ОК ќе биде домаќин на самит со лидерите од Западен Балкан кон крајот на годинава - Канал 5

Балкан

ОК ќе биде домаќин на самит со лидерите од Западен Балкан кон крајот на годинава

Обединетото Кралство ќе биде домаќин на самит со лидерите од Западен Балкан кон крајот на годинава.

ОК ќе биде домаќин на самит со лидерите од Западен Балкан кон крајот на годинава

Обединетото Кралство кон крајот на годинава ќе биде домаќин на самитот за Западен Балкан во партнерство со Германија што, како што информираат од Британската амбасада во земјава, ја нагласува посветеноста на британската влада за ресетирање на односите со Европа и на последниот чекор во стратегијата на владата за градење трајни партнерства во насока на уништување на криминалните групи кои ја потпомагаат нерегуларната миграција.

Самитот, како што информираат од Британската амбасада во земјава, ќе ја зајакне соработката со партнерите од Западен Балкан за справување со нерегуларната миграција по клучните транзитни рути, со што ќе се реализира планот на британскиот премиер за промени.

Фокусот ќе биде ставен и на заедничката соработка за борба против користењето на регионот како транзитна рута за нерегуларната миграција, при што Владата ќе се фокусира на користење на сите алатки што ѝ се на располагање за контрола на границите на Обединетото Кралство.

Формално познат како Берлински процес, Самитот ќе ја зајакне соработката со европските партнери со цел да помогне во реализацијата на стратегијата на Владата на Обединетото Кралство за зајакнување на границите, разбивање на бандите и враќање на оние што немаат право да бидат таму во нивните земји.

Како една од најискусните дипломати на Обединетото Кралство, дама Карен Пирс, носител на Најпрестижниот орден на св. Михаил и св. Ѓорѓи (DCMG) е назначена за специјален претставник на Обединетото Кралство за Западен Балкан, задолжен за поттикнување на стратешките цели на Обединетото Кралство низ целиот регион, вклучително и подготовките за Самитот.

Британскиот секретар за надворешни работи Дејвид Лами, по тој повод, изјави дека „Западен Балкан е регион со долгогодишно значење за Обединетото Кралство, а нашите партнерства во регионот ја покажуваат нашата посветеност на европската безбедност и на исполнување на планот на Владата за промени“.

Британската амбасада ја пренесува и изјавата од министерката за гранична безбедност и азил, Ангела Игл која рече, дека „преку Командата за гранична безбедност, повторно градиме силни односи низ Европа и пошироко за да се справиме со заедничкиот предизвик на нерегуларната миграција и да ги обезбедиме нашите граници“.

-Оваа влада веќе потпиша нови договори за зголемување на оперативната соработка за организираниот имиграциски криминал со земјите како Северна Македонија, Србија и Косово. Нашата меѓународна работа, заедно со посилниот пристап за спроведување на имиграцијата што се презема во Обединетото Кралство, ќе обезбеди подобро справување со бандите за шверц на луѓе на секое ниво, изјави Игл.

Во јануари, Обединетото Кралство ги објави и плановите од режимот со санкции кој е прв таков режим во светот, а чија цел е уништување на синџирите за криумчарење на луѓе и исцрпување на незаконските финансии кои ги поттикнуваат нивните операции.

Со присуството на три сојузници на НАТО во регионот, Западен Балкан е од критично значење за безбедноста на Обединетото Кралство и Европа. Ризикот од нестабилност се зголемува: регионалните тензии се потпомогнати од малигното руско влијание и постои итна потреба за сузбивање на криминалните банди кои го претворија регионот во главна транзитна рута за нерегуларна миграција низ цела Европа.

Специјалниот претставник на Обединетото Кралство ќе придонесе и на пошироките мисии од Планот за промени на премиерот, вклучително и работата на попречувањето на организираните криминални групи за зголемување на безбедноста на британските улици и промовирање на можностите за постигнување на економски раст на британските бизниси./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски: Откупната цена на вранецот ќе изнесува 21,8 денари, а на смедеревката 20 денари за килограм

Откупната цена за килограм винско грозје од сортата вранец ќе изнесува 21,8 денари, додека за смедеревката ќе изнесува 20 денари, соопшти денеска во Кавадарци министерот за земјоделство, шумарство и водостопанство Борче Серафимовски.

Серафимовски: Откупната цена на вранецот ќе изнесува 21,8 денари, а на смедеревката 20 денари за килограм

„Овие цени се утврдени врз основа на реалните трошоци на лозарите и законски предвиденото зголемување од 25 отсто. Обезбедуваме фер, транспарентен и предвидлив процес, во кој трудот и вложувањата на лозарите се соодветно вреднувани“, истакна министерот Серафимовски.

Министерството за земјоделство, шумарство и водостопанство ја утврди производната цена за двете најзастапени сорти винско грозје согласно Законот за виното и Методологијата за пресметка на трошоците за производство на килограм винско грозје на определена површина и соодветен квалитет.

Пресметката ја изготви Земјоделскиот институт - Скопје, како научна институција избрана преку јавен конкурс. Производната цена е добиена врз основа на теренски истражувања, анкети и анализа на репрезентативен примерок на лозарски стопанства.

При нејзиното утврдување се земени предвид сите релевантни производни параметри, вклучително и трошоците за агротехнички мерки, заштита и прихрана, работна сила, механизација, репроматеријали, како и останатите фиксни и варијабилни трошоци.

Заради целосна транспарентност на постапката, анкетните листови користени при пресметката беа јавно објавени на веб-страницата на Земјоделскиот институт - Скопје.

Министерството останува посветено на доследна примена на Законот за виното и подзаконските акти, како и на создавање стабилни и предвидливи услови за производство и откуп на винското грозје, во интерес на лозарите и на развојот на домашната винарска индустрија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Во Италија исклучени 850 камери за брзина

Возачите во Италија масовно се жалат дека камерите за брзина не ги исполнуваат сите законски барања, а сега нивните жалби дадоа сериозни резултати.

Во Италија исклучени 850 камери за брзина

Бидејќи бројот на жалби со текот на времето драстично се зголеми, неколку општини одлучија целосно да ги исклучат своите радари додека не се донесат појасни прописи.

Италијанската влада сега реагираше и воведе нови национални правила за радарските системи. Сите уреди во земјата мора да ги исполнуваат идентичните технички барања, објавува RevijaHAK.

Пред да бидат ставени во употреба, камерите мора да поминат ригорозно тестирање, а потоа и редовни периодични проверки за да се гарантира апсолутна точност на мерењето. Новите правила, исто така, носат значително повисоки технички стандарди кога станува збор за препознавање на регистарски таблички.

Исто така, ако опремата е сервисирана на кој било начин или нејзиниот софтвер е ажуриран, таа мора да помине низ нова постапка за верификација пред да се врати на патот.

Министерот за инфраструктура и транспорт на Италија, Матео Салвини, изјави дека камерите за брзина мора да служат исклучиво за зголемување на безбедноста на патиштата, а не како скриен инструмент за полнење на локалните буџети.

Иако оваа изјава звучи популистички, овој пат е поткрепена со конкретни технички промени. Реформата беше поздравена и од организациите за безбедност на патиштата и од здруженијата за заштита на потрошувачите.

Сепак, повеќето камери во земјата продолжуваат да работат - околу 3.150 камери ги исполнуваат новите стандарди и ќе продолжат да ги евидентираат прекршоците како и досега. Од друга страна, околу 850 италијански камери во моментов не ги исполнуваат потребните услови и затоа се исклучени - барем засега.

Извор: Б92

Тагови: Италија камери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

„Кремљ станува исклучително опасен“

Литванскиот претседател Гитанас Науседа денес потврди дека разузнавачките служби добиле информации за можни руски провокации во Полска или балтичките држави, чија цел би можела да биде тестирање на единството на НАТО.

„Кремљ станува исклучително опасен“

Во интервју за „BNS“, Науседа рече дека станува збор за можни ограничени напади врз критични инфраструктурни објекти, вклучувајќи ги енергетските и транспортните мрежи, кои би можеле да се извршат со различни средства.

„Не можам да негирам дека имаме такви информации и дека зборуваме за целни операции кои, многу веројатно, би можеле да бидат насочени кон критични инфраструктурни објекти“, рече литванскиот претседател.

Тој изјави дека поради овие проценки, мерките за заштита на клучните објекти во земјата се зајакнати, особено оние важни за функционирањето на енергетскиот систем и поврзувањето на Литванија со европската мрежа.

Според него, можните руски активности би можеле да вклучуваат физичко оштетување на инфраструктурата, од саботажи до напади со беспилотни летала.

„Сè што може да го запре функционирањето на овие објекти мора да се сфати сериозно“, рече Науседа.

Зборувајќи за војната во Украина, литванскиот претседател оцени дека ситуацијата во Кремљ се влошува и дека Русија станува се поопасна поради растечкиот притисок предизвикан од последиците од војната и украинските напади врз руската инфраструктура.

„Кремљ станува исклучително опасен, бидејќи во очај почнува да разгледува работи што претходно не ги разгледувал“, рече Науседа.

Тој додаде дека Литванија не смее да се потпира на фактот дека ризиците ќе се намалат, туку мора да биде подготвена да одговори на можни закани.

Извор: Б92

Тагови: кремљ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер