Олимпискиот оган од античка Олимпија тргна кон Милано и Кортина за ЗОИ - Канал 5

Балкан

Олимпискиот оган од античка Олимпија тргна кон Милано и Кортина за ЗОИ

Олимпискиот оган за Зимските олимписки игри, денеска го започна патувањето кон Милано и Кортина од античка Олимпија, каде што се одржа и свечена церемонија, но во просториите на Археолошкиот музеј и без публика.

Олимпискиот оган од античка Олимпија тргна кон Милано и Кортина за ЗОИ

Олимпискиот оган за Зимските олимписки игри, денеска го започна патувањето кон Милано и Кортина од античка Олимпија, каде што се одржа и свечена церемонија, но во просториите на Археолошкиот музеј и без публика, поради лошите временски услови.

Олимпискиот оган беше запален во понеделникот, традиционално, од зраците на сонцето во храмот на божицата Хера во античка Олимпија на грчкиот полуостров Пелопонез, онаму каде што пред 2.800 години беа одржани првите антички олимписки игри и истиот се искористи денеска, со оглед на тоа што времето не дозволи денешната церемонија да се одржи на отворено.

Палењето на оганот за време на пробата во понеделникот беше целосно затворена за јавноста, но снимена и прикажана на денешната церемонија, а потоа продолжи во малата просторија на Археолошкиот музеј.

Следеше традиционалниот ритуал со специјална кореографија, како и молитва и благодарност до богот на сонцето Аполон и молитва до богот Зевс „за мир во целиот свет“.

Првиот факел го презеде освојувачот на бронзен медал во веслање на Олимписките игри во Париз, Гркот Петрос Гајдаѕис, кој заедно со италијанската олимписка шампионка Стефанија Белмондо го предадоа на следниот носач на факел, со што олимпискиот оган го започна деветдневното штафетното патување низ цела Грција.

На манифестацијата во Археолошкиот музеј во Античка Олимпија во присуство на грчкиот претседател Константинос Тасулас, министрите за спорт на Грција и Италија, почесниот претседател на МОК, Томас Бах и други официјални лица, се обратија претседателката на Меѓународниот олимписки комитет Кирсти Ковентри, претседателот на Грчкиот олимписки комитет Исидорос Кувелос, претседателот на Организацискиот комитет на Милано Кортина Џовани Малаго како и градоначалникот на античка Олимпија Аристидис Панајотопулос.

Во пресрет на денешната церемонија се одржа и симболична манифестација, официјалното потпишување на Олимпиското примирје, како што е пракса пред палењето на огнот на Олимписките Игри.

Декларацијата ја потпишаа градоначалниците на античка Олимпија, Илида и Спарта, Меѓународниот центар за олимписко примирје, претседателката на МОК, претседателот на Грчкиот олимписки комитет и други претставници на олимпиското и спортското движење.

Станува збор за современо оживување на античката традиција од пред речиси три илјади години, кога тројцата антички владетели Ифитос, Клеостенис и Ликургус се согласиле на „Договорот за примирје“, обезбедувајќи дека за време на Олимписките игри мирот ќе владее во грчкиот свет.

Олимпискиот оган до следниот четврток ќе патува низ цела Грција, ќе помине 2.200 километри, 23 префектури и седум региони, со 36 церемонии и вклучени 450 лица што ќе го пренесуваат факелот, придружени од 15 возила и 40 претставници на Грчкиот олимписки комитет.

Штафетата на 4 декември ќе пристигне во Атина, каде што на свечена манифестација отворена за јавноста на стадионот Панатенаик, олимпискиот оган ќе биде предаден на Организацискиот одбор на ЗОИ „Милано Кортина 2026“,

Зимските олимписки игри во Милано и Кортина ќе се одржат од 6 до 22 февруари 2026 година. /МИА

Тагови: грција олимписки игри

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер