Локацијата на која се одржаа Игрите ќе биде отворена од утре и за време на овој, во Велика Британија велигденски викенд, па се до 23 јуни.

Во овој период Паркот ќе може да се посетува во текот на викендите и во времето на училишните распусти.

Комитетот кој управува со Паркот соопшти дека досега се продадени преку 20 илјади влезници.

Посетителите ќе мора да носат градежнички шлемови, затоа што Олимпискиот парк одново е претворен во големо градилиште на кое се врши трансформацијата и приспособувањето а целиот простор за неговата трајна намена.

Сите овие работи се проценуваат на 550 милиони фунти и со нив Олимпиското село се претвора во станбена населба, спортските објекти се подготвуваат за спортување, а другиот дел од просторот за комерцијална употреба.

Градежниците веќе ги демонтираа големата кошаркарска сала, теренот за хокеј на трева и големиот Мекдоналдс ресторан, а сите зелени површини се претвораат во паркови.

Во паркот се оставени само големиот олимписки стадион и велодромот, како и базените.

Кога ќе бидат комплетирани сите работи, целиот простор на кој се одржаа Олимписките игри уште еднаш свечено ќе биде отворен и прераден на граѓаните за користење.

Главната атракција која посетителите во следните три месеци ќе може да ја користат е олимписката кула, што се наоѓа до главниот олимписки стадион.

извор: МИА