Оpel Аstra ja освои наградата Red Dot 2023 - Канал 5

Оpel Аstra ja освои наградата Red Dot 2023

Визионерска и полна со карактер: Opel Astra ја добива наградата во категоријата „Product Design“..Експресивна: смел и елегантен дизајн со лицето на брендот Opel Vizor. Фокус на најважното: целосно дигитален и интуитивен кокпит Pure Panel. 

Оpel Аstra ja освои наградата Red Dot 2023

Astra ја додава наградата Red Dot која се приклучува на широката листата на признанија

Opel Astra импресионира на прв поглед – како модел со пет врати и како лимузина Astra Sports Tourer. Дизајн кој го импресионира и меѓународното стручно жири на Red Dot Awards. Стручното жири составено од 43 експерти оваа година на компактниот бестселер од Rüsselsheim му ја додели наградата Red Dot 2023 во категоријата „Product Design“.

Оваa награда се приклучува во широката листа на признанија на Astra. Меѓу другото овој автомобил веќе ја освои наградата „Златен управувач 2022“, беше прогласен и за „Семеен автомобил за 2022“, а независното стручно жири на „German Car Awards“ (GCOTY) ја изгласа Astra за „Германски компактен автомобил за 2023“.

„Нашата филозофија за смел и елегантен дизајн навистина се истакнува кај најнова генерација на Opel Astra. Како и секој нов модел на Opel, Astra доаѓа со експресивното лице на брендот Opel Vizor и комбинира иновативна технологија со емотивен дизајн. Ние, исто така, ја развивме патничката кабина според овој принцип. Целосно дигиталниот Pure Panel може да се управува интуитивно и е фокусиран на најважните работи“, изјави потпретседателот за дизајн на Opel, Mark Adams.

Смела, елегантна, експресивна: дизајнот на Astra се издвојува во компактната класа

Актуелната Astra не само што возбудува со своите plug-in хибридни погони без емисии и набргу како целосно електрична Astra Electric - таа исто така воодушевува со јасни, впечатливи линии без непотребни детали. Opel Vizor (новото лице на брендот првпат видено кај Mokka и централен елемент на надворешен дизајн) го следи Opel Compass каде што вертикалните и хоризонталните оски – остриот набор на капакот на моторот и графиката во облик на крило на дневните светла – се вкрстуваат со амблемот Opel Blitz во средината. Се протега низ предниот дел, правејќи ја новата Astra да изгледа уште поширока, Vizor исто така беспрекорно интегрира технологии како што се опционалните ултра тенки Intelli-Lux LED® предни светла и предната камера на системот Intelli-Vision. Гледано од страна, најновата генерација на Astra изгледа особено динамично благодарение на изразениот наклон напред на C-столбот.

На задниот дел Opel Compass се повторува со централно монтираниот Blitz, вертикално високо-монтирано стоп светло и задните светла (LED за заштеда на енергија, како и целото надворешно осветлување). Амблемот Blitz исто така служи како брава за задната врата, која е изработена од најсовремен композитен материјал.

Оваа технологија не само што е лесна и цврста овозможува и прецизно извршување на дизајнерските детали како што се особено тенките задни светла.

Целосно дигитален и целосно застаклен: интуитивно управуван, фокусиран кокпит Pure Panel

Истата германска прецизност и рамнотежа се применуваат низ внатрешноста каде што се случи скок напред. Апсолутен врв е најновата генерација на Pure Panel. Овој обемен, дигитален кокпит (целосно застаклен во зависност од верзијата) има два 10 инчи дисплеи, интегрирани - заедно со отворот за воздух на страната на возачот - во хоризонтален формат. Аналогните инструменти се предадени на историјата кај новата Astra. Благодарение на заштитата што спречува отсјај на ветробранското стакло и овозможува подобра прегледност на дисплеите, дополнително ја подобрува високотехнолошката функционалност и амбиент.

Дизајнерите и инженерите на Opel се погрижија возачот да ги добие сите потребни информации и корисни опции за работа, но да не биде оптоварен со излишни податоци или функции. Со физичките контроли сведени на минимум во форма на фино изработени копчиња, Pure Panel постигнува оптимален баланс помеѓу дигитализацијата и интуитивното работење, детоксикација од иритирачки визуелни информации и без потреба од подменија. „Визуелна детоксикација“ е клучниот збор овде. Во комбинација со висококвалитетните и прецизно дизајнираните ергономски активни седишта со сертификат AGR, Astra овозможува модерна атмосфера со добро чувство – внатре и надвор.

Награда Red Dot: Дизајнерски моменти повеќе од 60 години

Сегашната генерација на Opel Astra ја проширува долгата низа признанија со наградата Red Dot за Rüsselsheim. Бројни други модели на Opel и алатки за комуникација веќе ја добија посакуваната награда. Како еден од најголемите светски конкурси за дизајн, наградата „Red Dot“ повеќе од 60 години го препознава иновативниот дизајн во категориите "Product Design", "Brands & Communication Design" и "Design Concept". Во 2023 година, стручното жири оценуваше производи од 60 земји. Оваа награда не се спроведува како натпревар, туку преку индивидуален тест на производот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Маск му зададе удар на Трамп: „Јас не сум MAGA“

 Американскиот милијардер, најбогатиот човек на светот, Илон Маск изјави дека не припаѓа на движењето MAGA на претседателот Доналд Трамп, иако со години јавно го поддржуваше.

Маск му зададе удар на Трамп: „Јас не сум MAGA“

Маск зборуваше за својот однос со движењето на Трамп во средата на самитот „Дилбук“ (DealBook Summit), организиран од „Њујорк тајмс“.

„Не сум сигурен што воопшто значи MAGA, но ако тоа подразбира некаква слепа лојалност кон политиката на Републиканската партија, тогаш тоа секако не е нешто што ме опишува мене“, рече Маск, објаснувајќи го својот однос со движењето на Трамп.

За време на претседателската кампања во 2024 година, Маск отворено го поддржа Трамп, учествуваше на неговите предизборни собири и носеше капи со натпис MAGA, што е кратенка за слоганот на Трамп: „Да ја направиме Америка повторно голема“ (Make America Great Again).

На еден од предизборните собири на Трамп, тој изјави: „Јас не сум само MAGA, јас сум ’темен MAGA‘!“ Трамп му одговори Американскиот претседател Доналд Трамп ги коментираше изјавите на Маск во интервју за NBC News.

Тој рече дека постојат различни толкувања на движењето MAGA, но исто така предупреди на последиците од отстапувањето од неговите принципи.

„Постојат многу дефиниции“, рече Трамп за значењето на движењето MAGA. Тој додаде дека ова политичко движење има многу конкретно значење за него и дека оние што отстапуваат од неговите принципи не поминуваат добро.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ван Дајк ги открива планови за иднината- Дали летово ќе го напушти Ливерпул?

Капитенот на Ливерпул, 35 годишниот Вирџил ван Дајк призна дека сè уште не знае дали ќе продолжи да игра за славниот англиски клуб од Енфилд Роуд следната сезона.

Ван Дајк ги открива планови за иднината- Дали летово ќе го напушти Ливерпул?

Договорот на холандскиот централен дефанзивец истекува во јуни 2027 година, а во интервју за „Скај Спортс“ (Sky Sports), тој не ја исклучи можноста да го напушти „Енфилд“ по речиси една деценија.

Ван Дајк дојде во Ливерпул од Саутемптон во јануари 2018 година и со клубот освои две титули во Премиер лигата, како и Лигата на шампионите.

„Најважно за мене е да се чувствувам добро и да се грижам за себе. Верувам дека можам да играм уште многу години. Ќе видиме што ќе се случи по оваа сезона. Ако некој тврди дека знае што ќе правам следната сезона, тоа не е точно, бидејќи во моментов, ни јас самиот немам поим“, изјави Ван Дајк.

Тој објасни дека не сака премногу да размислува за иднината и дека моментално е фокусиран на натпреварите што му претстојат на Ливерпул: „Ова беше неверојатно патување за мене. До летото ќе поминат речиси десет години откако пристигнав, а Ливерпул стана огромен дел од мојот живот. Засекогаш ќе бидам благодарен за сè што доживеав. Дали ќе го продолжам договорот – ќе видиме. Ако не, ќе се збогувам на лето“.

Оваа сезона, Ван Дајк останува еден од најважните играчи на Ливерпул; под водство на Андони Ираола, тимот моментално се наоѓа на четвртото место во Премиер лигата по десет одиграни кола, со освоени 18 бода. Холанѓанецот ги одигра сите 900 минути во лигата досега, а во неделното дерби против Манчестер Јунајтед би можел да го забележи својот 350-ти настап во Премиер лигата. Ливерпул оваа сезона има остварено пет победи, три нерешени резултати и два пораза, со што заостанува девет бода зад лидерот на табелата, Арсенал.

Во одбраната, Ван Дајк најчесто игра во тандем со 21-годишниот Жереми Жакет, кого клубот го доведе од Рен. Холанѓанецот го пофали својот млад соиграч, истакнувајќи дека – и покрај неговата возраст – тој веќе покажал зрелост неопходна за натпреварување на највисоко ниво.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Пожар во ноќен клуб во Никозија – гости останале заробени на балкон

Пожар избувнал во ноќен клуб во Никозија, при што повредено е едно лице. 

Пожар во ноќен клуб во Никозија – гости останале заробени на балкон

Поради чадот околу 50 лица останале заглавени во објектот и се засолниле на балконите каде што останале до гаснењето, при што биле безбедно евакуирани.

Портпаролот на противпожарната служба на Кипар, Андреас Кетис, информираше дека околу 2:45 часот добиле пријава за пожар на влез на ноќен клуб во кипарскиот главен град, а од пожарот биле уништени тепихот и паркетот со кои бил обложен влезот на објектот.

„Поради чадот, што се прошири на првиот кат, околу 50 лица (гости) останаа заробени во објектот. Еден маж се здоби со изгореници при обид да го изгасне пожарот“, изјавиле од противпожарната служба.

Повредениот бил пренесен во болница, а во гаснењето на пожарот интервенирале три противпожарни возила со екипи од противпожарните станици во Никозија.Причините за пожарот треба да ги покаже истрагата, а кипарските медиуми пожарот најверојатно бил подметнат, бидејќи извори од полицијата посочиле дека на влезот била пронајден запалива материја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер