Од ОЈО објаснуваат дека во периодот од 2023 до 2024 година во текот на работното време им се заканувал и вршел континуирано психичко насилство врз пет вработени жени во вишето обвинителство со цел да им нанесе душевна болка преку понижувачко постапување.

„Користејќи ја неговата службена хиерархиска надреденост, во повеќе наврати грубо им се заканувал дека има моќ и може веднаш да ги избрка од работа, дека „ќе ги дигнел на клоци“, „ќе ги фрлел од 6-ти кат“, „ќе ги ставел во притвор и под посебни истражни мерки“. Дел ги навредувал дека „му го грделе обвинителството“ и им забранувал да комуницираат меѓу себе и со други вработени. Оштетените, неможејќи да ги поднесат заканите и психичкото насилство со понижувачко постапување од обвинетиот, се обратиле писмено до Јавното обвинителство “ - соопшти ОЈО.

Хајрулахи за Канал 5 објаснува дека станува збор за невистина и прашува зошто обвиниението што е пуштено во јули, а се објавува денеска?

-Категорично ги отфрлам сите наводи никој не сум малтертирал, ниту сум навредувал некого. Тоа требаше јавниот обвинител Тања Кацарова да го утврди списокот на сведоци. 01.19„Намерата е да се направи дефокус на јавноста по однос на скандалите секојдневно во јавното обвинителство. А, последниот е со предметот наречен Рекет 2.-изјава Мустафа Харулахи суспендиран шеф на Вишото јавно обвинителство Скопје.

Покрај ова обвинение, обезбедени се докази и поднесен е обвинителен предлог во однос на службеното постапување на Хајрулахи и уште еден јавен обвинител од Вишото јавно обвинителство Скопје Јован Цветановски. Тие како соизвршители сториле продолжено кривично дело – злоупотреба на службената положба и овластувања.

- „Обвинетите од јануари 2023 година до август 2024 година заедно и со умисла извршиле повеќе временски поврзани дејствија што претставуваат повеќекратно остварување на исто дело, искористувајќи ист траен однос и исти прилики, со тоа што преземале службено дејствие со кое ги пречекориле границите на своите службени овластувања“, велат од СЈО.

Цветановски за канал 5 објасни дека немал законска обврска да го консултира Коцевски каква одлука да донесе. За конкретните случаи рече дека биле без докази, а обвиненијата нарачани.

- Јас формално за вакво обвинение дознавам од колегите од судот во Штип кон крајот на јули и немаше истрага ниту сум повикан да дадам било каква изјава. Овде е само присликана дисцпилнската постапка за претходните предмети. - Јован Цветановски.

Коцевски, од извршениот надзор во декември минатата година достави предлог за поведување дисциплинска постапка против шефот на Вишото јавно обвинителство Скопје, Мустафа Хајрулахи, и еден јавен обвинител, поради нестручно и несовесно работење во четири предмети во кои се откажал од жалба или обвинение. По доставениот предлот од Коцевски, Цветановски и Хајрулахи негираа дека местеле предмети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.