Охрид наредните денови во знакот на водените спортови-Второто издание на „Ohrid Water Festival“ - Канал 5

Забава

Охрид наредните денови во знакот на водените спортови-Второто издание на „Ohrid Water Festival“

 Од утре до 31 август Охрид  ќе пулсира во знакот на спортовите на вода, преку настаните и содржините на второто издание на големата промотивно-спортска манифестација „Ohrid Water Festival“.

Охрид наредните денови во знакот на водените спортови-Второто издание на „Ohrid Water Festival“

Целта на фестивалот на вода е популаризација на водените спортови на Охридското Езеро и промоција на уникатните потенцијали со кои располага Охрид како најголем туристички центар во земјава.

Како што посочи градоначалникот на Охрид, Кирил Пецаков, концептот штој беше успешно реализиран минатото лето прераснува во една платформа за промоција на природната убавина на градот и езерото и спортска традиција што ги отвора вратите кон нови спортски авантури.

- Сите напори и целиот труд околу подготовка на програмата ја потврдуваат заедничката посветеност и ја покажуваат големата љубов кон водените спортови. Нашето езеро, со своите кристално чисти води и уникатни пејзажи овие денови ќе прерасне во арена за 20 возбудливи спортски настани. Секој од нив ќе биде уникатно доживување кое ќе ги исполни очекувањата на публиката, рече Пецаков на денешната прес-конференција свикана по повод манифестацијата.

На презентацијата на програмата и содржините на Фестивалот на вода, покрај спортските настани, предвидени се и богати социјално-едукативни содржини со низа интересни и забавни активности, што ќе се одвиваат на платото пред хотелот „Палас“.

- Целта е да се создаде атмосфера која ќе го привлече вниманието на секој посетител и ќе ги поттикне сите генерации да уживаат во оваа манифестација, рече Пецаков.

Јоне Станкоски од Организацискиот одбор на Фестивалот на вода посочи дека се работи за стратегиски проект што на Охридското Езеро ќе ги врати подзаборавените спортови на вода што отсекогаш биле белег на градот.

- Оваа година на манифестацијата има повеќе од 20 настани од спортско-рекреативен карактер, од кои повеќето се од меѓународен карактер. Во деновите што следат охриѓани и гостите ќе можат да проследат регати во кајак, веслање, трки во пливање, суп-трки, пливачки митинг, регата од Европскиот куп во едрење, но и водени лудории, трки со педалинки и табланет под вода, рече Станкоски.

Во рамки на програмата на Фестивалот се предвидени и бројни едукативни содржини, изложби.

Целата манифестација ќе биде збогатена со забавна програма, со презентации на традиционална храна и локални специјалитети, настапи на ди-џеи, концерти на познати уметници за сите генерации, од „Златно славејче“ преку настапи на ученици на Општинското музичко училиште, до концертите на „Суперхикс“, Наум Петрески и други.

Круна на целата манифестација и годинава ќе биде Охридскиот пливачки маратон закажан за 31 август.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Белгија има нов селектор

Марк Ван Бомел е новиот селектор на белгиската фудбалска репрезентација, објави националната асоцијација. 

Белгија има нов селектор

Поранешниот холандски репрезентативец потпиша договор до крајот на Европското првенство во 2028 година, а официјално ќе ја преземе функцијата на 15 август. „Голема чест ми е да станам селектор на Белгија“, рече 49-годишниот Ван Бомел.

Тој најави изградба на дисциплинирана и амбициозна репрезентација која ќе има храброст да се натпреварува со најдобрите. Во тренерскиот штаб ќе му се придружат поранешниот холандски репрезентативец Будевијн Зенден, Мартен Мартенс и Рајниер Робемонд. Ван Бомел добро го познава белгискиот фудбал бидејќи го водеше Ројал Антверпен од 2022 до 2024 година.

Гарсија не доби класичен отказ

Ван Бомел го наследи Руди Гарсија, но францускиот селектор технички не беше отпуштен. Неговиот договор истекува на 31 јули, а по дискусиите беше одлучено дека соработката нема да биде продолжена. Гарсија ја водеше Белгија од февруари 2025 година и во 20 натпревари оствари 12 победи и само два порази.

Тој обезбеди да остане во највисокото ниво на Лигата на нации, се квалификуваше за Светското првенство и влезе во осумте најдобри репрезентации во светот. Белгија го започна Светското првенство со нерешени резултати против Египет и Иран, по што ја подобри својата форма и стигна до четвртфиналето. Таму беше поразена со 2:1 од Шпанија, која подоцна ја освои титулата светски шампион.

И покрај успешниот мандат што резултираше со тоа, белгиските медиуми пишуваа за разликите во мислењата меѓу Гарсија и дел од играчите, како и за несогласувањето со спортскиот директор на Здружението, Винсент Манаерт. Тој особено не беше задоволен од некои настапи во групната фаза на Светското првенство. Здружението наводно сакаше помлад, помодерен тренер за новиот репрезентативен циклус.

Победник на Лигата на шампионите и финалист на Светското првенство

За време на неговата играчка кариера, Ван Бомел беше познат како жилав, борбен и тактички дисциплиниран играч од средниот ред. Тој играше за Фортуна Ситард, ПСВ, Барселона, Баерн Минхен и Милан, а кариерата ја заврши во 2013 година по враќањето во ПСВ.

Освои национални првенства во Холандија, Шпанија, Германија и Италија, а во 2006 година ја освои Лигата на шампионите со Барселона. Одигра 79 натпревари за холандската репрезентација и постигна десет гола. Беше член на тимот што стигна до финалето на Светското првенство во 2010 година, каде што загуби од Шпанија.

Одличен почеток, а потоа и пад во ПСВ

Тренерската кариера ја започна како асистент во холандската репрезентација до 17 години, а потоа работеше со своето момче Берт ван Марвијк во тренерските штабови на Саудиска Арабија и Австралија. Пред својата прва самостојна работа, тој го водеше и јуниорскиот тим на ПСВ.

Го презеде првиот сениорски тим на ПСВ во летото 2018 година. Својот мандат го започна со 14 последователни победи во холандското првенство, но во втората сезона резултатите драстично се влошија. Тој беше отпуштен во декември 2019 година, откако ПСВ оствари само две победи во 12 натпревари и падна на четвртото место.

Во летото 2021 година, тој го презеде Волфсбург. Неговиот тим ги доби првите четири натпревари во Бундеслигата и накратко беше на врвот на табелата, но потоа продолжи со серија од осум натпревари без победа во сите натпреварувања. Ван Бомел беше отпуштен веќе во октомври, по помалку од четири месеци на клупата.

Го постигна својот најголем успех во Белгија

Тој беше далеку поуспешен во Антверпен. Тој го презеде клубот во 2022 година и ја освои двојната круна веќе во првата сезона. Антверпен стана белгиски шампион за прв пат по 66 години, а заедно со титулата, го освоија и националниот куп. Неколку недели подоцна, пристигна и белгискиот Суперкуп.

Ван Бомел го предводеше Антверпен до групната фаза од Лигата на шампионите следната сезона, а го напушти клубот во летото 2024 година. Оттогаш не раководел со тим. Белгиската федерација сега му ја довери репрезентацијата која минува низ смена на генерации, но сепак има доволно квалитет за да се бори за висок пласман на Европското првенство во 2028 година.

Тагови: Белгија селектор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Државјанка на Македонија намерно прегазила куче во Улцињ, па се обидела да избега од Црна Гора (ВИДЕО)

Државјанка на Македонија е уапсена во Црна Гора откако, според неофицијални информации од полицијата до Вијести, намерно прегазила куче со својот автомобил.

Државјанка на Македонија намерно прегазила куче во Улцињ, па се обидела да избега од Црна Гора (ВИДЕО)

Инцидентот е пријавен во полицијата во Улцињ денеска околу 16 часот.

Полиција: Се обидела да ја напушти земјата

Црногорската полиција неофицијално за Вијести изјави дека едно лице пријавило дека жена го прегазила кучето со својот автомобил.

„Полицијата го пронашла возилото и ја идентификувала возачката, државјанка на Македонија“, соопшти полицијата.

Ќе се спроведе истрага на лице место

Додадоа дека нејзиното притворање во полициската станица во Улцињ е во тек.

„Се обидела да ја напушти земјата, но ние ја спречивме. На лице место ќе се спроведе истрага. Известен е основниот државен обвинител“, изјавија од црногорската полиција за Вијести.

Тагови: куче Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС повторно шири паника, лани за пожарите, годинава за загаденоста на водата

СДС се жив доказ дека се способни да го пробијат моралното дно, да користат случаи кои ги загрижуваат граѓаните, само за свој личен интерес.

ВМРО-ДПМНЕ: СДС повторно шири паника, лани за пожарите, годинава за загаденоста на водата

Во тој контекст се и нивните обиди од изминатите дена, со ширење лаги да креираат хистерија која предизвикува страв и несигурност кај граѓаните.

Очигледно е дека треба да се внимава на информациите кои ги пласира СДС, лани ширеа хистерија околу пожарите, а оваа година се обидуваат да создадат паника за загаденоста на водата, пласирајќи стар извештај за водата во Велес како да е актуелен.

СДС повторно се служи со манипулации и дезинформации за да ќари политички поени на сметка на стравот кај граѓаните.

Извештајот што го пласираат е стар година и пол, од февруари 2025 година, и се однесува на село Сливник во општина Велес, населено место кое не е поврзано со градскиот водовод. Наместо факти, СДС свесно шири застарени информации за да предизвика вознемиреност кај јавноста.

Толку се очајни што не се двоумат да ја злоупотребуваат темата за здравјето на граѓаните за дневнополитички цели.

Намерното ширење паника и дезинформации е крајно неодговорно однесување и не смее да стане средство за собирање политички поени.

Граѓаните препознаваат дека ваквите обиди се резултат на очајот на СДС поради нивниот пад на довербата и рејтингот, се наведува во партиската реакција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер