Автомобилизам

Олдтајмери од 11 држави во септември доаѓаат во земјава, некои од нив досега невидени на овие простори

Од 27 септември над 30 олдтајмери од Западна Европа и САД ќе продефилираат низ земјава како дел од Бахус класик релито што за првпат се организира кај нас.

Некои од возилата коишто ќе пристигнат и ќе бидат дел од ова меѓународно рели од премиум ранг досега не се видени ниту во Македонија, ниту во регионот. Најавено е учество на претставници од 11 држави меѓу кои САД, Германија, Австрија, Англија, Белгија, Швајцарија, Луксембург, Бугарија, Грција.....

Организаторите Игор Стефановски и Благоја Петровски, кои исто така се вљубеници во овој тип возила и кои повеќепати досега учествувале на ваков тип релија, во разговор за МИА велат дека се работи за рели од премиум ранг какво што организираат европските држави.

Откриваат дека учесниците ќе возат по утврдена рута од вкупно 1060 километри низ две држави со 27 специјални етапи. Ќе се вози според правилата што ги налага ваков тип рели, но дека целиот настан ќе биде надополнет со посета на најзначајните културно-историски споменици и винарии со што ќе биде презентирана и историјата и традицијата на овие простори.

- Рутата што ќе се вози е веќе утврдена. За време на седумдневното рели ќе ги посетиме Хераклеја во Битола, Охрид како најзначајна туристичка дестинација, Бигорскиот манастир..., а самото име на релито дадено по римскиот бог на виното укажува дека неминовна е и дегустацијата на добро познатите македонски вина, велат Стефановски и Петровски за МИА.

Со ова, како што посочуваат двајцата, не само што по првпат ќе биде организиран ваков настан во нашата држава што ќе ја позиционира на светската мапа на вакви релија, туку учесниците одблизу ќе се запознаат и со македонската историја и добро познатата македонска храна.

- Придобивките се големи. Земјава ќе стане препознатлива по настани од ваков вид, а со доаѓањето на луѓе од овој калибар во земјава и промовирањето на нашите културно-историски знаменитости неминовно ќе придонесеме и во развојот на туризмот, нагласуваат Стефановски и Петровски.

Задоволни се од одѕивот на учесници кои веќе го потврдиле учеството на релито, а некои од нив првпат ќе ја посетат земјава. Ова, според нив, ветува успешен почеток на еден ваков меѓународен настан кој, како што откриваат, имаат намера да прерасне во традиција и да стане препознатлив бренд во државата.

Одговорноста е голема, нагласуваат Стефановски и Петровски, но многу поголема е желбата да се даде личен придонес во промовирањето на сопствената држава и таа да се позиционира на мапата на светски настани од овој ранг.

- Иако е мала по големина, Македонија е држава која има што да понуди, а ова е добра можност за промоција на нашата култура и историја, велат Стефановски и Петровски.

Посочуваат дека подготовките се при крај и дека едвај го чекаат почетокот на ова меѓународно рели, но повеќе информации најавуваат на прес-конференција којашто планираат да ја одржат на почетокот на септември.

Бахус класик релито дел од ФИВА

Релито првпат беше промовирано на „Classic Gala Schwetzingen 2024“, еден од најпрестижните настани за олдтајмери во Европа што се одржа во барокниот дворец во германскиот град Швецинген. Стефановски и Петровски беа единствените претставници од земјава кои се претставија со „Fiat Abarth 1000TC Gr.5 Replica“, уникатен примерок кој привлече интерес кај присутните посетители.

Релито веќе е впишано и во календарот на Светската федеративна асоцијација на историски автомобилски клубови која обединува повеќе од 2,5 милиони љубители на олдтајмери од повеќе од 70 држави.

Тимот на „Бахус класик“ учествуваше и на 48-то издание на Интернационалниот олдтајмер настан што во јули годинава се одржа во германскиот град Баден Баден. Таму го освоија првото место во својата категорија со „Abarth 1000 TCR“ од 1970 година, којшто беше единствен ваков примерок на настанот.

На овој настан, што се одржа во градот којшто е под заштита на УНЕСКО, учествуваа 390 автомобили од цела Европа, а возилата беа изложени во централниот парк што е опкружен со историски згради со кои се надополнуваше убавината на олдтајмерите.

Тагови: Олдтајмери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.