Претседателот на Социјалдемократскиот сојуз на Македонија, Венко Филипче, денеска во Кавадарци, имаше средба со лозари, на којашто се разговараше за состојбата во земјоделството, посебен акцент на отсуството на развојни мерки од страна на Владата на ВМРО ДПМНЕ за поддршка на лозарството како извозно оринетирана гранка.

Во обраќањето пред лозарите, Филипче посочи дека за една година ВМРО ДПМНЕ ги понижи и осиромаши сите земјоделци вклучително и лозарите. Во делот лозарството и винарството, не само што не се донесоа развојни мерки, туку се скратија и постоечките добри мерки донесени од Владата на СДСМ, како авансната исплата, стопирана е и програмата за мали винарии и дестилати, укината е субвенцијата за високо квалитетно грозје и намалена е поддршката за саемски манифестации за промоција.

„ВМРО ДПМНЕ беа гласни за земјоделците пред изборите, ветуваа се и сешто, а само за една година покажаа дека не го вреднуваат ниту трудот на земјоделецот, ниту ги интересира развојот на земјоделството особено на стратешките гранки како што е лозарството и винарството. Ги стопираа програмите за финансирање на мали семејни винарии. Ланската 2024 година е прва година кога немаше субвенции за килограм предадено винско грозје, додека претходните години беше по 2 или 3 денари за килограм во зависност од приносите на грозје во тековната година. Во програмата за субвенционирање на лозарството укината е и мерката за субвенционирање на хектар лозов насад во висина од 60.000 денари по хектар за производство на грозје за високо квалитетни вина, што како мерка беше во програмата за субвенционирање во 2024 година“, рече Филипче.

Говорејќи за потребата од поддршка на лозарството и винарството како наши извозни се стратешки гранки, Филипче потсети дека Владата на СДСМ во својот мандат, заедно со лозарите, со винариите, донесе низа мерки и нови политики за поголема поддршка на овој сектор.

„Со Законот за вино се загарантираа најниските откупни цени на грозјето, и како резултат на овие измени во 2024 година се постигна највисока просечна откупна цена кај сите вински сорти. Се олеснија условите за формирање на мали семејни винарии кои дотогаш не беа во можност да се формираат и регистрираат како такви. Воведовме нови програми за поддршка на малите винарии, беа доделени над 150 грантови од по 10 илјади евра, за набавка на опрема и за модернизација на малите семејни винарии. Лозарите беа опфатени и со мерката за субвенции за зелена нафта и со моделот за авансна исплата на субвенциите“, рече Филипче.

На средбата, Филипче посочи дека благодарение на успешноста на мерките на СДСМ се потврдува со фактот што Македонија стана број еден извозник на вино во регионот и 13-ти извозник на вино во светот. При тоа, Филипче порача дека СДСМ секогаш ќе биде на страната на сите земјоделци и ќе нуди мерки не само за вреднување на нивниот труд, туку и за зголемување на домашното производство на земјоделски производи. Тоа како што кажа, подразбира и силна поддршка за лозарството и производството на вино, што е една од најзначајните гранки во нашата земја, со стратешка економска важност, се наведува во партиското соопштение.

Настанот, кој години наназад го збогатува културниот живот во општината и прерасна во нејзин симбол .

На штандовите, посетителите имаа можност да купат бели печива, подготвени лично од членовите на здружението. Средствата собрани од продажбата оваа година ќе бидат наменети за семејствата на настраданите и повредените од трагичниот настан во Кочани.

Покрај продажбата на печива, настанот беше збогатен со културно-уметничка програма. Настапија играорни групи, пејачи од Здружението, како и хорот „Вања Лазарова“

Меѓу присутните беше и градоначалникот на Општина Кисела Вода, Орце Ѓорѓиевски, кој лично купи од подготвените производи и упати поддршка до пензионерите и нивниот ангажман.

-Горди сме на нашите пензионери кои и покрај годините, со неисцрпна енергија, ентузијазам и хуманост го збогатуваат општествениот живот во Кисела Вода. "Коријадата" не е само манифестација на традиционална кујна, туку и симбол на солидарност, култура и човечност. Општина Кисела Вода и понатаму ќе стои цврсто зад ваквите иницијативи, кои не само што негуваат вредности, туку и оставаат вистинска трага во животите на луѓето-изјави градоначалникот Орце Ѓорѓиевски, соопштуваат од Општината.

Прогласена е вонредна состојба поради слободното шетање на дивото животно, која ќе биде на сила најмалку еден месец, или додека не се фати ѕверот, објави Еуроњуз.

Во потрагата се вклучи и експерт кој веќе ловел ваков вид предатор во Африка. Од понеделник, на дрвјата каде што дивата мачка сака да се качува се поставуваат мамки. Поставена е и мамка за привлекување на леопардот.

„Животното сè уште не е пронајдено на територијата на паркот. Потрагата по него продолжува. Поставени се сите фото-стапици, но нема нови траги и фотографии од животното веќе четири дена“, изјави на брифинг Георги Крастев, директор на Националниот парк Централен Балкан во Бугарија.

Неговиот колега Димитар Мирчев нагласи дека во моментов се гради профил на животното, кое не е во неговата природна средина.

„Ова е многу комплицирано. Бидејќи не знаеме кога излегол од приватен дом, ниту дали е одгледано таму. Одгледувањето во дом ги менува навиките на животното. Ако претпоставиме дека овој предатор лови ноќе, а се одмара преку ден, малку е веројатно дека некој сопственик на такво егзотично животно би станал во два часот наутро за да го нахрани, бидејќи има такви природни инстинкти“, објасни тој.

Директорот на Регионалната дирекција Шумен при Министерството за внатрешни работи, виш комесар Георги Гендов, нагласи дека се проверуваат сите информации за можниот сопственик на црниот леопард.

„Сакам да нагласам дека не заштитуваме никого и не криеме никакви информации што ги дознавме за време на истрагата“, рече тој.

Додаде дека има сведок кој тврди дека го видел животното додека возел на работа во понеделник.

„Овие информации моментално се проверуваат. Ќе разјасниме сè во следните 24 часа“, рече тој.

Експерти од Националниот парк Централен Балкан го истражуваат подрачјето во потрага по нови траги. Се спроведуваат патроли во песочните области каде што веројатно се крие животното.

Специјалистите зонираа области за кои имаат индиректни податоци за рутата на движење на предаторот. Теренот на кој работат експертите е исклучително сложен.

Во вторник треба да се изврши набљудување и инспекција на Стенска Круна над областа Дивѓадово. Намерата е животното да се фати живо.

Луѓето кои ќе забележат опасно животно треба веднаш да се јават во полиција без да прават бучава или да се обидуваат да го фотографираат.

Пристапот до висорамнината Шумен останува ограничен до понатамошно известување.