Опрема за компјутерска томографија се инсталира во Општата болница во Кочани - Канал 5

Здравје

Опрема за компјутерска томографија се инсталира во Општата болница во Кочани

Општата болница со проширена дејност од Кочани обезбеди опрема за компјутерска томографија, чие инсталирање е во тек и се очекува по соодветните тестирања и испитувања да биде ставена во функција во најскоро време.

Опрема за компјутерска томографија се инсталира во Општата болница во Кочани

Компјутерската томографија е обезбедена во соработка со Клиниката за неврологија од Скопје, а ќе работи во рамки на одделот за рентгенологија, каде претходно беа прилагодени простории што ќе одговорат на потребните услови за нејзино функционирање.

- За реновирање и адаптација на просторот за компјутерската томографија вложивме сопствени средства од околу 1,1 милион денари, со оглед што се работи за апаратура со поголем габарит. Обезбедивме шест рентген технолози и медицинска сестра кои деновиве ќе имаат кратка обука за работа со опремата, а во зависност од потребите ќе користиме и консултантски услуги на стручно лице од Скопје. Освен нив, ќе работат и тројца наши лекари, од кои двајца веќе се овде, а еден очекуваме наскоро да се врати од специјализација, Во договор со Фондот по потреба доаѓаат и лекари од болницата во Штип. За да одговориме на потребите на пациентите, ќе воведеме 24-часовно дежурство. По инсталирањето на опремата ќе се направи контрола од државната Дирекција за радијациона сигурност, а наша цел е во што пократок период да почне користењето на уредот, истакна Душанка Горгиева Трпевски, в.д. директорка на Општата болница во Кочани.

Опремата за компјутерска томографија во Општата болница ќе можат да ја користат лекарите од различни специјалности, односно за дијагностика при интернистички, ортопедски, хируршки, невролошки и друг вид интервенции.

- За нашата специјалност компјутерската томографија е еден од најзначајните начини за дијагностика, најчесто се користи за снимање на главата со што брзо можат да се детектираат церебро-васкуларните болести, што е една од најчесто третираните патологии на нашето одделение. Исто така, ќе може да се користи и за дијагностицирање на малигни болести, заболувања на `рбетниот столб и `рбетниот мозок, а со оглед што овозможува брза, лесна и точна дијагностика на заболувањата кај пациентите, ќе се скрати и времето за лекарска интервенција, истакна Маја Шоповска Китанова, специјалист по неврологија.

По инсталирањето и испитувањето на опремата за компјутерска томографија, таа ќе биде внесена во системот Мој термин, што значи дека освен за пациентите од Кочани и регионот, ќе им биде на располагање и на пациенти од другите општини во државата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Венецуела: Повеќе од 4.100 мртви од двата разорни земјотреси

Бројот на жртви од двата разорни земјотреси што ја погодија Венецуела минатиот месец се искачи на 4.118, изјави претседателот на Националното собрание Хорхе Родригез.

Венецуела: Повеќе од 4.100 мртви од двата разорни земјотреси

Во земјотресите се повредени 16.740 лица, а 17.907 останаа без покрив над главата, што е непроменето од претходниот извештај, се вели во извештајот, објави Ројтерс.

Земјотресите со магнитуда од 7,2 и 7,5 степени се случија на 24 јуни во интервал од 39 секунди, погодувајќи го главниот град Каракас и крајбрежниот регион Ла Гваира најтешко.

Откако се случија двата разорни земјотреси, Венецуела беше погодена од повеќе од 600 последователни потреси, претежно со послаба магнитуда, вклучувајќи еден со јачина од 4,6 степени според Рихтеровата скала.

Извор: Б92

Тагови: Венецуела земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тајфунот Бави предизвикува хаос во Јапонија, Кина објави највисока тревога (ВИДЕО)

Моќен тајфун Бави денес ја погоди јужната јапонска префектура Окинава, носејќи ветрови со сила на ураган, обилни врнежи од дожд и прекини во воздушниот сообраќај.

Тајфунот Бави предизвикува хаос во Јапонија, Кина објави највисока тревога (ВИДЕО)

Кина издаде црвена тревога, највисоко ниво на тревога, додека се приближува тајфунот.

Моќен тајфун Бави денес ја погоди јужната јапонска префектура Окинава, носејќи обилни врнежи од дожд и силни ветрови, при што пет лица беа полесно повредени, соопштија локалните власти.

Според Јапонската метеоролошка агенција, тајфунот достигна брзина на ветерот до 144 километри на час над островот Мијако во Окинава, објави Кјодо.

„Џапан ерлајнс“ и „Ол Нипон ервејс“ ги откажаа летовите до и од Окинава, како и до регионот Амами во југозападната префектура Кагошима.

Кина издаде црвена тревога

Кина издаде највисоко ниво на тревога за дожд додека тајфунот Бави денес се приближува кон североисточниот дел од кинескиот регион Тајван, прекинувајќи ја работата и наставата во повеќето области.

Кинеската Национална опсерваторија издаде црвена тревога за дождовни бури, највисоко ниво во систем со четири нивоа, предупредувајќи дека обилни, па дури и екстремни врнежи од дожд би можеле да погодат неколку региони во земјата, објави Ксинхуа.

Се очекува тајфунот Бави да стигне до брегот на источна Кина во раните утрински часови во недела.

Обилни врнежи од дожд се прогнозираат за Жеџијанг, северен Фуџијан, североисточен Џангси, јужен Анхуи, како и делови од Пекинг и Хебеј во следните 24 часа.

Според прогнозите, акумулираните врнежи од дожд би можеле да достигнат од 250 до 500 милиметри во делови од источен и јужен Жеџијанг и северен Фуџијан, додека се очекува некои области во регионот Тајван во централна и северна Кина да добијат помеѓу 250 и 800 милиметри дожд.

Тајфунот Бави, деветтиот тајфун оваа година, рано утрово стигна до копното во регионот Тајван во североисточна Кина, предизвикувајќи откажувања на летови во Тајпеј и Тајчунг и прекини во работата и училиштата низ целиот остров.

Метеоролошкиот орган на регионот соопшти дека центарот на тајфунот е околу 360 километри југоисточно од Тајпеј и се движи кон северозапад со брзина од 27 километри на час.

Регионот пријавил обилни врнежи од дожд и ветрови, како и изолирани случаи на штети, вклучувајќи прекини на електричната енергија и лизгање на земјиштето.

Властите ги предупредија граѓаните да го избегнуваат брегот поради високите бранови, а се очекува врнежите од дожд на островот постепено да се намалуваат во недела.

Извор: Б92

Тагови: јапонија Кина тајфун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во посета на Општина Охрид

Мицкоски ќе изврши увид на градежни активности на реконструкција на СОУ „Св. Климент Охридски“.

Мицкоски во посета на Општина Охрид

Денес во 11:30 часот претседателот на Владата на Република Македонија Христијан Мицкоски ќе изврши увид на градежни активности на реконструкција на СОУ „Св. Климент Охридски“, а потоа и на реконструираната улица „Кленоец“ во Општина Охрид.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер