на докази е веќе подготвена – не сакаше да открие на кои аргументи точно ќе се темели одбраната, но рече дека меѓу материјалните докази е и добиено позитивно мислење од Министерството за финансии во однос на набавката на терминали за државна лотарија.

– Станува збор за материјални докази со коишто ќе докажуваме одредени факти за оспорување на овао бвинение. Денеска во суштина и не се случуваше многу во судницата, со тоа што можам да кажам дека постоеше коректно однесување и од судот и од обвинителството во делот на начинот на изведување на доказите. Во однос на сите овие постапки, на сите барања, дури и за правото да може да се приредува самостојно постпјат мислења од министерството за финансии, коишто се позитивни.

Покрај Перпарим Бајрами, на денешното рочиште вина негираше и последноообвинетиот Башким Авдиу, кој на претходното рочиште бараше превод на обвинителниот предлог од македонски на албански јазик. Ова сега значи дека сите осуммина обвинети се чувствуваат за невини и во наредниот дел до постапката најавија дека тоа и ќе го докажуваат. Покрај Перпарим Бајрами, за злоупотреба на службена положба и проневера на нешто помалку од 10 милиони евра во државна лотарија обвинети се уште седум лица, меѓуу кои и поранешнииот прв вицепремиер Артан Груби, како и поранешниот генерален секретар на владата Методија Димовски. Случајот ќе продолжи во среда на 23 септември со изведување на материјалните докази на обвинителството.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер