Омикрон ги урна надежите дека најлошото од пандемијата е зад нас - Канал 5

Здравје

Омикрон ги урна надежите дека најлошото од пандемијата е зад нас

,Генералниот директор на Светската здравствена организација Тедрос Аданом Гебрејесус го повика светот да се обедини и да донесе тешки одлуки потребни за да се стави крај на пандемијата на Ковид-19 следната година.

Омикрон ги урна надежите дека најлошото од пандемијата е зад нас

2022 мора да биде година кога ќе ставиме крај на пандемијата, изјави генералниот директор на СЗО.

Како што се приближуваат прославите на крајот на годината, Гебрејесус призна дека „сите сакаме да поминуваме време со пријателите и семејството. Сите сакаме да се вратиме во нормала".

– Но, за да се вратиме во нормала, треба да се заштитиме сега бидејќи случаите на Омикрон, кој многу брзо се шири, се зголемуваат, истакна тој.

Откако за првпат беше регистриран во Јужна Африка во ноември, Омикрон е идентификуван во десетици земји, што ги урна надежите дека најлошото од пандемијата е зад нас.

И покрај показателите дека не е потешка од варијантата Делта – која се уше е доминантна – Омикрон според раните податоци покажа дека е позаразен и загрижувачки отпорен на вакцини.

Со оглед на тоа што бројот на новозаразени многу брзо се зголемува, Тедрос истакна дека е подобро да се откажат настаните „сега и да се слави подоцна отколку да се слави сега и да се тагува подоцна".

– Сега треба да се фокусираме на ставање крај на оваа пандемија, нагласи шефот на СЗО.

Тедрос инсистира дека е можно да се запре пандемијата, но рече дека ќе треба да се искористат сите алатки кои асе на располагање, почнувајќи од вакцини до носење маски и физичко растојание.

И можеби најважно, светот треба да стави крај на очигледната нееднаквост во пристапот до вакцини.

– Ако сакаме да ставиме крај на пандемијата во наредната година, мора да ставиме крај на нееднаквоста, нагласи тој.

Извршниот директор на германската компанија „Бионтек", која е еден од производителите на вакцината против Ковид-19 – Фајзер/Бионтек, изјави дека раните податоци за ефикасност на вакцината против сојот Омикрон делуваат „смирувачки", но предупреди дека вакцините сами по себе нема да ја запрат пандемијата.

Директорот на Бионтек, Угур Шахин, за францускиот весник „Монд" истакна дека прелиминарните податоци од Велика Британија и Јужноафриканската Република укажуваат на „ефикасност од околу 70 проценти по третата доза и околу 20 до 40 проценти по втората доза". Шахин, исто така, вели дека чека податоци од реалниот живот за да ја процени точноста на една германска студија која укажува на брзо губење на ефикасноста од околу 25 проценти по три месеци, дури и по примени три дози.

Во Велика Британија 12 лица починаа од сојот Омикрон а 104 се хоспитализирани, изјави министерот за правда, Доминик Раб.

– Знаеме дека (омикрон) се шири многу брзо. Во моментов имаме 104 хоспитализации и 12 починати. Но, поради доцнење во однос на податоците, не знаеме колку сериозно ќе биде тоа, изјави Раб за Радио Тајмс.

Тој додаде дека лицата кои примиле дополнителна доза вакцина против имаат повеќе од 70 отсто заштита, со што ја оправда одлуката за забрзување на кампањата за вакцинација што британската Влада ја донесе пред осум дена.

Британскиот премиер Борис Џонсон изјави дека ги разгледува сите можности да ја држи под контрола варијантата Омикрон на коронавирусот бидејќи ситуацијата во земјата е исклучително тешка, нагласувајќи дека се потребни нови мерки.

– Морам да и кажам на британската јавност, и тоа им го порачувам на сите, дека нема да ја исклучиме можноста за воведување нови мерки за заштита на народот, изјави Џонсон по состанокот со членовите на Владата.

Тој, исто така, истакна дека ситуацијата во земјата е „исклучително тешка", а бројот на хоспитализирани лица заразени со коронавирусот во Лондон рапидно расте.

Израелските министри одобрија САД и Канада да бидат ставени на списокот на така наречените црвени земји во кои е забрането патувањето на Израелците поради ширењето на сојот омикрон.

Властите во Германија планираат да воведат „лесен локдаун" од 28 декември, и покрај прелиминарни планови да не ги заоструваат ограничувањата за вакцинираните и оние кои прележале Ковид-19.

Германија планира да ги ограничи приватните собири на максимум 10 лица кои биле вакцинирани или прележале Ковид-19, а истите ограничувања ќе важат и на отворен и на затворен простор, со тоа што децата помали од 14 години ќе бидат изземени од мерките.

Во Словенија бројот на новозаразени лица продолжува да опаѓа, а бројот на хоспитализирани исто така се намалува, но Владата не најавува олабавување на мерките за божиќните и новогодишните празници поради сојот Омикрон на коронавирусот.

Во Грција има потврдени 26 случаи на варијантата Омикрон, но претседателот на Националната организација за јавно здравје на Грција Теоклос Заути предупреди да не се задржува на оваа бројка, бидејќи се очекуваат повеќе случаи.

Заути објасни дека поголемиот број од овие случаи не се поврзани со патување во некоја од земјите каде што е раширен новиот сој.

Организаторите на Светскиот економски форум во Давос објавија дека јануарскиот состанок на Форумот е одложен поради Омикрон варијантата на коронавирусот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Две лица спасени од Охридското Езеро- возеле СУП даски на силен ветер

Со брза реакција езерската полиција спаси две лица во водите на Охридското езеро кои пловеле со даски и поради силниот ветер неконтролирано се оддалечувале од брегот.

Две лица спасени од Охридското Езеро- возеле СУП даски на силен ветер

Вчера (28.07.2026) во 19:55 часот во Полициската станица за граничен надзор Охридско езеро во Охрид било пријавено дека две лица кои со „СУП“ даски пловеле во водите на Охридското езеро на околу 1000 метри од езерскиот брег, наспроти авто камп во Охрид, со извикување барале помош. Полициски службеници од езерската полиција, веднаш се упатени на посочената локација, по што на околу 2000 метри оддалеченост ги забележале двете лица на даските, кои се обидувале да го одржат пловењето и барале помош. Полициските службеници веднаш пристапиле и презеле мерки за нивно безбедно префрлање на полициските чамци, по што констатирале дека се работи за Е.С.(19) и И.А.(18), двете од Охрид, кои поради нагло влошување на временските услови со силен ветар и големи бранови, со даските се повеќе се оддалечувале и не биле во можност да се вратат на брегот. Тие безбедно биле пренесени во просториите на езерската полиција.

Со цел зголемена безбедност на вода, СВР Охрид и езерската полиција упатуваат апел до сите капачи и корисници на „Суп“ даски или педалинки да не се оддалечуваат од означените безбедносни зони и да ги почитуваат безбедносните мерки, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Одржан вториот „Отворен ден“ во Општина Карпош

Општина Карпош го одржа вториот „Отворен ден“, во рамки на активностите насочени кон унапредување на директната и непосредна комуникација со граѓаните.

Одржан вториот „Отворен ден“ во Општина Карпош

И овојпат беше забележан значителен интерес од страна на жителите на Општина Карпош, поради што “Отворениот ден“ траеше до 18:00 часот.

Повеќе од 120 граѓани ја искористија можноста за директна средба со градоначалникот Сотир Лукровски и со раководителите на општинските сектори, при што ги презентираа своите предлози, прашања, иницијативи и барања.

Преку ваквиот формат на директна комуникација, граѓаните имаат можност непосредно да ги посочат предизвиците со кои се соочуваат, да ги претстават своите потреби и да добијат конкретни информации и одговори од надлежните општински служби.

Општина Карпош останува посветена на транспарентна, отворена и двонасочна комуникација со граѓаните, со цел нивните предлози и потреби да бидат активно земени предвид во процесот на носење одлуки и креирање политики од локално значење.

И во наредниот период ќе продолжи практиката на организирање вакви директни средби со граѓаните, со цел дополнително зајакнување на соработката, навремено постапување по нивните барања и создавање пофункционална, поуредна и поквалитетна локална заедница.

Сектор за односи со јавноста

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Со Нацрт ДУП-от „Барутана“ воведуваме плански ред – нема услови за нова „Панорамика“ и дивоградби

Градоначалникот на Општина Центар, Горан Герасимовски, во интервју за Канал 5 ги презентираше клучните аспекти од изработката на ДУП-от „Барутана“.

Герасимовски: Со Нацрт ДУП-от „Барутана“ воведуваме плански ред – нема услови за нова „Панорамика“ и дивоградби

Градоначалникот на Општина Центар, Горан Герасимовски, во интервју за Канал 5 ги презентираше клучните аспекти од изработката на ДУП-от „Барутана“, потенцирајќи дека новиот план не го зголемува, туку значително го намалува обемот на градење и воведува јасни правила за заштита на просторот на Водно.

Наводите за можни ерозии ги отфрли како нестручни бидејки се темели врз стручни анализи и физибилити студии.

„ДУП-от е дете на ГУП-от, кој е донесен со параметри што важат и денес. ГУП-от се темели на стручни проценки, снимања и анализи на теренот, вклучително и оние за ерозивноста“, изјави Герасимовски.

Тој нагласи дека неконтролираното и диво градење е главен ризик за појава на свлечишта и ерозија, додека планското уредување обезбедува стабилност и безбедност.

„Свлечиштата најчесто се резултат на непланска и самоволна градба. Со овој ДУП воведуваме ред наместо такви практики,“ додаде тој.

Градоначалникот демантираше дека се зголемува бројот на градежни парцели, посочувајќи дека тие се преземени од претходниот план.

Според новиот нацрт-план, вкупната дозволена изградба се намалува од 43.429 м² на 29.459 м² (за 33%), максималната изграденост се ограничува на 40%, се дозволува само едно подземно ниво, зелените површини се зголемуваат на 40%.

„Нема да има изигрувања како во случајот со ‘Панорамика’, каде се градеа повеќе лажни подземни нивоа. Со овој план се дозволува само едно подземно ниво за паркирање, со што се гарантира дека такви злоупотреби нема да се повторат“, истакна Герасимовски.

Тој информираше дека и сега е во постојан контакт со реномирани експерти од струката.

„Имавме консултации со стручни лица и градежници, денеска се сретнав со професорот и екс градоначалник Грчев. Тој укажа дека многу нестручни лица си даваат слобода да коментираат без елементарно познавање на материјата“, рече градоначалникот.

Герасимовски нагласи дека станува збор за план кој има континуитет со постојните решенија.

„Се создаде непотребна фама. Ова не е нов план, туку ДУП кој постои од 2002 година. Ние не го зголемуваме обемот на градење, туку го уредуваме просторот и воведуваме јасни правила“, истакна тој.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер