Опасен инсект ги уништува шумите околу Солун

Грчките власти сечат големи шумски појаси поради навидум незапирлив инсект кој ги ,,голта” боровите и само во областа околку Солун се уништени околу 100.000 дрвја.

Експертите велат дека блескавиот црн поткорник , има катастрофално влијание врз дрвјата во ридскиот шумски предел над Солун.

"За жал, во овој момент проблемот е огромен, бидејќи движењето на овој инсект се скоро неконтролирани", вели професорот Теохарис Загас од Универзитетот за шумарство "Аристотел".

"Треба да преземеме соодветни мерки со насочени сечи на шумите за да го запреме нивниот интензитет", рече тој.

Инсектот кој првпат се појави во Грција во 1970-тите, претпочита четинари, особено борови, европска смрека и европски ариш, вели Загас.

Инсектот може да порасне до 4,8 милиметри во должина, а неговите напади ги поддржуваат временските услови што ги ослабуваат дрвјата како што е сушниот период.

Властите планираат повторно да ги пошумат овие области и да воведат видови кои се поотпорни на нападот на инсекти , како што е широколисниот даб.

Бела куќа: Израел се согласи да ја сослуша загриженоста на САД пред операцијата во Рафа

Израел се согласи да ги сослуша загриженоста и размислувањата на САД пред да започне инвазија врз пограничниот град Рафа во Газа, изјави денеска Џон Кирби портпарол на Белата куќа за национална безбедност.

„Тие не уверија дека нема да одат во Рафа се додека не имаме шанса навистина да ги споделиме нашите перспективи и нашите грижи со нив“, изјави Кирби за Еј-Би-Си.

Американскиот државен секретар Ентони Блинкен треба да го посети регионот следната недела и Кирби рече дека ќе продолжи да притиска за привремен прекин на огнот што Вашингтон сака да трае најмалку шест недели.

„Она што се надеваме е дека по шест недели од привремениот прекин на огнот, можеби ќе постигнеме нешто поиздржливо“, рече Кирби.

„Израелците почнаа да ги исполнуваат обврските што (американскиот) претседател Бајден ги замоли да ги исполнат“, рече тој.

Шоу биз

Фото: Џенифер Лопез во чуден стајлинг на улиците на Њујорк

Светската музичка ѕвезда Џенифер Лопез го привлекува вниманието на јавноста каде и да се појави.

Без разлика дали станува збор за концерт, настап или улога во филм популарната Џеј Ло е присутна во медиумите и поради својот совршен моден стил.

Многу жени ги следат нејзините стајлинзи, бидејќи таа стана вистинска стилска икона и инспирација за многу трендсетерки.

Но, понекогаш се случува, како што е сега, дури „жешката Џеј Ло“, заведена од трендот, да направи моден кикс . Да се појави во јавност во стајлинг кој ќе добие повеќе негативни отколку позитивни коментари.

Мегапопуларната пејачка прошета по улиците на Њујорк во особено необична комбинација на фармерки, кои се сè само не убави. Моделот кој се наоѓа на полиците на познатите брендови, овие фармерки се хит меѓу ѕвездите, тие изгледаат искинато, валкано, но сега беа изборот на убавата Џеј Ло.

Фудбал

Чави сака Роберто да остане во Барса

Тренерот на Барселона, Чави Ернандез, изрази желба да го задржи ветеранот Серхи Роберто во тимот, пренесува денеска шпанскиот весник „Мундо Депортиво“.

„Сакам да го продолжи договорот. Сега одлуката е на него. Тој знае што мислам. Може многу да ни помогне. Да се надеваме дека ќе го продолжи договорот“, изјави Чави за 32-годишниот играч од средниот ред, чиј актуелниот договор со Каталонците истекува на крајот од сезоната.

Барселона утревечер ѝ гостува на Валенсија во натпревар од 33. коло на шпанската Ла Лига, а Чави истакна дека целта на каталонскиот клуб е да ја задржи втората позиција на табелата на крајот на сезоната.

„Нашата цел е да завршиме на второто место во лигата и да се пласираме на завршниот турнир во Суперкупот. Сакаме да ја завршиме сезоната со добро чувство и со ентузијазам и сила да се подготвиме за следната“, додаде тренерот на Барселона.