Свет

ОН: Ако Ормутскиот теснец остане затворен, светот ќе се соочи со масовен глад

На светот му се заканува масовен глад доколку Ормускиот теснец набрзо не биде целосно отворен за сообраќај – предупредуваат од канцеларијата на ОН за проектни услуги УНОПС.

Според нивните проценки станува збор за над 45 милиони лица кои би можеле да гладуваат поради недостаток на ѓубрива чии патишта во моментов се блокирани. Најголемиот дел од засегнатите земји се во Африка и Азија, а пресметките се дека дури и целосно да биде отворен, за нормализирање на сообраќајот во Ормускиот теснец ќе бидат потребни неколку месеци.

-Во суштина ние имаме неколку недели пред нас да спречиме тоа што најверојатно ќе биде масовна хуманитарна криза. Ние можеби ќе бидеме сведоци на криза која ќе присили над 45 милиони луѓе во гладување. Дури и да го отвориме Ормускиот теснец, ќе бидат потребни три до четири месеци за се да се врати во нормала,- - Хорхе Мореира да Силва - Извршен директор на УНОПС.

Вашингтон и Техеран во меѓувреме ја заоструваат реториката. Американскиот претседател Трамп примирјето меѓу двете страни оцени дека е на стаклени нозе, додека иранските власти предупредуваат на одмаздничка акција доколку се соочат со нови напади.

-Тоа (примирјето со Иран) е неверојатно слабо, би рекол и би го нарекол најслабо до сега, особено откако го прочитав тоа „парче ѓубре“ кое ни го испратија, дури не завршив ни со читање, реков дека нема да си го трошам времето читајќи. Би рекол дека (примирјето) е најслабо до сега, дека е на поддршка за живот,- Доналд Трамп – Претседател на САД.

-Каде што е потребно ќе се бориме, а каде сметаме дека има потреба, ќе го користиме оружјето на дипломатијата за да ги унапредиме интересите на иранскиот народ. Не се грижиме дали некој друг е среќен или не,- - Есмаил Багеи – Портпарол на иранското МНР.

Според проценките на светските медиуми, во Ормускиот теснец се уште има околу дваесетина илјади морнари и над две илјади бродови кои војната ги затекна во заливот. Токму деблокадата на клучната нафтена рута, покрај нуклеарната програма на Иран се главните прашања за кои САД и Иран до сега не успеваат да најдат компромис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Помалку часовник, повеќе уметничко дело: Глечерите на Алјаска во вашите раце (ФОТО)

Францускиот луксузен бренд „Louis Vuitton“ претстави уникатен џебен часовник инспириран од глечерот Марџери во Алјаска.

Часовникот е направен како уникатно уметничко дело и нема да биде достапен за продажба. Наменет е исклучиво за одбрани колекционери кои нарачуваат вакви модели директно од производителот.

Дизајнот е инспириран од ледените пејзажи и дивиот свет на Националниот парк „Glacier Bay“. Бројчаникот содржи подвижни елементи во форма на пингвини, орки и китови, заедно со препознатливите куфери „Louis Vuitton“ кои дополнително го нагласуваат уметничкиот карактер на часовникот.

Компанијата нагласува дека ова е сосема уникатен примерок, направен само во еден примерок, поради што е повеќе колекционерско уметничко дело отколку класичен луксузен часовник.

Извор:Б92

Тагови: часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите потврдуваат: Имаме застрашувачко оружје

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти.

Нападите извршени од руските сили на 11 јули со оружје со долг дострел и висока прецизност врз воено-индустриските објекти во Киев ја потврдија способноста на руските вооружени сили сигурно да погодат какви било цели во Украина, соопшти руското Министерство за одбрана.

„Денешните успешни напади врз два објекти од воено-индустрискиот комплекс во Киев и инфраструктурата на морските пристаништа Одеса, Чорноморск и Измаил во регионот Одеса ја потврдија способноста на руските вооружени сили сигурно да погодат какви било цели низ цела Украина“, се вели во соопштението, според ТАСС.

Се вели дека анализата на употребата на оружје со висока прецизност од страна на руските вооружени сили ја потврдила способноста сигурно да ги пробијат системите за воздушна и ракетна одбрана „што му ги обезбедиле на Зеленски неговите западни спонзори“.

„Групни напади со прецизно оружје се извршуваат со висока ефикасност против украинските пристанишни објекти, како и разни бродови што испорачуваат оружје и воена опрема на режимот на Зеленски“, нагласи министерството.

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти претходно денес.

Според началникот на Воената администрација на градот Киев, Тимур Ткаченко, и градските власти, пријавени се штети во неколку делови од градот.

Тагови: оружје русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар во сендвичара во Центар (ВИДЕО)

Пожар избувнал вечерва во сендвичарата Бејкинг Бред во центарот на Скопје.

На местото на настанот интервенирале екипите на противпожарната бригада и МВР.

Се уште не е познато како настанал пожарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.