Омикрон сојот ја преполни со позитивни пациентки Клиниката за гинекологија - Канал 5

Здравје

Омикрон сојот ја преполни со позитивни пациентки Клиниката за гинекологија

Се зголемува притисокот во Клиниката за гинекологија и акушерство со позитивни пациентки на ковид.

Омикрон сојот ја преполни со позитивни пациентки Клиниката за гинекологија

Во моментов има 11 позитивни жени, осум се продиле две чекаат да се породат. Тие се смесетени во посебен оддел во клиниката, влезот е од задниот дел на клиниката, а има и посебни родилни сали за инфицираните на ковид жени. Во јануари имало 40 трудни позитивни жени, во декември имало 20. Бројот на позитивни жени се зголемува дупло, велат од клиниката. Засега има слободни места, но брзо се потполнува секој слободен кревет. Доктор Јовановска објаснува дека жените кои имаат нормална бременост и се од крајниот стадиум од бременоста се препраќаат во болницата за гинекологија во Чаир. Како решение доколку капацитетите се целосно исполнат во гинекоголија породенити жени ќе бидат хоспитализирани во интерните клиники.

Директорката Јовановска објаснува дека во омикрон бранот пациентките се со полесни симптоми некои се асимптоматски, но кај дел симпотмите се тешки. Во последниот месец починала една трудна жена во петтиот месец од бременоста.

За две години се породиле 455 жени позитивни на ковид, 11 починаа. Гинеколозите апелираат трудните жени да бидат внимателни да не одат во места каде има многу луѓе да носат заштитни маски и по 14 недела од бременоста може да се вакцинираат. Од стартот на оваа недела капацитетите во ковид болниците го стигнуваат пикот на хоспитализирани. Од министерството за здравство најавија дека интерните клиники ќе се отворат повторно за ковид позитивните.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Претпоследна фаза од реконструкцијата на „Ленинова“

Претпоследна фаза од реконструкцијата на „Ленинова“, асфалтиран и кружниот тек на крстосницата со „Орце Николов“.

Герасимовски: Претпоследна фаза од реконструкцијата на „Ленинова“

Градоначалникот на Општина Центар, Горан Герасимовски, изврши увид во градежните активности во рамки на претпоследната фаза од реконструкцијата на улицата „Ленинова“.

Во тек е поставување на втор слој асфалт на потегот од булеварот „Партизански одреди“ до крстосницата со улицата „Илинденска“, во должина од 412 метри.

Се асфалтира и кружниот тек на крстосницата со улицата „Орце Николов“. Ова сообраќајно решение останува како трајно, бидејќи се покажа како успешно во намалување на бројот на сообраќајни несреќи.

Во рамки на досегашните активности, од двете страни на улицата се поставени нови пешачки патеки со вкупна должина од 825 метри. Подигнати и нивелирани се сите сливници и улични шахти, а поставени се и нови рабници. Паралелно се работи на реконструкција на постојната мрежа за јавно осветлување, додека во наредниот период е предвидено и поставување ново урбано зеленило, делумно во жардињери.

Реконструкцијата на вториот дел на „Ленинова“ го опфаќа потегот од булеварот „Партизански одреди“ до објектот на Министерството за земјоделство, шумарство и водостопанство, во должина од над 600 метри.

„Со ова го заокружуваме уредувањето на улицата „Ленинова“ како една од клучните сообраќајници во општината. Општина Центар континуирано вложува во современа, безбедна и функционална инфраструктура, со цел побезбеден и поефикасен сообраќај за сите учесници“, истакна градоначалникот Горан Герасимовски.

Првиот дел од улицата беше реконструиран во 2023 година, од булеварот „Партизански одреди“ до „Клубот на пратеници“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утре отворен ден во О. Карпош

Во среда (29.07.2026), од 13:00 до 17:00 часот, во холот во Општина Карпош, градоначалникот Сотир Лукровски и раководителите од општинските сектори, ќе одржат средба со граѓаните на Карпош. 

Утре отворен ден во О. Карпош

Отворениот ден во Општина Карпош , ќе се реализира по втор пат изминатиот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Силен земјотрес во Јапонија: Има повредени; железничкиот сообраќај е во прекин

Земјотрес со јачина од 7,1 степен според Рихтеровата скала денеска го погоди Јапонија, соопшти Европско-медитеранскиот сеизмолошки центар (EMSC).

Видео: Силен земјотрес во Јапонија: Има повредени; железничкиот сообраќај е во прекин

Епицентарот на земјотресот бил на островот Кјушу на југот од земјата, на длабочина од 10 километри и на 25 километри од градот Кумамото.

Според јапонските медиуми, неколку лица се повредени.

По земјотресот, железничкиот сообраќај во регионот Кјушу, вклучително и оној на брзиот воз „Шинкансен“, беше прекинат, соопшти компанијата „Кјушу рејлвеј“, пренесе агенцијата Кјодо.

Компанијата „Кјушу“ соопшти дека не се утврдени неправилности во нуклеарните централи „Генкаи“ во префектурата Сага и „Сендаи“ во префектурата Кагошима. Исто така, беше соопштено дека нивоата на радијација околу мерните станици не претрпеле промени.

Американскиот центар за предупредување од цунами (PTWC) соопшти дека опасноста од цунами по земјотресот поминала и дека не постои закана од цунами за јапонскиот брег.

Според сведоштва објавени на веб-страницата на EMSC, се почувствувало нишање што траело неколку секунди.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер