Опера „Севилскиот бербер“ на 45. „Мајски оперски вечери“ - Канал 5

Култура

Опера „Севилскиот бербер“ на 45. „Мајски оперски вечери“

Во рамките на 45-ти „Мајски оперски вечери“, вечерва во големата сцена на МОБ ќе биде одиграна популарната комична опера „Севилскиот бербер“ од Џоакино Росини.

Опера „Севилскиот бербер“ на 45. „Мајски оперски вечери“
Продукцијата на „Севилскиот бербер“ ја реализира интернационална екипа – во Скопје гостуваат солистите од Српскиот народен театар од Нови Сад, диригент е Крис Расман од Велика Британија, режисер е Урсула Хорнер, сценографијата е на Марија Ветероска, костимографијата на Марија Пупучевска, додека дизајнот на светло е на Васко Лисичов.

Во операта ќе настапат Марјан Јованоски како Фигаро, Јелена Кончар - Розина, Роберто Јачини Вергили од Италија - Алмавива, Горан Крнета - Дон Базилио, Небојша Бабиќ - Дон Бартоло, Злата Тошевска - Берта, Кристијан Антовски - Фиорело, Саша Смилевски – Амброзио.

За време на својот живот, Џоакино Росини (1792-1868) важел за еден од најпризнаените оперски композитори во светот. Напишал повеќе од 30 комични и трагични опери, пред необјасниво да престане да пишува опери, на возраст од 37 години. „Севилскиот бербер“ чија што премиера доживува катастрофален неуспех (предизвикан пред сè поради фракциите во локалната политика, а не поради самото дело) станува најпопуларната комична опера на сите времиња во светот. Некои од најпрепознатливите музички парчиња од операта слободно може да се каже дека станаа дел од човековото „несвесно“, особено воведната арија на гордиот Фигаро.

Операта изобилува со извонредни и возбудливи вокални и оркестарски делници и комична елеганција со која ретко кое друго оперско дело може да се спореди.

Изведбите под диригентското водство на Крис Расман редовно добиваат стоечки овации и извонредни рецензии од критичарите. Тој ги диригирал „Мадам Батерфлај“ и „Така прават сите“ со Операта на Прага, „Тоска“ со Унгарската национална опера во Будимпешта и Краков, „Риголето“ со Националната опера на Киев, „Травијата“ и „Палјачи“ со Националната опера на Латвија во Рига и „Боеми“ со Националната опера на Монголија.

Српскиот народен театар од Нови Сад е една од најголемите, а воедно и најстарата професионална театарска куќа во Србија. Основан е во 1861 година за време на конференцијата на Друштвото на Српскиот народен театар составено од членови на Српската читалница, одржана во Нови Сад и оттогаш работи во континуитет. Во театарот функционираат три сегменти – драма, опера и балет. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хутите го контролираат јужниот излез на Црвеното Море и еден од најважните бродски патишта во светот

Хутите кои се поддржани од  Иран, ја презедоа контролата врз пристанишниот град Моча во Јемен.

Хутите го контролираат јужниот излез на Црвеното Море и еден од најважните бродски патишта во светот

Хутите кои се поддржани од Иран, ја презедоа контролата врз пристанишниот град Моча во Јемен и напредуваа по брегот на Црвеното Море кон Стратешките Острови, соопштија воени извори за Ројтерс неколку часа откако претседателот Доналд трамп изјави дека очекува војната во Иран да заврши по изборите во САД.

Хутите добиле дополнителна моќ над теснецот Баб Ел-Мандеб , јужниот излез на Црвеното Море и еден од најважните бродски патишта во светот. Доколку хутите ја преземат контролата врз водниот пат на спротивната страна од арапскиот полуостров од Ормутскиот проток, тоа би можело да му даде на нивниот поддржувач Иран клучна предност во војната со САД, намалувајќи ги испораките преку вториот голем транзитен коридор и предизвикувајќи скок на цените на нафтата. Исто така, тоа би можело да му го отежни на Трамп наоѓањето излез од војната што може да им наштатеи на Републиканците пред изборите во ноември. Хутите преку соопштение соопштија дека пловидбата по Црвеното Море е безбедна за сите бродски компании, освен за саудиските бродови. Саудиска Арабија, најголемиот извозник на нафта во светот, се потпира на рутата преку Црвеното Море откако конфликтот со Иран ефикасно го затвори Ормуз, низ кој порано течеше една петтина од глобалната нафта.

Тагови: Хутите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е зголемен.

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по наместа влажни коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и топло, ќе дува слаб до умерен ветер

Времето денес ќе биде сончево и топло со мала до умерена облачност. 

Денес сончево и топло, ќе дува слаб до умерен ветер

Ќе дува слаб до умерен ветер од јужен правец. Минималната температура ќе биде во интервал од 12 до 18, а максималната ќе достигне од 30 до 35 степени.

Во Скопје, сончево и топло со мала до умерена облачност. Во делови од котлината ќе има услови за развој на нестабилна облачност проследена со краткотраен пороен дожд и појава на ретки грмежи. Минималната температура ќе се спушти до 18, а максималната ќе достигне до 34 степени.

Под влијание на циклонска активност за време на викендот ќе преовладува променливо облачно време со повремени врнежи од дожд. Локално врнежите ќе бидат поројни и пообилни (над 15 l/m²), проследени со грмежи и засилен северен ветер (над 40 km/h). Од сабота дневната температура ќе биде во опаѓање. Потоа до средината на следната седмица следува релативно стабилно и посвежо време.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер