ОН: САД треба што поскоро да ја завршат истрагата за нападот на училиштето во Иран - Канал 5

Свет

ОН: САД треба што поскоро да ја завршат истрагата за нападот на училиштето во Иран

Високиот комесар на ОН за човекови права денеска ги повика САД што поскоро да ја завршат истрагата за нападот врз основно училиште во Иран, на состанокот на Советот за човекови права на ОН, каде што некои земји изразија негодување поради инцидентот.

ОН: САД треба што поскоро да ја завршат истрагата за нападот на училиштето во Иран

Итниот состанок во Женева го побара Иран поради нападот врз училиштето Шаџарех Тајебех, во кој, според Техеран, беа убиени 175 деца и наставници на првиот ден од нападите меѓу САД и Израел.

Ројтерс претходно објави дека американските истражители веруваат дека американските сили најверојатно се одговорни за нападот, но сè уште не ја завршиле својата истрага и не донеле заклучоци. А Израел објави дека го истражува инцидентот.

Волкер Турк го повика Вашингтон што поскоро да ја заврши истрагата и да ги објави резултатите. „Толку многу страдање заслужува правда“, рече тој.

Израелските дипломати во ОН во Женева возвратија со критики кон Иран за напад врз цивили низ целиот регион. „Фактот дека оние што ги кршат човековите права свикуваат итна седница е фарса и злоупотреба на советот на ОН“, рече портпаролот на израелската мисија.

Американските претставници не учествуваат на седниците на Советот, кој го обвинуваат дека е антиизраелски.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Венера Азизи: Владата го изгласа пуштањето во употреба на „One Stop Shop“ со Република Албанија

Денеска Владата го изгласа пуштањето во употреба на системот за заеднички гранични проверки „One Stop Shop“ со Република Албанија.

Венера Азизи: Владата го изгласа пуштањето во употреба на „One Stop Shop“ со Република Албанија

Со ова се заокружува процесот на воспоставување на овој систем со трите соседни земји на Република Македонија кои не се дел од Шенген зоната, имајќи предвид дека истиот веќе функционира со Србија и Косово. За целосна финализација останува да се потпише договор меѓу двете министерства за внатрешни работи.

Воведувањето на системот најпрво ќе започне на граничниот премин Ќафасан, а потоа ќе биде проширено и на останатите гранични премини со Албанија. Ова ќе овозможи поедноставно, побрзо и побезбедно преминување на државната граница, особено во летниот период кога значително се зголемува фреквенцијата на патници и кога во минатото граѓаните често укажуваа на долгите чекања на граничните премини.

Потребата од вакво решение најдобро ја потврдува фреквенцијата на патници на граничните премини со Република Албанија. Во текот на 2025 година, на овие гранични премини биле регистрирани вкупно 4.581.724 патници, од кои дури 2.318.080 на граничниот премин Ќафасан. Овие бројки ја истакнуваат важноста од воведување на системот „One Stop Shop“, кој ќе овозможи побрз и поефикасен проток на патници и ќе придонесе за намалување на времето на чекање на границите, изјави Венера Азизи.

Тагови: One Stop Shop

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Болнички службеник фотографирал банкарска картичка на шалтер, па направил десетици онлајн купувања

Административен службеник во ЈЗУ општа болница Прилеп е осомничен дека фотографирал дебитна платежна картичка на прилепчанец, а потоа со нејзините податоци извршил десетици интернет-трансакции, при што незаконски потрошил повеќе од 90.000 денари.

Болнички службеник фотографирал банкарска картичка на шалтер, па направил десетици онлајн купувања

Според пријавата од МВР, на 13 октомври минатата година, осомничениот, кој работел како административен службеник на шалтер за наплата во прилепската болница, ја фотографирал дебитната платежна картичка на лице од Прилеп. Потоа, во периодот до 19 февруари годинава, користејќи ги податоците од картичката, извршил вкупно 71 интернет-трансакција, при што била предизвикана штета во износ од 90 илјади денари

Тагови: банкарска картичка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Град Скопје: Преку посветена работа на терен се подобруваат условите за живот на граѓаните

Скопје предолго време беше град оставен на заборав – со запуштени јавни површини, нарушена хигиена, недоволно одржувана инфраструктура и проблеми што со години остануваа нерешени.

Град Скопје: Преку посветена работа на терен се подобруваат условите за живот на граѓаните

Денес, сликата постепено се менува. Во повеќе делови од градот се реализираат активности за чистење, уредување и реконструкција на јавните простори, со цел враќање на редот, функционалноста и достоинството на главниот град.

Преку посветена работа на терен се подобруваат условите за живот на граѓаните, се обновуваат запуштени локации и се создава почиста и поуредена урбана средина.

Ова е процес кој бара време, труд и континуирана посветеност, но промените се веќе видливи. Скопје заслужува да биде чист, уреден и модерен град во кој граѓаните ќе се чувствуваат горди.

Затоа што го сакаме Скопје.

Град Скопје

Тагови: Град Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер