Автомобилизам

Opel Corsa Electric со уште поголем опсег

Вредности (комбинирано) за Opel Corsa Electric со 115 kW (156 КС) според WLTP: потрошувачка на енергија 14.2 kWh/100 km, емисија на CO2 0 g/km; CO2 ознака: A

Поголем опсег: Corsa Electric YES со опсег до 429 km без емисии (WLTP)

Уште поефикасна: возете до 24 km повеќе благодарение на подобрената батерија и оптимизираната погонска група

‘Electric All In’[1]: Opel обозможува преминот на електрично возило да е поедноставен

Понуда за клиенти на електрично патничко возило само во одредени земји.

Opel сега ја прави електричната мобилност уште попривлечна и погодна за секојдневна употреба со Corsa Electric. Отсега, патниците со бестселерот на мали електрични автомобили со ознака Blitz можат да поминат уште подолго растојание со едно полнење. Со Opel Corsa Electric со батерија од 51 kWh и моќност од 115 kW (156 КС) сега може да поминете до 429 km без емисии, околу 6 проценти или до 24 km повеќе од претходно.

Најдобро од двата света, клиентите можат да уживаат во поминатите километри без да се соочат со дополнителни трошоци. Добитна комбинација за сите купувачи на Corsa Electric: повеќе стил, поголем опсег, погодност за секојдневна употребливост, и сето тоа по иста цена како порано. Во комбинација со „Electric All In“, Opel ја прави електричната мобилност уште поедноставна и подостапна.

Опсег до 429 km (WLTP1): Corsa Electric е погоден за секојдневна употреба

Мал, практичен и издржлив: со простор за најмногу пет лица во компактни димензии, Corsa Electric е вистински погодна за секојдневна употреба и ја штити животната средина и ресурсите со својата оптимизирана погонска единица без емисии. Жирито на магазинот Еlectricar ја прогласи за „Најдобро градско возило во класата“ за 2025 година.

Со електричниот опсег, кој сега е зголемен до 429 km, агилниот електричен автомобил е уште поатрактивен и за секојдневна употреба и за подолгите патувања. Зголемувањето на опсегот беше овозможено со континуираниот развој на батеријата со никел-манган-кобалт (NMC). Покрај тоа, погонскиот систем сега е уште поефикасен. На пример, Corsa Electric сега троши само 14,2 kWh електрична енергија на 100 km. И кога на бестселерот на мали електрични автомобили му треба полнење, тој се полни до 80 проценти за помалку од 30 минути на станицата за брзо полнење DC од 100 kW.

Corsa Electric не само што блеска со висока ефикасност и практичност, туку и има исклучително стислки дизајн, особено како специјално издание на Opel Corsa Electric YES. Со трите нови бои Eukalyptus селена, Kobalt сина и Kiss црвена веднаш ке се издвоите од останатите и ќе бидете забележани на патот. Стандардно се вклучени бројни карактеристики кај повисокото ниво на опременост GS.

Едноставно и подостапно: поттик за премин кон електро мобилност со ‘Electric All-In

*во зависност од земјата

Друга причина што ја прави Corsa Electric уште поатрактивна е тоа што брендот Blitz ја прави електричната мобилност уште полесна и подостапна за клиентите. Клиентите кои се одлучуваат за електричен автомобил како Corsa Electric, сега добиваат бројни услуги во исто време. „Electric All In“ е името на формулата што го прави преминот кон електрична мобилност лесен и пријатен. Вклучени се услуги како што се eProWallbox Move за брзо полнење дома, пакетот Opel Connect PLUS и осум години гаранција за мобилно полнење и дефекти, како и гаранција за батеријата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Битола денес беше град на трчањето

Над 1.500 тркачи од 18 земји денес беа дел од 8-мото издание на ТРЧАЈ БЕ 2026, спортска манифестација која од година во година расте и ја зацврстува позицијата на Битола како значајна дестинација за спортски туризам во регионот.

Свежото утро создаде одлични услови за трчање, а годинешното издание донесе и исклучителни спортски резултати. На битолската патека беа постигнати најбрзите времиња досега и соборени рекордите на ТРЧАЈ БЕ. Низ улиците на Битола денес трчаа натпреварувачи од различни земји, бодрени од бројна публика, волонтери и сите оние кои беа дел од организацијата и реализацијата на трката.

ТРЧАЈ БЕ е спортски настан, но и приказна за Битола како отворен и активен град кој преку спортот привлекува гости, создава дополнителна вредност за локалната економија и се промовира надвор од границите на државата.

Општина Битола упатува честитки до организаторите на ТРЧАЈ БЕ, до сите институции, партнери, волонтери и служби вклучени во реализацијата, како и до граѓаните кои со својата поддршка придонесоа за атмосферата долж патеката.

Посебни честитки до победниците и до сите над 1.500 учесници кои денес ја истрчаа Битола.

Уште едно успешно издание на ТРЧАЈ БЕ, уште еден голем спортски ден за Битола.

Општина Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Milna. Bračani dragi, držite se! pic.twitter.com/UCbF18cH9f
— JurMag (@jur_magud) September 12, 2026

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.