Ова е сведоштвото за невообичаеното утро на граѓаните на оваа населба во центарот на Скопје кои ги разбудил звукот на кршење на стаклата при што веднаш дотрчале на паркингот да видат што се случува, и останале шокирани од глетката. Оштетените ваквата ситуација ја раскажаа за Канал 5 позади камерите, оти не сакаа да бидат снимени. Тие велат дека го познаваат сторителот, кој имал психички проблеми.
Според неофицијалните информации, сторителот прво ветробранските стакла ги кршел со рака, а откако се повредил, продолжил да ги оштетува со тврд предмет, од каде и произлегол звукот кој што ги разбудил граѓаните.
Според информациите кои што ги добивме од самото место, веднаш по пријавата на граѓаните околу 7.30 утринава, полицијата за неколку минути стигнала на местото, а сторителот е пронајден на уличката до монтажниот паркингот со раскрвавена рака и во алкохолизирана состојба. Тој веднаш бил приведен од страна на групата за интервенции во полициската станица Беко, каде е и задржан за понатамошно испитување.
На 22.07 во 07:25 часот во СВР Скопје е пријавено дека во катна гаража во билизина на трговски центар на подрачјето Центар имало оштетено неколку возила. На лице место излезени се полициски службеници и се работи на расчистување на случајот.
Кога екипата на Канал 5 пристигна, полицијата беше се уште присутна заедно со видно револтираните и оштетени граѓани каде што се изготвуваше записникот, преку разговор со сите сопственици на 18те искршени возила.