Партиски препукувања по завршувањето на седумдневната жалост по трагдијата во Кочани. Од СДСМ обвинуваат за селективност во истрагата и јавно прашуваат како е можно лица од МВР кои кобната ноќ биле на должност и морале да знаат што се случува досега да не се во притвор.

„Дали е точно дека сите седум вработени во МВР, кои се моментално во притвор, не биле на функции во денот на пожарот во дискотеката? Од снимките вечерта се гледа дека полицијата била присутна во објектот. Ова значи дека знаеле за настанот, но не го обезбедиле соодветно. Со ова се поставува прашањето, дали сите надлежни од МВР таа вечер сториле кривично дело со несторување односно непостапување? Дали се изземени од одговорност службеници, началници и командири кои вечерта биле на должност?“

Од ВМРО-ДПМНЕ возвраќаат дека СДСМ манипулираат со трагедијата. Тврдат дека она за што прашува опозицската партија е веќе дел од истрагата.

„Јасно истакнуваме дека Владата и органите за истрага од првиот момент реагираа – има веќе голем број на приведени лица, а истрагата продолжува со несмален интензитет. СДС прашува: „Зошто не се притворени началници, командири, инспектори?“ Ова не е судење со толпа. Правдата не е циркус, туку процес. Притвор се одредува со докази и правни основи, а не со притисоци од партиски штабови“.

Низа прашања кон надлежните институции упатуваат и од ДУИ. Од партијата тврдат и дека локалот Пулс бил неформално собиралиште на целата политичка, криминална и бизнис елита од Кочани и регионот, кои имале блиски реалции со сопственикот на дискотеката.

„Сите знаат дека објектот бил запечатен од УЈП пред неколку месеци, а многу наскоро потоа незаконски отворен. Сите знаат дека на овие забави редовно се користеле пиротехнички средства, и на сите им било јасно дека тоа се прави без дозвола од полицијата. И најважно сите локални институции, од полиција до инспекторати, го знаеле тоа, го гледале тоа, но не смееле да реагираат. Зошто навреме не видоа и зошто не спречија?, прашуваат од ДУИ.

Од таму обвинуваат и за политичка хајка против нивниот сопратиец Крешеник Бектеши кој како поранешен министер за економнија е опфатен со истрагата за пожарот во дискотеката во Кочани и се наоѓа во 30 дневен притвор. Неговата сопратијка Арта Биљали во поткастот „На кавга со Иван“ вели за евентулана одговорност последниот збор ќе го има судот.

„Ако во обвинителниот акт се испотави ова дека Крешник треба да одговара, тогаш ќе треба јавното обвинителство да го убеди судот надвор од разумно сомневање дека тоа било така. Ако потсојат потпишани документи ние не сме виновниците да се на слобода за овој трагичен случај. Ако ова се докаже тогаш ќе биде работа на судот“

Освен Бектеши осомничени засега се уште 33 лица, а поради обемот на дејствијата од обвинителството информираа и дека тимот на јавни обвинители се зголемува на 11 и дека на распит ќе бидат повикани повеќе од 300 сведоци. Истрагата е во тек и во моментот се презвемаат дејствија за обезбедување на докази.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.