На овие прашања по посетата на Урсула фон дер Лајен побаравме одговори од политичкиот аналитичар Петар Арсовски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ова го изјави премиерот Христијан Мицкоски по средбата со фон дер Лајен, според која тоа е неопходно за да се придвижи дијалогот, а уставните измени остануваат клучен чекор.

-Се договоривме да го направиме првиот нов чекор следната недела, да се обидеме да го одблокираме процесот, всушност да го претвориме во процес, тоа е најважниот дел. Сега има само еден клучен чекор кој треба да го превземете за да можете да се придвижите напред. Знам колку е ова чуствително, но сакам да бидам јасна околу она за што се залага Европа. Ние и посакуваме добредојде на С.Македонија со нејзиниот јазик и идентитет.- Урсула фон дер Лајен, претседателка на Европска Комисија

-Не бараме од Унијата да завземе страна, бараме да помогне во создавање услови за оддржливо европско решение во кое договореното ќе биде јасно, обврските ќе важат за сите а процесот на пристапување нема повторно да биде отворен за нови билатерални условувања. // Јас веднаш побарав од министерот (Муцунски) да испрати дипломатска нота да побара време за средба и состанок со неговата колешка.- Христијан Мицкоски, претседател на Влада

Македонија засега не добива патоказ како останатите четири земји кандидатки бидејќи е со блокиран пат, односно тие веќе се длабоко навлезени во преговарачкиот процес.

-Во моментот кога ќе ја деблокираме ситуацијата тука, моето лично мислење е дека можеме да бидеме мошне брзи со Македонија затоа што веќе интензивно работиме на реформите коишто се неопходни. Да, се уште има работа, но импресивно е она што досега го имате направено. Сега се фокусираме многу за да деблокираме, за да можеме потоа да дојдеме со патоказ и во Македонија.- Урсула фон дер Лајен, претседателка на Европска Комисија

Премиерот Мицкоски укажа дека земјава ги исполнува своите реформски обврски но очекува европскиот пат да е фер и базиран на правила, а дијалогот со Бугарија да се одвива во добра волја, меѓусебно почитување и без нови условувања, барања и толкувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерот за здравство, Сашо Клековски, денеска ја посети Општа болница – Кичево, каде заедно со директорката д-р Маја Цветаноска Трајковска и градоначалникот Александар Јовановски одржа прес-конференција за новата болница и за намената на постојниот објект.

Овој настан е дел од работната посета на здравствените установи во југозападниот регион, која ги опфати и Специјалната болница за нефрологија и Општата болница во Струга.

„Новата болница е наша цел и активно работиме на реализација на овој проект. Но, граѓаните на Кичево и околината не можат да чекаат додека таа се изгради. Затоа, не чекаме — болницата ја зајакнуваме уште сега, со нова опрема, нови услуги и нов кадар“, изјави министерот Клековски.

Министерот ги истакна најзначајните новини во 2025 година, кои за првпат се воведуваат во болницата:

• имунолошки апарат за анализа на тумор-маркери, хормони, Д-димери, срцеви маркери (тропонин) и алерголошки панели;

• гасен анализатор за брза процена на итни и тешки пациенти;

• нов анестезиолошки апарат со капнограф и ново LED операционо светло, а во тек е набавка на видеоларингоскоп и автоклав;

• нов гастроскоп за подобра дијагностика;

• 4 специјализанти и 4 доктори по општа медицина трајно вработени, а за уште 5 специјализанти постапката е во завршна фаза.

„Опрема без кадар не значи ништо, а кадар без опрема не може да работи. Во Кичево ги градиме двете истовремено — за пациентот да добие дијагноза и лекување тука, во својот град, без да патува до Скопје“, истакна Клековски.

Директорката на болницата, Цветаноска Трајковска ја истакна важноста на новата опрема - во радиологијата болницата доби нов дигитален рендгенски апарат, нов дигитален мамограф и ехо-апарат 3D/4D со еластографија, донација од Општина Кичево.

Во РТГ кабинетот во 2025 година се реализирани околу 19.500 прегледи: рендгенски, компјутеризирана томографија, мамографии и ехо-прегледи на дојка.

„Имунолошкиот апарат ,,Siemens ImmuLite 2000 System" ни овозможува анализи кои претходно не можевме да ги правиме во установата, а биохемиската лабораторија годишно опслужува 28.000–30.000 пациенти. Гасниот анализатор EDAN е од особено значење за брза проценка на метаболичкиот и респираторниот статус, особено кај итни и тешки пациенти. Анестезиолошкиот апарат ,,Dräger Fabius plus XL" со капнограф овозможува подетално следење на пациентот за време на интервенцијата, а во оперативниот блок годинава се извршени над 200 хируршки интервенции. Новиот гастроскоп ја подобрува дијагностичката проценка, а со него се направени околу 100 прегледи“, потенцираше директорката.

Градоначалникот на општина Кичево, Александар Јовановски истакна дека кичевчани заслужуваат нова болница и Општината ќе продолжи да дава поддршка за нејзина реализација.

-Веќе покажавме дека даваме поддршка за болницата, со најновата донација на ехо-апарат 3D/4D со еластографија, кој денес им служи на пациентите во Кичево. Сè што е во наша можност, ќе го направиме за граѓаните да добиваат квалитетна здравствена заштита во својот град“, истакна градоначалникот Јовановски, потенцирајќи ја одличната соработка со Министерството за здравство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.