Здравје

Општата болница во Кочани доби нова опрема во кабинетот за преглед на дојка

Општата болница со проширена дејност од Кочани денеска доби нова дијагностичка опрема и реконструиран кабинет за преглед на дојка, што ќе работи во рамки на Одделението за радиологија и ќе го користат пациентите од источниот регион.

Комплетната финансиска и материјална поддршка за опремување и ставање во функција на кабинетот ја обезбеди компанијата „Амфенол Технолоџи Македонија“, како донација во одбележувањето на 11-годишнината од постоењето.

-Токму во октомври, којшто се одбележува како розов месец за подигање на свеста за превенција од рак на дојка, почнуваме со нова опрема за дијагностицирање на заболувањата, а имаме и обучен радиолог кој ќе ја прави оваа интервенција. Во наредниот период матичните лекари ќе бидат информирани да ги упатуваат пациентите преку „Мој термин“. Веќе две години во Болницата имаме кабинет за дојка, а сега ќе функционира поинтензивно поради тоа што мамографите во Каменица и во Делчево не работат и сите пациенти се пренасочени кон нас. Интервениравме да се зголеми и бројот на термините за мамографија, така што сите кои имаат потреба ќе бидат прегледани, истакна Кристина Серафимов, в.д. директорка на Општата болница – Кочани.

Од компанијата „Амфенол Технолоџи Македонија“ упатија благодарност за досегашната одлична соработка со јавната здравствена установа и најавија продолжување на поддршката.

-Општата болница е наш долгорочен партнер и во заеднички консултации со лекарскиот тим констатиравме дека приоритет е ваков современо опремен кабинет, за што веднаш излеговме пресрет. Ова е еден заеднички проект што ќе биде од корист и за нашите вработени, но и за граѓаните од целиот регион. Во Болницата секогаш биле коректни кон нас и во рамки на можностите ќе продолжиме со обезбедување донации, истакна Сашко Наков, директор на „Амфенол Технолоџи Македонија“.

Во рамки на одбележувањето на 11. роденден, кочанската компанија донираше дидактички материјали за градинките во општините Зрновци и Чешиново-Облешево, како и опрема за комуникација во Доброволното противпожарно друштво – Кочани, а обезбедува и современи автобуски постојки за општините Виница и Македонска Каменица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Партиите во обид да се договорат околу гласањето на дијаспорта

Ќе најдат ли власта и опозицијата заедничка јазик за околу гласањето на дијаспората?

Во овие моменти во Собранието во тек со состанок со цел да се најде заедничка јазик меѓу партиите за ова прашање.

Пред законодавниот дом, таму е Афродита Рамос.

Афродита дали имаме ли информации за тоа како тече состанокот?

Во видеото погледнете го целиот извештај.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Формула

Кими Антонели најбрз на Силверстоун!

Андреа Кими Антонели е победник на спринт-трката за Големата награда на Велика Британија на патеката Силверстоун во Англија.

Спектакл на легендарната патека Силверстоун, на спринт-трката нова победа на Кими Антонели во 2026 година.

Младиот возач на Мерцедес триумфираше пред Луис Хамилтон од Ферари и Ландо Норис од Мекларен.

Луис Хамилтон ја започна трката брилијантно и по феноменалниот старт успеа да го заобиколи Кими Антонели и да ја заземе првата позиција.

Екс светксиот шампион беше лидер на трката се до осмиот круг, кога младиот Кими го престигна Хамилтон без поголеми проблеми и го презеде водството во спринт-трката, со што стана јасно дека Ферари не е доволно добар за да се натпреварува со Мерцедес.

Немаше значителни промени до крајот на трката, а Кими Антонели славеше пред Хамилтон и Норис, додека зад нив се пласираа Џорџ Расел, па Леклер, Верстапен, Пјастри, Лосон и Хаџар, а Линдблад заврши на десеттото место.

Во шампионатот, Антонели сè уште е лидер со 179 бода, а зад него се Џорџ Расел со 136 и Луис Хамилтон со 132 бода.

Тагови: Формула 1

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиев ги осуди како неприфатливи навредите на БНТ кон Канал 5

Неприфатливо е Бугарската националната телевизија да упатува навреди кон Канал 5 и непрофесионално е да одбива со недели да објави јавно упатен демант,.

Неприфатливо е Бугарската националната телевизија да упатува навреди кон Канал 5 и непрофесионално е да одбива со недели да објави јавно упатен демант, кажа на вчерашната „Само вистина“ претседателот на Друштвото за македонско-бугарско пријателство Митко Ѓоргиев

Ваквиот негов став доаѓа по низата оркестрираните напади во бугарската јавност дека Канал 5 била антибугарска телевизија, а во кои се вклучи и бугарската национална телевизија од каде тврдеа дека Бугарниот од Македонија Драги Каров бил осуден за говор на омрза по желба на Канал 5 и дека било побарано од јутуб да се отстрани бугарски поткаст насловен коридор 8.

За ваквите тези Канал 5 во повеќе направи упати демант до БНТ, кој досега не е објавен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.