Живот

Опасна забава : Тројца мажи скокаат од покрив на воз во движење директно во Дунав (ВИДЕО)

Тројца мажи се снимени како скокаат од воз во движење директно во реката Дунав.

Снимката е направена во Виена и објавена на Инстаграм. На неа се гледа возот како излегува од тунел и тројца мажи на покривот , подготвени за скок.

Корисникот кој го објави видеото наречено ,,Луда банана”, се опишува себеси како адреналински зависнк од Виена кој прави луди работи. Иако има нешто повеќе од 3.500 следбеници на Инстаграм, скоро 30 000 луѓе го гледаа видеото за два дена.

Луѓето во коментарите напишаа дека можело да има чамец или пливачи во реката, и дека скокачите ги ризикувале животите на другите, не само своите. „Ризикувајќи го сопствениот и нечиј живот за неколку секунди слава - лудило“, е еден коментар.

Виенската железница поднесе тужба против тројцата мажи за кршење на железничките закони, пренесува Дејли Меил.

Триото сè уште не е официјално идентификувано.

Катрин Линер, портпарол на железницата , ги повика патниците веднаш да пријават ако видат слични ситуации што можат да загрозат нечиј живот. „Ако го цените вашиот живот, нема да го имитирате ова на кој било начин“, рече таа.

Регион

Во Србија продолжува парламентарна расправа, се чека гласање за новата влада

Српскиот парламент претпладнево ќе ја продолжи првата вонредна седница на која единствена точка на дневен ред е избор на Влада и давање заклетва на претседателот и членовите. 

Се очекува дискусијата да продолжи, по што пратениците треба да гласаат, јавија српските медиуми.

Продолжението на првата вонредна седница на Националното собрание во актуелното свикување е закажано за девет часот. На седницата, која почна вчера, излагање поднесе претставникот за состав на новата Влада Милош Вучевиќ.

Во тричасовното обраќање пред пратениците, меѓу другото, тој истакна дека владата што ја предлага ќе биде влада на континуитет во најголема мера, како и дека полноправното членство во ЕУ останува стратешки приоритет на Србија. Тој наведе и дека најголемиот предизвик на новиот кабинет ќе биде одбраната на суверенитетот, ќе се предложи задолжителен воен рок од четири месеци. Вучевиќ порача дека членовите на Владата мора да бидат тим, дека секогаш мора да бидат подготвени да ги штитат националните и виталните интереси на Србија, а неговото прво и единствено барање е несомнената лојалност кон татковината. На Собранието му предложи 31 член на кабинетот, меѓу кои има осум нови личности. /МИА

Свет

Земјотрес од четири степени во поширокото подрачје на Лос Анџелес

Земјотрес со јачина од 4,1 степени според Рихтер синоќа го погоди поширокото подрачје на Лос Анџелес, соопшти Сеизмолошкиот институт на САД.

Земјотресот се случил во областа Корона, во близина на Лос Анџелес, објави Фокс.

Земјотресот бил почувствуван во пошироката област, западно до Лос Анџелес, Лонг Бич, округот Оринџ и Санта Кларита./МИА

Свет

Колумбија најави прекин на дипломатските односи со Израел поради војната во Газа

Колумбискиот претседател Густаво Петро изјави синоќа дека ќе ги прекине дипломатските односи со Израел поради војната во Појасот Газа. 

Петро претходно го критикуваше израелскиот премиер Бенјамин Нетанјаху и повика Колумбија да се приклучи на тужбата за геноцид на Јужна Африка против Израел пред Меѓународниот суд на правдата.

„Овде пред вас, владата на промени, претседателот на републиката, најавува дека утре ќе ги прекине дипломатските односи со државата Израел, затоа што има влада, затоа што има геноциден претседател“, нагласи синоќа Петро во Богота на собир по повод Меѓународниот ден на трудот. Светот не може да биде слеп пред настаните во Газа, нагласи тој. /МИА

притисни ентер